Jeremías 1:14 - CHUYA QELLQA La Biblia en Quechua de Ayacucho 2012

¹⁴ Chaymi Tayta Dios niwarqa: Norte lawmantam kay nacionpi yachaqkunapaq sasachakuy hamunqa.

Quechua Ayacucho Bible 1987

¹⁴ Tayta Diosmi niwarqa: Kay nacionpi llapallan yachaqkunata ñakarichiqmi hamunqa. Norte lawmantam paykunaman taqtakaykamunqa.

Chuya Qellqa 1992

¹⁴ Chaymi Tayta Dios niwarqa: Norte lawmantam kay nacionpi yachaqkunapaq sasachakuy hamunqa.

Jeremías 1:14 Iomraidhean Croise

Isaías 14:31

¡Filisteokuna, qapariyllawanña waqaychik, llakimanta qaparkachaychik, nanaywan qewipakuychik! Norte lawmantam qosni hinaraq tropakuna kallpamuchkanku, soldadokunapas tropanmanta mana chullaykuspam hamuchkanku.

Isaías 41:25

Norte lawmanta hukta hatarirachimuptiymi hamunqa, intipa qespimunan lawmantam sutiyta qayakunqa, kamachikuqkunatam mituta hina sarupanqa, manka ruwaqpa sarusqan mituta hinam sarupanqa.

Jeremías 10:22

¡Uyariychik willakuymi hamuchkan! Norte lawmantam hatun qapariy hamuchkan, Judá nacionpi llaqtakunatam purmachinqa, atoqkunapa yachananmanñam tikrarunqa, nispa.

Jeremías 11:17

Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chay-nataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 31:8

Norte lawpi nacionmantam kutichimusaq, kay pachapa cantonmantaraqmi huñumusaq; ñawsakunawan wistukunam paykunawan hamunqa, wiksayuq warmikunawan wachakuqkunam hamunqa; paykunaqa achkallañam kayman kutimunqaku.

Jeremías 4:6

¡Sión llaqtapi banderata hoqariychik, maypim pakakunaykichikta utqayman maskaychik! Norte lawmantam hatun sasachakuytawan ñakariyta apamusaq.

Jeremías 46:20

Egipto nacionqa kuyayllapaq vaquilla hinam, ichaqa norte lawmanta hamuq tankayllum kachurunqa.

Jeremías 47:2

Norte lawmantam repunte lloqlla hamuchkan, llimparichkaq mayu hinam kallpamuchkan; naciontawan chaypi kaqkunatam pamparun, llaqtakunatawan runankunatam pamparun. Chay nacionpi yachaqkunam qaparinku, runakunam nanaywan qaparinku.

Jeremías 50:41

Norte lawmantam huk nación hamuchkan, huk hatun nacionpa tropanmi hamuchkan, kay pachapa cantonmantam achkallaña reykuna hatarimuchkan.

Jeremías 50:9

Babilonia naciontam norte lawmanta hamuq atiyniyuq nacionkunawan atacachisaq, llapallankum huklla yaykuspa munaychakurunqaku; paykunaqa flechakunawan allin peleaq soldadokunam, flechaspapas hapichinkupunim.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Jeremías 6:22

Tayta Diosmi kaynata nin: Norte lawmantam tropakuna hamuchkan. Karu-karu allpamantam ancha atiyniyuq nación hatarimuchkan.

Ezequiel 1:4

Ñoqa Ezequiel qawariptiymi, norte lawmanta sinchi wayra pukumuchkasqa, huk yanay-yanay puyumantañataqmi llipyakuna lloqsimuchkasqa, chaypa muyuriqninpim llumpay kanchay kach-kasqa. Chay llipyakunapa chawpinpim llipipipichkaq bronceman rikchakuq kachkasqa.

Ezequiel 24:3

Ñoqa Tayta Diospa nisqayta kay mana kasukuq runakunaman kaynata rikchanachispa willay: Tullpaman mankata churkuspayki chay mankaman yakuta talliy.

Joel 2:20

Norte lawmanta hamuq aqaruway urukunatapas mana imapa kanan chaki allpamanmi wischurusaq, paykunamanta punta hamuqtapas intipa qespimunan lamar qochapim heqeparachisaq, paykunamanta qepa hamuqtapas intipa seqaykunan lamar qochapim heqeparachisaq, chaypi ismuspam asnarinqaku. Hatun kaqkunatam ruwasaq.

Zacarías 6:6

Yana caballokunapa chutasqan carretam norte lawpi nacionman richkan, yuraq caballokunapa chutasqanmi intipa seqaykunan lawpi nacionman richkan, moro caballokunapa chutasqanñataqmi sur lawpi nacionman richkan, nispa.