Jeremías 11:12 - CHUYA QELLQA La Biblia en Quechua de Ayacucho 2012

¹² Hinaptinmi Judá nacionpi runakunawan Jerusalén llaqtapi yachaqkuna, inciensota kañaspa yupaychasqanku idolokunataña yanapakuyta mañakunqaku, ichaqa manam chay sasachakuymanta salvayta atinqachu.

Quechua Ayacucho Bible 1987

¹² Juda llaqtakunapi runakunawan Jerusalen llaqtapi *f**yachaqkunam qayakunqaku inciensota kañasqanku taytacha-mamachakunataña. Desgracia tiempopiqa chaykunaqa manam salvayta atinqachu.

Chuya Qellqa 1992

¹² Hinaptinmi Judá nacionpi runakunawan Jerusalén llaqtapi yachaqkuna, inciensota kañaspa yupaychasqanku idolokunataña yanapakuyta mañakunqaku, ichaqa manam chay sasachakuymanta salvayta atinqachu.

Jeremías 11:12 Iomraidhean Croise

2~Crónicas 28:22

Rey Acazqa chay ñakariypi kachkaspanpas aswanraqmi Tayta Diospa contranpi huchallikurqa.

Isaías 45:20

Nacionkunamanta lluptiqkuna huñunakuspa asuykamuwaychik. Kullumanta idolokunata llaqllaruspa apaykachaqkunaqa mana serniyuq runakunam, mana salvay atiq idolokunata mañakuqkunaqa mana yuyayniyuq runakunam.

Isaías 46:7

Hombrokuspam apanku, maymi kananpim sayachinku, chay churasqankupim mana kuyurispa sayarayan. Qapariwan mañakuptinkupas manam rimarinchu, sasachakuyninkumantapas manam salvayta atinchu.

Jeremías 18:15

Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 2:28

Judá runakuna, ¿maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Deuteronomio 32:37

Tayta Diosmi enemigonchikkunata ninqa: “¿Maytaq chay qaqa hina hapipakunaykichik idoloykichikkunaqa?

Deuteronomio 32:38

¿Maytaq ofrecesqanku wirakuna mikuq idoloykichikkunaqa? ¿Maytaq vino tallipusqanku tomaq idoloykichikkunaqa? Yanapasunaykichikpaq hatarichunku, nanachikusunaykichikpaq hamuchunku.

Jueces 10:14

Chaynaqa, rispayá akllakusqaykichik dioskunata qayakamuychik, ñakarichisqa kasqaykichik tiempopi paykuna librasunaykichikpaq, nispa.