Jeremías 11:10 - CHUYA QELLQA La Biblia en Quechua de Ayacucho 2012

¹⁰ Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Quechua Ayacucho Bible 1987

¹⁰ Ñawpa abuelonkupa mana allin rurasqankumanmi kutirikunku. Paykunaqa nisqaykunata mana kasukuyta munaspam taytacha-mamachakunataña adorarqaku. Israel nacionpi castakunawan Juda nacionpi castakunam abuelonkuwan contrato rurasqayta yanqacharunku.

Chuya Qellqa 1992

¹⁰ Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Jeremías 11:10 Iomraidhean Croise

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Jeremías 13:10

Kay mana allin runakunaqa kamachikuyniykunata mana kasukuspam sonqonkupa munasqanman hina kawsachkanku. Idolokunaman qokuruspankum chaykunataña qonqoranpa hatunchachkanku. Chay ismusqa chumpi hinam paykunaqa mana imapaq valeq rikurirunku.

Jeremías 17:23

Taytaykichikkunam ichaqa mana uyarirqakuchu nitaqmi kasuwarqakuchu, aswanqa sonqonkuta rumiyarachispankum mana kasukurqakuchu nitaq wanakurqakuchu, nispa.

Jeremías 22:9

Chaymi contestanqaku: Kaynataqa ruwarun yupaychasqanku Tayta Dioswan pacto ruwasqankuta saqespa idolokunataña yupaychasqankuraykum, nispanku.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Jeremías 44:16

Tayta Diospa sutinpi willawasqaykiku palabrakunataqa manam kasukusaqkuchu.

Jeremías 44:5

Ichaqa manam kasuwarqankichikchu nitaqmi uyariwarqankichikchu, ñoqaman kutirikamunaykichik kachkaptinpas, aswanraqmi mana reqsisqaykichik idolokunamanraq inciensota kañapurqankichik.

Jeremías 7:28

Chaynaqa, kaynatayá nimuy: Kay nacionpi runakunaqa Diosninkupa nisqanta mana kasukuq runakunam, mana corregikuy munaq runakunam. Cheqap rimaymi siminkumanta chinkarun, nispa.

Jeremías 9:6

Tayta Diosmi kaynata nin: Pantachinakuypa chawpinpim kawsakunku, engañakuq kasqankuraykum paykunaqa mana reqsiwayta munankuchu.

Ezequiel 16:59

Ñoqa Tayta Diosmi kaynata nini: Juramentowan pacto ruwasqanchikta mana kasukusqaykimantam merecesqaykiman hina castigasqayki.

Ezequiel 44:7

Qamkunaqa mana qari kayninpi nitaq sonqonpipas seña-lasqa runakunata temployman pusaykuspam millakuypaqtaña ruwarunkichik. Millakuypaqtaqa ruwachkankichik wirata hinaspa yawarta ofrecewaspaykichikmi, pactoytapas manam kasukunkichikchu.

Ezequiel 5:6

Jerusalenmi ichaqa kamachikuyniykunata chaynataq decretoykunatapas mana kasukurqachu. Payqa lliw nacionkunamantapas chaynataq muyuriqninpi llaqtakunamantapas aswan mana allinraqmi rikurirurqa, kamachikuyniykunatapas qepancharuspanmi mana decretoykunaman hinachu kawsarqa, nispa.

Oseas 6:4

Tayta Diosñataqmi nirqa: Efraín llaqta, ¿imatataq qanwan ruwasaq? Judá llaqta, ¿imatataq qanwan ruwasaq? Qamkunapa kuyakuynikichikqa tutapay puyu hina chinkaruqllam, tutapay sulla hina waspiruqllam.

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Oseas 7:16

Paykunaqa manam Tayta Diosmanchu kutirikurqaku, aswanqa idolonkumanmi; paykunaqa mana imapaq serviq flecha hinam kachkanku, kamachiqninkunapas hatun tukuspa rimasqankuraykum guerrapi wañunqaku, Egipto nacionpim paykunamantaqa asikunqaku.

Levítico 26:15

chaynataq yachachikuyniykunatapas, kamachikuyniykunatapas hinaspa kunasqaykunatapas wischupakuspa chaynataq mana ruwayman churaspa pacto ruwasqaytapas mana cumpliptikichikqa,

Sofonías 1:6

Ñoqa Tayta Diosmanta karunchakuruspa mana maskawaqniykunatapas, chaynataq mana tapukuwaqniykunatapas puchukachisaqmi, nispa.

Zacarías 1:4

Amayá taytaykichik hinaqa kaychikchu, paykunatam ñawpaq profetakuna kaynata qaqcharqaku. Tukuy Atiyniyuq Tayta Diosmi kaynata nin: “Mana allin kawsaynikichik-mantawan mana allin ruwaynikichikmanta kutirikamuwaychik”, nispa. Ichaqa paykunam mana uyariqpas tukurqakuchu, nitaqmi kaqpaqpas hapirqakuchu. Tayta Diosmi chaynata nin.

Zacarías 7:11

Qamkunam ichaqa uyariyta mana munarqankichikchu, aswanraqmi mana kasukuspaykichik mana uyariqpas tukurqankichikchu.

Zacarías 7:13

Chaynaqa, Tukuy Atiyniyuq Tayta Diosmi kaynata nin: Imaynam paykuna qayakuyniyta mana kasukurqakuchu, chaynam ñoqapas mañakuyninkuta mana uyarirqanichu.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 9:7

Kaytayá yuyariychik: Señornikichik Tayta Diosta chunniqpi piñachisqaykichiktaqa amam haykapipas qonqarunkichikchu. Egipto nacionmanta lloqsimusqaykichikmanta kayman chayamunaykichikkamam Tayta Diostaqa mana kasurqankichikchu.

Hebreos 8:9

Ichaqa manam ñawpaq taytaykichikkunawan pacto ruwasqayta hinachu ruwasaq. Paykunatam Egipto nacionmanta, makinkumanta aysamuchkaq hina hurqomurqani. Paykuna mana kasukuptinmi ñoqatapas manaña imapas qokuwarqachu. Señormi chaynata nin.

Jueces 2:11

Israelpa mirayninkunam Tayta Diospa qayllanpi mana allinta ruwarqaku, paykunaqa Baal sutiyuq idolokunatañam yupaycharqaku.

Jueces 2:17

Chaywanpas Israelpa mirayninkunaqa manam chay kamachiqkunatapas kasurqakuchu, paykunaqa Tayta Diosta qepanchakuruspankum idolokunataña yupaycharqaku. Tayta Diospa kamachikuyninkunatam ñawpaq taytankuqa kasukurqaku, paykunam ichaqa chaylla saqerurqaku.

Jueces 2:19

Kamachiqninku wañuruptinqa kasqallanmi huchallikuyta qallaykuqku, hinaspam ñawpaq taytankumantapas aswan penqakuypaq kaqtaraq ruwaqku. Idolokunataña servispankum qonqoraspa yupaycharqaku. Manam wanakuqkuchu mana allin ruwayninmantawan rumi sonqo kayninkumantaqa.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.