Jeremías 11:13 - CHUYA QELLQA La Biblia en Quechua de Ayacucho 2012

¹³ Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Quechua Ayacucho Bible 1987

¹³ Juda nacionpi *f**yachaqkuna, achkallaña llaqtaykichik kasqanman hinam achkallañataq kachkan taytacha-mamachaykikunapas. Jerusalen llaqtapi kaqkuna, achkallaña callekichikpas kasqanman hinataqmi achkallatañataq altarkunatapas hatarichirqankichik chaynapi Baal sutiyoq taytachaman inciensota kañanaykichikpaq.

Chuya Qellqa 1992

¹³ Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 11:13 Iomraidhean Croise

2~Reyes 23:13

Tuñichirqataqmi Jerusalenmanta intipa qespimunan lawninpi, Olivos moqopa sur lawninpi tarikuq capillakunatapas. Chaykunatam Israelpa reynin Salomón hatarichirqa Sidón llaqtapa millakuypaq Astoret idolonkupaq, moabitakunapa cheqnipay Quemos idolonkupaq chaynataq amonitakunapa millakuypaq Milcom idolonkupaqpas.

2~Crónicas 28:25

Judá nacionpi kaq llaqta-kunapa orqonkunapipas capillakunatam ruwachirqa, idolonkunaman inciensota kañananpaq; chay ruwasqanwanmi ñawpaq taytankunapa yupaychasqan Tayta Diosta piñachirqa.

Isaías 2:8

Makinkuwan ruwakusqanku idolokunapa huntaykusqanmi allpankupas kachkan, chaykunapa ñawpaqninpim qonqorakunku.

Jeremías 11:17

Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chay-nataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Jeremías 17:1

Judá runakunapa huchankunaqa fierromanta cincelwan qellqasqam kachkan, diamantemanta puntawan qellqasqa kachkan, sonqonkupa tablanpim qellqasqa kachkan, altarninkupa esquinankunapim qellqasqam kachkan.

Jeremías 18:15

Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 19:4

Qamkunaqa ñoqata saqeruwas-paykichikmi kay sitiotapas mana-ña asuykunaypaq hina ruwarunkichik, qamkunapapas, ñawpaq taytaykichik-kunapapas chaynataq Judá nacionpi reykunapapas mana reqsisqaykichik idolokunamanña inciensota kañaspaykichikmi, kay sitiopi inocente runakunata wañuchinkichik.

Jeremías 19:5

Qamkunam Baal idolokunapaq altarkunata ruwarqankichik, chay altarkunapim churikichikkunata kañaspa Baalman ofrecerqankichik. Chaykuna ruwaytaqa manam kamachirqaykichikchu, nitaqmi piensarqanichu.

Jeremías 2:28

Judá runakuna, ¿maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Jeremías 3:24

Llapa idolokunata penqakuypaq yupaychasqaykuraykum, warmallaraq kachkaptiyku taytaykupa armasqan ovejaykupas, vacaykupas hinaspa wawa-churiykupas manaña kanñachu.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 32:35

Ben-hinom wayqopipas Baal idolopaqmi altarkunata ruwapurqaku, chaypim churinkuta qaritapas warmitapas Moloc sutiyuq idoloman kañapurqaku. Chaynata ruwaspankum Judá nacionpi runakunata huchallichirqaku. Chay millakuypaq ruwasqankutaqa manam kamachirqanichu nitaqmi piensayllapas piensarqanichu, nispa.

Jeremías 44:21

¿Yaqachum Tayta Dios qonqarun Judá nacionpi kaq llaqtakunapi chay-nataq Jerusalén llaqtapa callenku-napi, qamkunapas, taytaykichikkuna-pas, reynikichikkunapas, kamachiqnikichikkunapas chaynataq llapallan runakunapas incienso kañasqaykichikta? ¿Qonqarusqanpaqchu hapinkichik?

Jeremías 44:5

Ichaqa manam kasuwarqankichikchu nitaqmi uyariwarqankichikchu, ñoqaman kutirikamunaykichik kachkaptinpas, aswanraqmi mana reqsisqaykichik idolokunamanraq inciensota kañapurqankichik.

Jeremías 48:35

Tayta Diosmi kaynata nin: Moab nacionmantam orqokunaman rispa capillakunapi sacrificio ofreceqkunatawan llapa idolokunaman incienso kañaqkunata chinkachisaq.

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Ezequiel 16:24

Plazakunapi, esquinakunapi callekunapi idoloykikunapaqmi capillakunata ruwarqanki, hinaspam chaypi qanrakurqanki.

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.

Oseas 12:11

Galaad runakunaqa mana allin runakunam, Gilgal llaqtapim idolonkupaq torokunata sacrificarqaku, chayraykum altarninkupa ruminkunapas chakrakunapi wischusqa purmanqa.

Oseas 9:10

Tayta Diosmi kaynata nin: Israel miraykunataqa chunniqpi uvasta hinam tarirqani; ñawpaq taytankutapas, higospa punta kaq rurunta hinam tarirqani. Paykunam ichaqa Baal-peorman chayaruspanku idolokunaman wischukuykuspa millakuypaq rikurirurqaku, yupaychasqanku idolokuna hina millakuypaqmi rikurirurqaku.