Jeremías 10:16 - CHUYA QELLQA La Biblia en Quechua de Ayacucho 2012

¹⁶ Jacobpa Diosninmi ichaqa mana chaynachu, payqa tukuy ima unanchaqmi, Israelpa mirayninkunatam llaqtanpaq akllakurqa. Sutinpas Tukuy Atiyniyuq Tayta Diosmi.

Quechua Ayacucho Bible 1987

¹⁶ Manam chaynachu Jacobpa Diosninqa. Tukuy imapas unanchaqmi payqa. Runankunapaqmi Israel aylluta akllakurqa. Llapallan Kamachiq Tayta Dioswan sutichasqam payqa.

Chuya Qellqa 1992

¹⁶ Jacobpa Diosninmi ichaqa mana chaynachu, payqa tukuy ima unanchaqmi, Israelpa mirayninkunatam llaqtanpaq akllakurqa. Sutinpas Tukuy Atiyniyuq Tayta Diosmi.

Jeremías 10:16 Iomraidhean Croise

Éxodo 19:5

Sichum nisqayta kasukuspa pacto ruwasqaytapas cumplispaykichikqa, qamkunam kankichik wakin runakunamanta akllakusqay runaykuna. Kay pachaqa ñoqapam.

Éxodo 34:9

hinaspam nirqa: Señorlláy, cheqaptapuni kuyawaspaykiqa ñoqaykuwanyá riy. Señorlláy, llaqtaykiqa rumi sonqo runakunam, mana allin ruwasqaykutawan huchaykuta pampachaykuspayá runaykikunapaqña chaskiykullawayku, nispa.

Proverbios 16:4

Tayta Diosqa munasqanman hinam imakunatapas ruwarqa, mana allin ruwaq runatapas mana allin punchawpaqmi ruwarqa.

Isaías 19:25

Tukuy Atiyniyuq Tayta Diosmi paykunata kaynata nispan bendecinqa: “Ñoqam bendecini Egipto runaykunata, bendecinitaqmi unanchasqay Asiria naciontapas chaynataq akllakusqay Israel naciontapas”, nispa.

Isaías 45:7

Achkiytapas tutayaytapas ñoqallam paqarichini, hawkayaytapas sasachakuytapas ñoqallam rikurichini, ñoqa Tayta Diosmi tukuy chaykunata ruwani, nispa.

Isaías 47:4

Israelta libraq Chuya Diosmi, Tukuy Atiyniyuq Tayta Diosmi nin:

Isaías 47:6

Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Isaías 51:15

Ñoqa Tayta Diosmi lamar qochata kuyurichini, olankunatapas qaparichini. Ñoqaqa Tukuy Atiyniyuq Tayta Dioswan sutichasqam kani.

Isaías 54:5

Unanchaqniki qosaykim kani, Tukuy Atiyniyuq Tayta Diosmi kani, Israelpa libraqnin Chuya Diosmi kani, kay pachapa Diosninwan sutichasqam kani.

Jeremías 10:12

Tayta Diosmi kay pachata atiyninwan ruwarqa, kay pachapi kaqkunatam yachayninwan takyachirqa, cielokunatapas ancha yachayninwanmi mastarirqa.

Jeremías 10:6

Dios Taytalláy, qam hinaqa manam pipas kanchu. Ancha hatunmi qamqa kanki, sutikipas hatun atiyniyuqmi.

Jeremías 31:35

Punchawpi achkinanpaq inti churaqmi, tuta achkinanpaq killatawan chaskakunata churaqmi, lamar qochata kuyuchispan olankunata qaparichiqmi, Tukuy Atiyniyuq Tayta Diosmi kaynata nin:

Jeremías 32:18

Waranqantin runakunatam llakipayanki, tayta-mamanpa huchanmantam qepa wiñaykunata castiganki, hatun munaychakuq Diosnilláy. Sutikiqa Tukuy Atiyniyuq Tayta Diosmi.

Jeremías 33:2

Kay pachata unanchaspa tukuy imankunatapas churaspa takyachiq ñoqa Tayta Diosmi kaynata nini:

Jeremías 46:18

Ñoqam kawsaq reyqa kani, Tukuy Atiyniyuq Tayta Diosmi sutiypas, sutiyrayku juraspaymi kaynata nini: Imaynam Tabor orqo wakin orqokunata masyan, imaynam lamar qocha patanpi Carmelo hoqarikun, chaynam enemigoqa sutilla hamunqa.

Jeremías 50:34

Chaywanpas paykunapa reclamaqninqa atiyniyuqmi, Tukuy Atiyniyuq Tayta Diosmi sutinpas. Paymi nanachikuspan allin arreglota ruwanqa, nacionmanpas hawkayaytam apamunqa, Babiloniamanñataqmi hatun manchakuyta apamunqa.

Jeremías 51:19

Jacobpa Diosninqa manam chaynachu, payqa tukuy imapas unanchaqmi. Israeltam llaqtanpaq akllakurqa Tukuy Atiyniyuq Tayta Diosmi sutinpas.

Lamentaciones 3:24

Ñoqam nini: “Tayta Diosmi tukuy ima kapuwaqniyqa, chayrakum payllapi hapipakullasaq”, nispay.

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Zacarías 2:12

Tayta Diosmi Judá nacionpi, ancha kuyasqan allpapi huktawan munaychakunqa, Jerusalentapas huktawanmi llaqtanpaq akllaykunqa.

Deuteronomio 32:9

Tayta Diospa herencianqa runankunallam, paypa herencianqa Jacobpa mirayninkunallam.