Jeremías 10:18 - CHUYA QELLQA La Biblia en Quechua de Ayacucho 2012

¹⁸ Tayta Diosmi kaynata nin: Kunanmi kay nacionpi yachaqkunata qarqorusaq, warakachkaq hinam paykunataqa wischurusaq, ñakarichisqa kanankupaqmi paykunataqa sasachakuyman churarusaq.

Quechua Ayacucho Bible 1987

¹⁸ Tayta Diosmi kaynata nin: Kunanmi kay nacionpi *f**yachaqkunata qarqorusaq. Warakachkaq hinam paykunataqa qarqorusaq. Castigota tarinankupaqmi paykunataqa ñakarichisaq.

Chuya Qellqa 1992

¹⁸ Tayta Diosmi kaynata nin: Kunanmi kay nacionpi yachaqkunata qarqorusaq, warakachkaq hinam paykunataqa wischurusaq, ñakarichisqa kanankupaqmi paykunataqa sasachakuyman churarusaq.

Jeremías 10:18 Iomraidhean Croise

Isaías 22:17

Diosqa imatapas wischuchkaq hinaraqmi karuman wischurusunki, kallpasapa runa hinaraqmi yusuysigota wikaparusunki.

Jeremías 16:13

Chayraykum kay nacionmanta wis-chusqaykichik, qamkunapapas nitaq taytaykichikkunapapas mana reqsisqan nacionman. Chaypim huk dioskunataña tuta punchaw servimunkichik. Qamkunataqa manam llakipayasqaykichikchu, nispa.

Jeremías 22:26

Qamtapas mamaykitapas mana nacesqaykichik nacionmanmi qarqosqaykichik, hinaptinmi chaypi wañumunkichik.

Jeremías 23:20

Tayta Diospa piñakuyninqa manam taninqachu imam ruwananta tukunankama. Hamunqam punchawkuna kaykunamanta entiendenaykichikpaq.

Ezequiel 6:10

Chaynapim Tayta Dios kasqayta yachanqaku. Paykunaman kay mana allinkunata apachinaypaq rimasqaytaqa manam yanqallachu rimarqani, nispa.

Sofonías 1:17

Chay punchawpim runakunata ñakarichisaq, Tayta Diospa contranpi huchallikusqankuraykum ñawsa hinaña purinqaku. Yawarninkupas ñutu allpa hinam pampaman tallikunqa, aychankuñataqmi hatun ispay hina montorayanqa.

Zacarías 1:6

Profetaykunawan willa-chisqay simiykunawan kamachikuyniykunam ichaqa ñawpaq taytaykichikkunata hayparurqa. Hinaptinmi paykuna ñoqaman kutirikamuspa nirqaku: “Tukuy Atiyniyuq Tayta Diosmi tanteasqanman hina ñoqanchikwan ruwarun, payqa imaynam kawsasqanchikman chaynataq ruwasqanchikman hinam ñoqanchikwan ruwarun”, nispanku.

Deuteronomio 28:52

Llaqtaykichikkunapa muyuriqninpim campamentonkuta sayachinqaku, chaynapim hapipakunayki qaqay-qaqay murallaykikunapas tuñinqa. Señornikichik Tayta Diospa qosusqaykichik allpata muyuruspam kayninta chayninta yaykumusunkichik.

1~Samuel 25:29

Pipas qati-kachasuspayki wañurachiyta munasuptikiqa, Tayta Diosmi waqaychasunki. Enemigoykikunataqa Diosmi rumita warakachkaq hina warakarunqa.