Jeremías 1:17 - CHUYA QELLQA La Biblia en Quechua de Ayacucho 2012

¹⁷ Chaynaqa, weqawnikita allinta wataykuspa riy, lliw kamachisqaykunata paykunaman willamuy. Ama paykunataqa manchakuychu, mana chayqa, paykunapa qayllanpim katkatatarachisqayki.

Quechua Ayacucho Bible 1987

¹⁷ Kallpatayá qamqa hapiy. Paykunamanyá kunan riy. Nimuyá lliw kamachisqaykunata. Amam manchakunkichu paykunata. Manchakuptikiqa ñoqam katkatatachisqayki. Paykunapa qayllanpim katkatatachisqayki.

Chuya Qellqa 1992

¹⁷ Chaynaqa, weqawnikita allinta wataykuspa riy, lliw kamachisqaykunata paykunaman willamuy. Ama paykunataqa manchakuychu, mana chayqa, paykunapa qayllanpim katkatatarachisqayki.

Jeremías 1:17 Iomraidhean Croise

1~Reyes 18:46

Tayta Diosmi atiyninwan Eliasta huntaykurqa, chaymi pachanta sumaqta watakuykuspan Jezreel llaqtaman kallparqa, hinaspam rey Acabmantapas puntataraq chayarurqa.

2~Reyes 1:15

Hinaptinmi Eliasta Tayta Diospa angelnin nirqa: Paywan riy, paytaqa ama manchakuychu, nispa. Chaymi Elías hatarispan capitanwan kuska reyman rirqaku.

2~Reyes 4:29

Chaymi criadon Giezita Eliseo nirqa: Chaylla alistakuspa tawnayta aparikuspa pasaypuni, ñanpi piwanpas tupaspaykiqa amam rimaykunkichu nitaqmi pipa rimaykususqaykitapas chaskinkichu, hinaspam tawnayta warmapa uyanman churaykunki, nispa.

2~Reyes 9:1

Profeta Eliseom, profetakunapa hukninta qayaykuspan nirqa: Alistakuspa kay aysakupi aceiteta aparikuspayki Galaad lawpi Ramot llaqtaman riy.

Jobwan Sutichasqa Libro 38:3

Qari hina weqawnikita watakuy, tapuptiymi qamñataq contestawanki:

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Éxodo 7:2

paymanmi ñoqapa tukuy ima kamachisqaykunata ninki, hinaptinmi wawqeki Aaronñataq Faraonman nimunqa Israelpa mirayninkunata Egipto nacionmanta kacharinanpaq.

Jeremías 1:18

Murallasqa llaqtata hinam churayki, fierromanta pilarta hinam churayki, broncemanta murallata hinam churayki, Judá nacionpi reykunapa contranpi, kamachiqninkunapa contranpi, sacerdotenkunapa contranpi, llapa runakunapa contranpi.

Jeremías 17:18

Qatikachawaqniykuna penqaypi tarikuchunku, amayá ñoqachu; paykunayá manchakuypiqa kachunku, amayá ñoqachu; sasachakuy punchaw paykunaman chayachun paykunatayá pasaypaqta chinkarachiy.

Jeremías 23:28

Pipas mosqoruspaqa chay mosqorusqantayá willakuchun, pipas rimasqayta uyarispaqa imam kaqtayá willakuchun. Trigotawan pajataqa manam hukllawanachu.

Jeremías 26:12

Hinaptinmi Jeremiasñataq llapa kamachikuqkunamanwan runakunaman nirqa: Tayta Diosmi kachamuwarqa kay templopa contranpi chaynataq kay llaqtapa contranpi rimanaypaq, chaytaqa lliwmi uyarirqankichik.

Jeremías 26:2

kaynata nirqa: Temploypa pationpi sayaykuspayki tukuy kamachisqaykunata Judá nacionpi llaqtakunamanta yupaychawanankupaq hamuqkunaman willakamuy. Ama qonqaruspa imam kaqta willamuy.

Jeremías 36:8

Chaymi Neriaspa churin Barucqa profeta Jeremiaspa kamachisqanman hina, rollopi qellqasqanta Tayta Diospa templonpi leerqa.

Lamentaciones 3:57

qayakamusqay punchawpim asuykamuwaspayki: “Ama manchakuychu”, niykullawarqanki.

Jonás 3:2

Nínive llaqtaman riy hinaspa ñoqapa nisqayta chaypi yachaqkunaman willa-kamuy, nispa.

Lucas 12:35

Qamkunaqa weqawnikichikta allinta wataspa chaynataq mecheroykichiktapas ratachispa listolla kaychik.

Hechos 20:20

Chaywanpas allinnikichikpaq Diospa palabran willaytaqa manam amirqanichu, ñoqaqa yachachirqaykichikmi llapa runakunapa qayllanpipas chaynataq wasikichikpipas.

Hechos 20:27

Diospa munasqantaqa mana imatapas pakaspaymi willarqaykichik.

1~Corintios 9:16

Cristomanta allin noticia willakuyniyqa manam alabakunaypaqchu, aswanqa willakunaypunim. ¡Ay, imay-naraq kayman allin noticiata mana willakuspayqa!

1~Tesalonicenses 2:2

Yachan-kichiktaqmi Filipos llaqtapi kamisqa, ñakarichisqa kachkaptiykupas Dios-ninchik kallpanchawasqankutapas, chay-mi mana manchakuspayku Diosmanta allin noticiata willarqaykiku, willarqaykikum achkallaña runakuna contraykupi sayarichkaptinkupas.

1~Pedro 1:13

Chaynaqa, listolla kaspayá imam ruwanaykichikmanta sumaqta yuyaymanaychik, rikchan-rikchanllayá kaychik Jesucristo rikurimuptin Diospa kuyakuyninman hina imam qosunaykichikta tukuy sonqoykichikwan suyaspa.