Jeremías 11:15 - CHUYA QELLQA La Biblia en Quechua de Ayacucho 2012

¹⁵ Kuyasqay llaqtalláy llumpayta huchallikuchkaspaqa, ¿imatataq kay temploypi ruwanki? ¿Yaqachu wirakunawan aychakuna ofrecewasqaykichik castigoyta qamkunamanta asurachinman? ¿Mana allinkunapi kachkaspachu anchata kusikunkichik?

Quechua Ayacucho Bible 1987

¹⁵ Juda nacionpi kuyasqay runakuna, tukuy mana allinta ruraruchkaspaqa ¿imatataq temploypiqa rurankichik? ¿Sapaqchapuwasqaykichik aychata ofrecespachu castigoyta qamkunamanta chinkachinkichik? ¿Mana allinkunapi kachkaspachu anchata kusikunkichik?

Chuya Qellqa 1992

¹⁵ Kuyasqay llaqtalláy llumpayta huchallikuchkaspaqa ¿imatataq kay temploypi ruwanki? ¿Yaqachu wirakunawan aychakuna ofrecewasqaykichik castigoyta qamkunamanta asurachinman? ¿Mana allinkunapi kachkaspachu anchata kusikunkichik?

Jeremías 11:15 Iomraidhean Croise

Proverbios 10:23

Mana yachayniyuq runaqa mana allin ruwayninpim kusikun, yachayniyuq runañataqmi yachaywan kusikun.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 2:14

Yachaymi mana allinta ruwaspa kusikuqkunamanta waqaychasunki, mana allin ruwayninkupi kusikuqkunamantam waqaychasunki.

Proverbios 21:27

Mana allin runakunapa ofrendanqa millakuypaqmi, mana allin sonqonwan qosqankurayku.

Proverbios 26:18

Imaynam locoyasqa runa wañuchikuq lenwachkaq flechakunata kacharin,

Proverbios 28:9

Sichum pipas, Diospa kamachikuyninta mana kasukuptinqa, Tayta Diospas manam mañakuyninta uyarinqachu.

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Jeremías 12:7

Llaqtaytam saqeruni, ñoqapa kaqtam qepanchakuruni, tukuy sonqoywan kuyasqay naciontam enemigonkunaman qoykuni.

Jeremías 13:27

Rikurqanim waqllikusqaykitapas, yegua hina weqeqeqespa hukwan-hukwan qanrakusqaykitapas, rikurqanitaqmi chuchumika warmi hina, moqokunapipas pampakunapipas millakuypaq kaqkuna ruwasqaykitapas. ¡Ay, Jerusalén llaqta! ¿Haykapikamataq mana chuyanchakunkichu? nispa.

Jeremías 15:1

Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 23:11

Ñoqa Tayta Diosmi kaynata nini: Profetakunawan sacerdotekunapas millay runakunam, wasiypipunim mana allinkuna ruwachkaqta tarini.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Oseas 3:1

Tayta Diosmi yapamanta niwarqa: Hukwan waqllikuruq kachkaptinpas warmikita yapamanta kuyamuy. Chaynatam Tayta Diospas Israelpa mirayninkunata kuyan, idolokunata qatispanku chaykunaman uvas pasaskunata, tortilla ofrendakunata ofrecechkaptinkupas, nispa.

Mateo 22:11

Reyñataqmi convidasqankunata qawaykuq yaykuykuspan, huk runata mana casamiento pachawan pachasqata rikururqa.

Lucas 8:28

Jesusta rikuykuspanmi qaparirqa, hinaspam ñawpaqninpi qonqorakuykuspan nirqa: Tukuy imapa hawanpi munaychakuq Diospa Churin Jesús, ¿imatataq ñoqawan munanki? ¡Ruegakuykim ama ñakarichiwanaykipaq! nispa.

Romanos 11:28

Judiokunaqa Cristomanta allin noticiakunata mana chaskispankum Diospa enemigon kachkanku qamkunapa allinnikichikpaq. Chaywanpas Diosqa paykunataqa kuyanraqmi ñawpaq taytankumantaraq akllasqa kasqankurayku.

1~Corintios 13:6

manataqmi kusikunchu hukpa huchankunamantapas, aswanqa cheqap kaqmantam kusikun.

Tito 1:15

Chuya sonqokunapaqqa tukuy ima kaqkunapas chuyam, qacha sonqoyuq hinaspa mana iñiqkunapaqmi ichaqa mana imapas chuyaqa kanchu, pay-kunapaqqa yuyaymanayninkupas, concienciankupas qanrachasqam kachkan.

Santiago 4:16

Qamkunam ichaqa hatun tukuspa kikillaykichikmanta alabakunkichik, chayna hatun tukuyqa manam allinchu.