Jeremías 10:10 - CHUYA QELLQA La Biblia en Quechua de Ayacucho 2012

¹⁰ Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Quechua Ayacucho Bible 1987

¹⁰ Tayta Diosllam cheqap Diosqa. Kawsaq Diosmi payqa. Wiñaypaq reymi payqa. Allpapas katkatatanmi pay piñakuptinqa. Nacionkunapas manam aguantanmanchu rabiakuptinqa.

Chuya Qellqa 1992

¹⁰ Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Jeremías 10:10 Iomraidhean Croise

Génesis 21:33

Hinaptinmi Beerseba llaqtapi tamarisco sachata Abraham plantarqa, hinaspam wiñaypaq kawsaq Diosta chaypi mañakurqa.

1~Reyes 18:39

Llapa runakunañataqmi chayta rikuruspanku qonqoranpa pampaman kumuykuspa nirqaku: ¡Tayta Diosmi cheqap Diosqa, Tayta Diosmi cheqap Diosqa! nispanku.

1~Reyes 8:60

Chaynapim kay pachapi llapallan runakuna, Señor-ninchik Tayta Diosqa sapallan Dios kasqanta yachanqaku.

1~Crónicas 29:11

Dios Taytalláy, mayna hatunmi qamqa kanki, mayna hatunmi atiynikipas, mayna sumaqmi kanki, mayna kuyayllapaqmi kanki, mayna munayniyuqmi kanki; cielopi kaqkunapas qamllapam, kay pachapi kaqkunpas qamllapam. Dios Taytalláy, qamllam tukuy imapi munaychakuqqa kanki.

2~Crónicas 15:3

Unay tiempom Israel runakunaqa mana cheqap Diosniyuq, mana sacerdotepa yachachisqan hinaspa mana kamachikuyniyuq karqaku.

Jobwan Sutichasqa Libro 9:6

Kay pachatam maymi kasqanmanta kuyuchin, kay pachapa tiyanankunatam katkatatachin.

Isaías 37:17

Dios Taytalláy, qawariwaspa uyariykullaway, hinaspayá rey Senaqueribpa qam kawsaq Diosta kamisusqaykita uyariykuy.

Isaías 37:4

Ichapas Tayta Dios uyarirqa Asiria reypa kamachimusqan runapa Tayta Diosta kamisqanta, allincha kanman chay rimasqanmanta Tayta Dios puchukachiptinqa. Chaynaqa, Diostayá puchuq kaqkunapaq mañakuy, nispa.

Isaías 40:15

Nacionkunapas paypaqqa huk sutuy yaku hinallam, balanzapi ñutu allpa hinallam, Lamar qochapi islakunapas ñutu allpa hinallam.

Isaías 40:28

¿Manachu yacharqanki? ¿Manachu uyarirqanki? Tayta Diosqa wiña-wiñaypaq kawsaq Diosmi, payqa kay pachata unanchaqmi, manam hukmanyanchu nitaqmi pisipanchu, yachayninpas mana haypay atinam.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 65:16

Pipas kay nacionpi bendicionta mañakuspanqa cheqap Diosmantam mañakunqa, pipas kay allpapi juraspaqa hapipakunapaq Diosraykum juranqa. Ñawpaq ñakariykunaqa qonqasqañam kanqa, qayllaymanta chinkachisqañam kanqa.

Jeremías 23:36

Amañam ninkichikñachu: “Kaymi Tayta Diospa palabran” nispaqa. Pipas chaynata rimaptinqa kikinpa sasachakuyninpaqmi kanqa. Qamkunaqa yupaychasqanchik Tukuy Atiyniyuq Tayta Diospa nisqantam qewirunkichik.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Jeremías 4:24

Orqokunata qawariptiymi katkatatachkasqaku, qawariptiymi moqokunapas kuyuchkasqaku.

Jeremías 50:46

Babilonia nacionta venceruptinkum allpapas katkatatanqaraq, qapariyninpas wakin nacionkunamanraqmi uyarikunqa.

Jeremías 51:29

Babilonia nacionta manchakuypaq chunniqman tikrananpaq tanteasqanta Tayta Dios ruwayman churaptinqa allpapas katkatatanqaraqmi.

Daniel 4:3

¡Mayna allinmi paypa milagronkunaqa! ¡Hatu-hatunmi admirakuypaq ruwasqankunaqa! Munaychakuyninpas wiña-wiñaypaqmi takyan, payqa runakunapa mirayninpim munaychakun.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 6:26

Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi.

Daniel 6:27

Paymi salvaqninchikpas chaynataq libraqninchikpas, kay pachapipas hanaq pachapipas payllam milagrokunata ruwan, payllataqmi Danieltapas libraykun leonkunapa mikusqan kananmanta.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Miqueas 1:4

Ninapi chulluchisqa vela hinam orqokunapas chakinpa ukunpi chullurunqa. Achka yakupa wayqorusqan hinam qechwakunapas rakinakunqa.

Nahúm 1:5

Orqokunapas qayllanpiqa katkatatanmi, moqokunapas qayllanpiqa chullurunmi. Allpa pachapas, hawanpi kaqkunapas paypa qayllanpiqa mancharikunmi.

Nahúm 1:6

¿Pitaq pay piñakuruptin qayllanpi sayanman? ¿Pitaq sinchita piñakuruptin takyapakunman? Piñakuyninqa nina hinaraqmi tallirikun, qaqakunapas qayllanpiqa tuñinmi.

Habacuc 3:10

Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

Habacuc 3:6

Pay sayaykuptinqa kay pachapas kuyurinmi, qawariptinqa nacionkunapas katkatatanmi. Ñawpa tiempomantaraq kaq orqokunapas wichimunmi, ñawpa tiempomantaraq kaq moqokunapas chullurinmi. Diospa ñanninkunam ichaqa wiña-wiñaypaq takyan.

Malaquías 3:2

Ichaqa, ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

Mateo 16:16

Hinaptinmi Simón Pedro nirqa: Qamqa kanki kawsaq Diospa Churin Cristom, nispa.

Mateo 26:63

Jesusmi ichaqa upallalla karqa. Chaymi sumo sacerdote nirqa: Kawsaq Diospa sutinpim tapuyki: ¿Qamchu Diospa Churin Cristo kanki? nispa.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Hechos 14:15

¡Runamasillaykuna! ¿Imanasqataq kayta ruwachkankichik? Ñoqaykuqa qamkuna hina runallam kaniku, hamurqanikuqa cheqap kawsaq Diosmanta willakuqmi, chaynapi tukuy mana allin ruwaynikichikta saqespa kawsaq Diosman kutirikunaykichikpaq. Paymi unancharqa kay pachata, hanaq pachata, lamar qochata, hinaspa chaykunapi tukuy ima kaqkunatapas.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Deuteronomio 5:26

Kawsaq Diospa ninapa chawpinmanta rimamusqanta ñoqayku hina uyarispaqa manam pipas kawsanmanchu.

1~Tesalonicenses 1:9

Paykunañam willakuchkanku qamkunaman chayamuptiyku imaynam chaskiwasqaykikuta hinaspa Diosman iñikuspaykichik idolokunata qepanchakuruspa kawsaq cheqap Diostaña servisqaykichikmantapas,

1~Timoteo 1:17

Chayraykuyá Diosta yupaychaspa hatunchasun wiña-wiñaypaq. Payqa mana wañuq kaspam wiña-wiñaypaq munaychakuchkan, payqa mana rikuy atina chullalla Diosmi. Amén.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

Hebreos 10:31

¡Mayna mancharikuypaqmi kawsaq Diospa makinman wichiykuyqa!

Josué 3:10

Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Jueces 5:4

Dios Taytalláy, Seir orqomanta lloqsimuptikim, Edom nacionpa pampankumanta pasakuptikim kay pachapas hanaq pachapas katkatatarqa, puyukunamantam paramurqa.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?