Jeremías 1:15 - CHUYA QELLQA La Biblia en Quechua de Ayacucho 2012

¹⁵ Ñoqa Tayta Diosmi kaynata nini: Norte lawpi nacionkunatam qayasaq, reyninkunam hamuspa Jerusalenpa punkunpi trononkuta churanqaku; Jerusalenpi, Judá nacionpi yachaqkunatam atacaspanku presota apanqaku.

Quechua Ayacucho Bible 1987

¹⁵ Ñoqa Tayta Diosmi nini: Nacionkunatam qayamusaq, norte lawpi reykunapa gobiernasqantam qayamusaq. Reyninkunam hamunqaku. Jerusalenpa zaguanninkunapim churanqaku. Gobiernanankupaqmi tiyanankuta churanqaku. Llapallan murallapa muyuriqninpim churanqaku. Juda nacionpa contranpim churanqaku. Llapallan llaqtakunapa contranpim churanqaku.

Chuya Qellqa 1992

¹⁵ Ñoqa Tayta Diosmi kaynata nini: Norte lawpi nacionkunatam qayasaq, reyninkunam hamuspa Jerusalenpa punkunpi trononkuta churanqaku; Jerusalenpi, Judá nacionpi yachaqkunatam atacaspanku presota apanqaku.

Jeremías 1:15 Iomraidhean Croise

Isaías 22:7

Kuyayllapaq qechwaykikunam carretakunapa huntasqan rikurirun, sillada tropakunam llaqtapa punkullanpiña kachkanku.

Jeremías 10:22

¡Uyariychik willakuymi hamuchkan! Norte lawmantam hatun qapariy hamuchkan, Judá nacionpi llaqtakunatam purmachinqa, atoqkunapa yachananmanñam tikrarunqa, nispa.

Jeremías 10:25

Piñakuynikiqa mana reqsisuqniki nacionkunamanyá chayachun, mana yupaychasuqniki nacionkunamanyá chayachun. Paykunaqa Jacobpa mirayninkunatam chinkarachirqaku, chinkarachispam pasaypaqta wasillankutapas purmarachirqaku.

Jeremías 13:20

Jerusalenpi yachaqkuna, norte lawta qawariychik, enemigoykichikmi hamuchkan. ¿Maytaq michinaykipaq saqesqay ovejakuna? ¿Maytaq hatunchakunayki ovejakuna?

Jeremías 25:28

Upyanankupaq vasota mana chaskiyta munaptinkuqa, ñoqa Tukuy Atiyniyuq Tayta Diospa nisqaytam kaynata ninki: Munay mana munaymi upyankichik.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 33:10

Tayta Diosmi kaynata nin: Qamkunam ninkichik, “kay llaqtaqa manaña runayuq manaña animalniyuqmi chunnichkan. Judá nacionpi llaqtakunawan Jerusalén llaqtapa callenkunam mana runayuq, manaña animalniyuq purmachkan, manañam pipas chaypiqa yachanñachu”, nispa.

Jeremías 34:1

Babilonia nacionpa reynin Nabu-codonosor llapa tropankunawan chaynataq munaychakusqan nacionkunamanta kaq llapallan runakunawan, Jerusalén llaqtapa contranpi chaynataq muyuriqninpi kaq llaqtakunapa contranpi peleachkaptinmi, Jeremiasta Tayta Dios nirqa:

Jeremías 34:22

Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 39:3

Babilonia nacionpi reypa capitanninkuna yaykururqaku, hinaspam chawpi kaq punkupi churakururqaku, paykunam karqa: Nergal-sarezer, Samgar-nebo, eunucokunapa kamachiqnin Sarsequim, reypa palacionpi kamachikuq Nergal-sarezer hinaspa wakin kamachikuqkunapas.

Jeremías 4:16

Nacionkunaman willamuychik, Jerusalén llaqtaman nimuychik: Llaqtakuna atacaqmi karu nacionmantaraq hamuchkanku, Judá nacionpi llaqtakunapa contranpim qaparichkanku.

Jeremías 4:6

¡Sión llaqtapi banderata hoqariychik, maypim pakakunaykichikta utqayman maskaychik! Norte lawmantam hatun sasachakuytawan ñakariyta apamusaq.

Jeremías 43:10

hinaspa paykunata niy: Israelpa yupaychasqan Tukuy Atiyniyuq Tayta Diosmi kaynata nin: Babilonia nacionpi serviqniy rey Nabucodonosorta pusamuptiymi kay pampasqay rumi hawanpi trononta churanqa, hinaspam carpanta sayachinqa.

Jeremías 44:6

Chayraykum Judá nacionpi llaqtakunapa contranpi hinaspa Jerusalenpa callenkunapa contranpi ancha piñakuyniy nina hinaraq ruparirqa. Chaykunaqa hinallam tuñisqa kaspa chunnichkan kunankamapas.

Jeremías 46:24

Egipto nacionmi penqayman churasqa kanqa, Norte lawpi nacionman entregasqam kanqa, nispa.

Jeremías 5:15

Tayta Diosmi kaynata nin: Israelpa mirayninkuna, contraykichikpim runakunata karumantaraq pusamusaq, paykunaqa allinnin qari-qari runakunam, ñawpaq runakunapa castankunam, rimayninkutapas manam yachankichu, nitaqmi rimasqankutapas entiendenkichu.

Jeremías 6:22

Tayta Diosmi kaynata nin: Norte lawmantam tropakuna hamuchkan. Karu-karu allpamantam ancha atiyniyuq nación hatarimuchkan.

Jeremías 9:11

Tayta Diosmi kaynata nin: Jerusalén llaqtatam tuñichisaq, atoqkunapa yachananmanñam tikrarusaq; Judá nacionpi llaqtakunatam manaña runayuq kanankama chunnirachisaq.

Lamentaciones 5:11

Sión llaqtapi warmikunatam abusarqaku, Judá nacionpi sipaskunatam abusarqaku.

Ezequiel 32:30

Chaypitaqmi kachkanku norte lawpi kamachikuqkunawan Sidón lawpi yachaqkunapas. Paykunaqa kall-pasapallaña hinaspa manchakuyllapaqña kachkaspankupas guerrapi wañuqkunawan kuskam penqakuypaq kachkanku. Paykunaqa manam Diosta reqsirqakuchu, kunanqa guerrapi wañuqkunawan chaynataq wañuqkunapa kasqanman uraykuqkunawan kuskam pampasqa kachkanku.

Joel 2:20

Norte lawmanta hamuq aqaruway urukunatapas mana imapa kanan chaki allpamanmi wischurusaq, paykunamanta punta hamuqtapas intipa qespimunan lamar qochapim heqeparachisaq, paykunamanta qepa hamuqtapas intipa seqaykunan lamar qochapim heqeparachisaq, chaypi ismuspam asnarinqaku. Hatun kaqkunatam ruwasaq.

Zacarías 6:6

Yana caballokunapa chutasqan carretam norte lawpi nacionman richkan, yuraq caballokunapa chutasqanmi intipa seqaykunan lawpi nacionman richkan, moro caballokunapa chutasqanñataqmi sur lawpi nacionman richkan, nispa.