Jeremías 10:12 - CHUYA QELLQA La Biblia en Quechua de Ayacucho 2012

¹² Tayta Diosmi kay pachata atiyninwan ruwarqa, kay pachapi kaqkunatam yachayninwan takyachirqa, cielokunatapas ancha yachayninwanmi mastarirqa.

Quechua Ayacucho Bible 1987

¹² Tayta Diosmi kay pachata rurarqa atiyninwan. Tukuy kay pachapi kaqtam takyachirqa yachayninwan. Cielokunatapas mastarirqam ancha entiendeyninwan.

Chuya Qellqa 1992

¹² Tayta Diosmi kay pachata atiyninwan ruwarqa, kay pachapi kaqkunatam yachayninwan takyachirqa, cielokunatapas ancha yachayninwanmi mastarirqa.

Jeremías 10:12 Iomraidhean Croise

Génesis 1:1

Tukuy imapa qallariyninpiqa Diosmi unancharqa hanaq pachatawan kay pachata.

Génesis 2:5

manaraqmi ima sachapas nitaq qorakunapas karqaraqchu, Tayta Dios manaraq parachimusqanrayku; nitaqmi runapas llamkananpaq karqaraqchu.

1~Crónicas 16:26

Llaqtakunapa diosninkuqa idolokunallam, Tayta Diosmi ichaqa cielokunata unancharqa.

Jobwan Sutichasqa Libro 26:7

Diosmi cielokunata mana imapa kasqanpi mastarirqa, kay pachatapas mana imapa hapisqantam warkuykurqa.

Jobwan Sutichasqa Libro 37:18

¿Yaqachu cielota mastariptin Diosta yanapaspayki metalta fundispa espejota ruwaq hina ruwaysirqanki?

Jobwan Sutichasqa Libro 9:8

Payqa mana pipa yanapasqanmi cielokunata mastarin, lamar qochapa olankunapim purin.

Proverbios 3:19

Tayta Diosqa yachaywanmi kay pachata unancharqa, yachaywanmi cielokunatapas takyachirqa,

Proverbios 30:4

¿Pitaq hanaq pachaman qespiruspa uraykamurqa? ¿Pitaq wayrakunata makinwan putqorqa? ¿Pitaq yakukunata latapawan wisirqa? ¿Pitaq kay pachapa linderonkunata churarqa? ¿Yachaptikiqa imataq paypa sutin hinaspa churinpa sutin?

Isaías 37:16

Querubinkunapa chawpinpi yachaq Israelpa Tukuy Atiyniyuq Diosnin, qamllam kanki llapallan nacionkunapi munaychakuqqa. Qanmi ruwarqanki hanaq pachatapas chaynataq kay pachatapas.

Isaías 40:22

Tayta Diosqa kay pachapa muyuriq patanpim tiyachkan, runakunapas aqaruwaykuna hinallam paypa qayllanpiqa; cielokunatapas tolderata hinallam payqa mastarin, yachanapaq sayachisqa carpata hina.

Isaías 42:5

Cielokunata unanchaspa mastariq Tayta Diosmi kani, allpa pachata unanchaqmi kani, allpapi wiñaqkunatam mirachirqani, allpa pachapi kawsaq runakunamanmi espirituyta qorqani. Chaykuna ruwaq kaspaymi serviqniyta kaynata nini:

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 45:12

Kay pachatapas runankunatapas ñoqam unancharqani, atiyniywanmi hanaq pachatapas mastarirqani, chaskakunapas rikurinankupaqmi kamachirqani.

Isaías 45:18

Hanaq pacha unanchaqmi, kay pachata ruwaspa takyachiqmi, runakunata chaypi yachananpaq unanchaq Tayta Diosmi kaynata nin: Ñoqallam Diosqa kani, manam hukqa kanchu, nispa.

Isaías 48:13

Makiywanmi kay pachata takyachirqani, atiyniywanmi cielokunata mastarirqani, qayaykuptillaymi chaykunaqa paqarimurqaku.

Isaías 49:8

Tayta Diosmi kaynata nin: Allin punchawkuna kachkaptillanraqmi uyariykuyki, salvanay punchawpim yanapaykuyki. Waqaychaspaymi llaqtakunawan qamnintakama pactota ruwanaypaq churasqayki, chaynapi tuñisqa llaqtakunata hatarichinaykipaq, purmachisqa allpakunata hapispa rakinaykipaq,

Jeremías 10:13

Rimariptillanmi cielopi yakukunapas sinchillataña paramun, puyukunatapas kay pachapa patankunamantam hatarichimun, rayokunatapas paratawan kuskatam chayachimun, maymi kasqanmantam wayratapas hurqomun.

Jeremías 10:16

Jacobpa Diosninmi ichaqa mana chaynachu, payqa tukuy ima unanchaqmi, Israelpa mirayninkunatam llaqtanpaq akllakurqa. Sutinpas Tukuy Atiyniyuq Tayta Diosmi.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Jeremías 27:5

Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Jeremías 32:17

¡Dios Taytalláy! Qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Zacarías 12:1

Israelpaq Tayta Diospa rimarisqan simikuna. Cielokunata mastariq, kay pachapa cimientonta churaq hinaspa runaman kawsay qoq Tukuy Atiyniyuq Tayta Diosmi kaynata nin:

Juan 1:3

Paynintakamam tukuy imapas unanchasqa karqa, mana paywanqa manam imapas unanchasqachu karqa.

Colosenses 1:16

Paynintakamam Dios unancharqa cielopi kaqkunata, kay pachapi kaqkunata, rikusqanchik kaqkunata, mana rikuy atisqanchikkunata, munaychakuqkunata, kamachikuqkunata, autoridadkunata hinaspa llapallan atiyniyuqkunatapas. Paynintakamam hinaspa paypaqtaqmi tukuy imapas unanchasqa karqa.