Jeremías 10:13 - CHUYA QELLQA La Biblia en Quechua de Ayacucho 2012

¹³ Rimariptillanmi cielopi yakukunapas sinchillataña paramun, puyukunatapas kay pachapa patankunamantam hatarichimun, rayokunatapas paratawan kuskatam chayachimun, maymi kasqanmantam wayratapas hurqomun.

Quechua Ayacucho Bible 1987

¹³ Rimariptinmi cielopi yakukuna sinchillataña qaparimun. Kay pachapa patankunamantam puyukunata hatarichimun. Paymi paramunanpaqpas llipyachimun. Waqaychasqanmantam wayratapas horqomun.

Chuya Qellqa 1992

¹³ Rimariptillanmi cielopi yakukunapas sinchillataña paramun, puyukunatapas kay pachapa patankunamantam hatarichimun, rayokunatapas paratawan kuskatam chayachimun, maymi kasqanmantam wayratapas hurqomun.

Jeremías 10:13 Iomraidhean Croise

Génesis 2:5

manaraqmi ima sachapas nitaq qorakunapas karqaraqchu, Tayta Dios manaraq parachimusqanrayku; nitaqmi runapas llamkananpaq karqaraqchu.

1~Reyes 18:41

Chaymantam rey Acabta Elías nirqa: Rispayki mikumuy hinaspa tomamuy, parapa qapariyninmi uyarikamuchkanña, nispa.

Jobwan Sutichasqa Libro 38:22

¿Yaqachu ritikunapa kasqanman yaykurqanki? ¿Yaqachu runtu parapa taqerayasqanta rikurqanki?

Éxodo 9:23

Chaymi cieloman tawnanta Moisés haywarirqa, hinaptinmi rayokunata llipyakunata hinaspa runtu parata Egiptoman Tayta Dios chayachimurqa.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Jeremías 19:12

Chaynatam kay llaqtatawan runankunata ruwasaq. Tofet qechwata hinam kay llaqtata saqesaq. Ñoqa Tayta Diosmi chaynata nini.

Jeremías 5:24

Qamkunaqa manam yuyaymanarqankichikchu: Yupaychasqanchik Tayta Diostayá kasukusun nispallapas, tarpuy parapas poqoy parapas chayachimuqtayá kasukusun nispallapas, tiempollanpi cosecha qowaqninchiktayá yuyarisun nispallapas.

Jeremías 51:16

Rimariptinmi cielopi yakukunapas sinchillataña qaparimun, kay pachapa patankunamantam puyukunata hatarichimun, paymi paramunanpaq llipyachimun, maymi waqaychasqanmantam wayrakunatapas hurqomun.

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Zacarías 10:1

Tayta Diosmanta poqoy parata mañakuychik, hinaptinqa yana puyukunata hatarichiq Diosmi sinchi parata qomususpaykichik allpaykichiktapas ruruchinqa.