Jeremías 1:9 - CHUYA QELLQA La Biblia en Quechua de Ayacucho 2012

⁹ Hinaspanmi Tayta Diosqa makinta haywariykamuspan, simiyta llapchaykuspan niwarqa: Kunanmi palabraykunata simikiman churani.

Quechua Ayacucho Bible 1987

⁹ Tayta Dios makinta haywariykamuspanmi simiyta llachpaykuwaspan niwarqa: Kunanmi palabraykunata simikiman churani.

Chuya Qellqa 1992

⁹ Hinaspanmi Tayta Diosqa makinta haywariykamuspan, simiyta llapchaykuspan niwarqa: Kunanmi palabraykunata simikiman churani.

Jeremías 1:9 Iomraidhean Croise

Isaías 49:2

Simiytam ñawchiyaykachisqa espadata hina ruwarun, makinpa llantuyninwanmi harkaykuwan. Ñawchiy-ñawchiy flechata hinam ruwaruwan, flechankuna waqaychananpim waqaychaykuwan.

Isaías 50:4

Tayta Diosmi yachachiwarqa, pisipasqakunata sumaq rimaykunawan kallpanchanaypaq, sapa tutapaytam rinrillayta kichaykun, imam rimasqanta allinta uyarinaypaq.

Isaías 51:16

Cielokunatam mastarirqani, kay pachatam takyachirqani. Simikimanmi palabraykunata churarqani, makiypa llantuyninwanmi harkarqayki. Sionpi yachaqkunatam nini: “Llaqtaymi qamqa kanki”, nispay.

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Jeremías 15:19

Chayraykum Tayta Dios niwarqa: Kutirikamuwaptikiqa huktawanmi chaskisqayki, hinaptinmi kaqllamanta serviwanki. Yanqakuna rimaymanta wanakuspa imam kaqllata rimaspaykiqa ñoqapa rantiypim rimanki. Paykunam qanmanqa kutirikamunanku, manam qamchu paykunamanqa kutirikunayki.

Jeremías 34:6

Tukuy chaykunatam Judá nacionpa reynin Sedequiasman profeta Jeremías Jerusalén llaqtapi willarqa.

Jeremías 36:2

Josías rey kasqanmanta kunan punchawkama Israelpa, Judapa chaynataq lliw nacionkunapa contranpi nisqayta rollopi qellqay.

Jeremías 5:14

Chayraykum Tukuy Atiyniyuq Tayta Dios kaynata nin: Chaynakunata rimasqankumantam, palabraykunaqa nina hina simikipi kanqa, paykuna yanta hina kaptinkum rimasqaykikunañataq paykunata ruparunqa.

Ezequiel 3:10

Chaymantam niwarqa: Runapa churin, kay rimapayasqaykunata sumaqta uyariwaspayki sonqoykipi waqaychay.

Daniel 10:10

Hinaptinmi huk maki hapiykuwaspan katkatatachkaqta tawanpata qonqoraykachiwarqa.

Daniel 10:16

Hinaptinmi runapa churinman rikchakuqñataq simiyta llapchaykuwarqa, chaymi ñawpaqniypi sayaqta nirqani: Taytalláy, chay visionmi hukmanyarachiwaspan mana kallpayuqta ruwaruwan.

Números 23:5

Rimananpaq Balaamta yachachis-panmi Tayta Dios nirqa: Rey Balacman kutispa nisqayta hinalla nimuy, nispa.

Mateo 10:19

Kamachikuqkunaman apasuptikichikqa amam llakikunkichikchu imaynam otaq imatam rimanaykichikmantaqa, Diosmi imam rimanaykichiktapas yachachisunkichik.

Marcos 7:33

Jesusñataqmi runakunamanta sapaqman pusaruspan dedonkunawan chay runapa rinrinta wiqorurqa, hinaspam toqayninwan qallunta tupaykachirqa.

Lucas 12:12

Imam rima-naykichiktaqa Chuya Espiritum yacha-chisunkichik.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Deuteronomio 18:16

Kaytam Horeb orqopi hu-ñunakuptinchik mañakuspa nirqankichik: “Señornikichik Tayta Diospa rimasqantaqa amañayá huktawanqa uyarisaqkuñachu, nitaq ninapa hatun rupariynintapas rikusaqkuñachu, chaynapi mana wañurunaykupaq”, nispaykichik.

Deuteronomio 18:17

Chaymi Tayta Dios niwarqa: “Allinmi chay rimasqankuqa.

Deuteronomio 18:18

Israel miraykunamantam qam hina profetata hatarichispay rimapayasaq, hinaptinmi payña tukuy kamachisqaykunata willasunkichik.