Jeremías 10:25 - CHUYA QELLQA La Biblia en Quechua de Ayacucho 2012

²⁵ Piñakuynikiqa mana reqsisuqniki nacionkunamanyá chayachun, mana yupaychasuqniki nacionkunamanyá chayachun. Paykunaqa Jacobpa mirayninkunatam chinkarachirqaku, chinkarachispam pasaypaqta wasillankutapas purmarachirqaku.

Quechua Ayacucho Bible 1987

²⁵ Mana reqsisuqniki nacionkunatayá piñakuspa castigay. Mana mañakusuqniki runakunatayá piñakuspa castigay. Jacob castakunatam paykunaqa chinkarachirqaku. Chinkarachispam pasaypaqta tukururqaku. Wasillankutapas pasaypaqtam purmarachirqaku.

Chuya Qellqa 1992

²⁵ Piñakuynikiqa mana reqsisuqniki nacionkunamanyá chayachun, mana yupaychasuqniki nacionkunamanyá chayachun. Paykunaqa Jacobpa mirayninkunatam chinkarachirqaku, chinkarachispam pasaypaqta wasillankutapas purmarachirqaku.

Jeremías 10:25 Iomraidhean Croise

Jobwan Sutichasqa Libro 18:21

Mana allin runakunaqa chaynatam tukunqaku, Diosta mana reqsiq runakunaqa chaynam tukunqaku, nispa.

Isaías 43:22

Chaywanpas Jacobpa miraynin Israel llaqta, manam ñoqatachu qayakuwarqanki, aswanqa ñoqatam amiruwanki.

Isaías 64:7

Manam pipas qayakamusuqnikiqa kanñachu, hapipakamusuqnikipas manam kanñachu. Qanmi ñoqaykumanta karunchakurunki, mana allin ruwasqaykupa munaychakusqantam saqeruwankiku.

Isaías 9:12

Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Jeremías 11:1

Tayta Diosmi kaynata niwarqa:

Jeremías 30:16

Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Jeremías 50:17

Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Jeremías 50:7

Enemigonkunam tariruspanku mikururqaku, hinaspam kaynataraq nirqaku: “Manam ñoqanchikpaqqa huchanchikchu, paykunaqa Tayta Diospa contranpim huchallikururqaku. Tayta Diosqa mikunanku pasto hinam karqa, ñawpa taytankupa hapipakunanmi payqa karqa”, nispanku.

Jeremías 8:16

Caballonkunapa samatyasqanpas Danpa allpanmantaraqmi uyarikuchkan, caballokunapa weqeqeqeyninwanmi allpapas katkatatachkan, llaqtatawan tukuy imankunata tuñichiqmi hamuchkan, chaypi yachaqkunata wañuchiqmi hamuchkan, nispanku.

Lamentaciones 2:22

Fiestaman hinam mancharichiqniykuta tukuy hinastinmanta huñuramunki. Dios Taytalláy, piñakusqayki punchawpiqa manam pipas kawsachkaqqa ayqerqachu, Allinta uywaspa qespichisqaytapas enemigoymi hamuruspan wañurachin.

Sofonías 1:6

Ñoqa Tayta Diosmanta karunchakuruspa mana maskawaqniykunatapas, chaynataq mana tapukuwaqniykunatapas puchukachisaqmi, nispa.

Sofonías 3:8

Chayraykum Tayta Dios kaynata nin: Contraykichikpi hatarispay juzganay punchawta suyaykuychik. Nacionkunata llaqtakunatam huñunarusaq, hinaspaymi hatun piñakuyniywan paykunata castigarusaq. Piñakuyniypa rupariynin kañaruptinmi kay allpa pacha puchukanqa.

Zacarías 1:15

Ichaqa mana imapas qokuq nacionkunapaqmi llumpayta piñakuruni. Tumpallataraq piñakusqayraykum paykuna aswanraq mana allinta ruwarqaku.

Juan 17:25

Chuya Taytáy, kay pachapi kaq runakunaqa manam reqsisunkichu, ñoqam ichaqa reqsiki, qowasqayki runakunapas yachantaqmi qam kachamuwasqaykitaqa.

Hechos 17:23

Kunanmi hamuchkaspay dioskuna yupaychanaykichik sitionkuna qawamusqaypi huk altarta rikuramuni, chay altarpim kayna qellqasqa kasqa: “Mana reqsisqa Diospa Altarnin” niq. Chay mana reqsistin yupaychasqaykichik Diosmanta willanaypaqmi hamuni.

1~Corintios 15:34

Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

1~Tesalonicenses 4:5

Amayá aychaykichikpa mana allinkuna munaynintaqa ruwaychikchu, Diosta mana reqsiq runakuna hinaqa.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

Apocalipsis 16:1

Templomantam huk hatun qaya-kuyta uyarirqani, qanchis angelkunatam kaynata nimurqa: Rispayá Diospa piñakuyninwan huntasqa qanchis copakunata allpa pachaman tallimuychik, nispa.