Jeremías 10:15 - CHUYA QELLQA La Biblia en Quechua de Ayacucho 2012

¹⁵ Chay idolokunaqa mana imapaq valeqmi, castigasqa kasqanku punchawmi ñutusqa kanqaku.

Quechua Ayacucho Bible 1987

¹⁵ Mana imapaq valeqmi chay taytachakunaqa. Asikuypaq hinam chay taytachakunaqa. Pasaypaq chinkachisqam kanqaku. Castigo punchawpim chinkanqaku.

Chuya Qellqa 1992

¹⁵ Chay idolokunaqa mana imapaq valeqmi, castigasqa kasqanku punchawmi ñutusqa kanqaku.

Jeremías 10:15 Iomraidhean Croise

Isaías 41:24

Qamkunaqa manam imachu kankichik, ruwasqaykichikpas mana valeqmi, pipas qamkunaman hapipakuqqa millakuypaqmi.

Isaías 41:29

Chay idolokunaqa llapallankum mana valeq, ruwasqankupas mana imapaq valeqmi, chaykunaqa mana imayuq toqro ukullam, chaykunaqa wayra ukuyuq idolokunallam.

Isaías 57:12

Imaynam kawsasqaykitam willakachakusaq, chay ruwasqaykikunaqa manam imapipas yanapasunkichu.

Jeremías 10:11

Israelpa mirayninkuna, chay mana reqsiwaqniy nacionkunata kaynata nimuychik: Kay pachatawan hanaq pachata mana unanchaq dioskunaqa, kay pachamantam chinkachisqa kanqaku, manam mayqanninpas puchunqachu, nispaykichik.

Jeremías 10:8

Paykunaqa mana yachayniyuq hinaspa mana yuyayniyuqkunam. Kullumanta idolokunaqa manam imatapas yachachinmanchu.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Jeremías 18:15

Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 43:12

Kay Egipto nacionpi idolokunapa capillankunatapas idolonkunatawan kuskatam kañaykunqa, wakin idolokunatañataqmi presota apanqa. Imaynam oveja michiqpas usata pachanmanta pallakun, chaynam Nabucodonosorqa Egipto nacionta limpianqa, chaymantam mana pipa harkasqan hawka pasakunqa.

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Jeremías 51:18

Mana imapaq valeqmi chaykunaqa, asikuypaqmi chay idolokunaqa, Tayta Diospa castiganan punchaw chayamuptinmi pasaypaq ñutusqa kanqaku.

Jeremías 8:12

Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Jeremías 8:19

Llaqtaypa qaparisqanmi uyarikuchkan, tukuy hinastinmanta kaynata nispa waqasqankum uyarikuchkan: Tayta Diosmi Sión llaqtata saqerun, reyninpas manañam chaypiñachu, nispanku. Chaymi Tayta Diosñataq nin: ¿Imanasqataq yanqa mana valeq idolokunata yupaychaspaykichik piñachiwankichik? nispa.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Jonás 2:8

Idolokunata yupaychaqkunaqa kuyakuynikimantam karunchakurunku.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Hechos 14:15

¡Runamasillaykuna! ¿Imanasqataq kayta ruwachkankichik? Ñoqaykuqa qamkuna hina runallam kaniku, hamurqanikuqa cheqap kawsaq Diosmanta willakuqmi, chaynapi tukuy mana allin ruwaynikichikta saqespa kawsaq Diosman kutirikunaykichikpaq. Paymi unancharqa kay pachata, hanaq pachata, lamar qochata, hinaspa chaykunapi tukuy ima kaqkunatapas.

Deuteronomio 32:21

Idolokunata yupaychaspankum llakichiwarqaku, millakuypaq idolokunata yupaychaspankum piñachiwarqaku. Chayraykum ñoqapas paykunata hukmanyarachisaq, mana yachayniyuq llaqtawanmi sientirachisaq, mana yuyayniyuq runakunawanmi piñarachisaq.

1~Samuel 12:21

Mana valeq idolokunataqa ama serviychikchu, chaykunaqa yanqam, manam yanapasunkichikmanchu nitaqmi librasunkichikmanchu.

1~Samuel 5:4

Kaqllamanta paqarinnintin tutapayta rispankum idolonku Dagontaqa tariykurqaku Tayta Diospa Arcanpa ñawpaqninpi wischurayachkaqta, ichaqa Dagonpa umanwan iskaynin makinkunam cuerponmanta qorusqaña kachkasqa templonkupa punku pasaykunapi.