Isaías 9:6 - CHUYA QELLQA La Biblia en Quechua de Ayacucho 2012

⁶ Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Quechua Ayacucho Bible 1987

⁶ Wawam nacerapuwanchik. Wawatam Dios qoykuwanchik. Pay gobiernaptinmi sutichanqaku: Admirakuypaq Kaqwan, Consejakuqwan, Tukuy Kallpayoq Dioswan, Wiña-wiñaypaq Taytawan hinaspa Hawkayay Qokuq Kamachikuqwan.

Chuya Qellqa 1992

⁶ Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Isaías 9:6 Iomraidhean Croise

2~Samuel 7:13

Paymi wasiytaqa ruwapuwanqa, ñoqañataqmi munaychakuyninta wiñaypaq takyachisaq.

2~Samuel 7:16

Miraynikipas chaynataq munaychakuynikipas wiñaypaqmi takyanqa. Kamachikuynikipas wiñay-paqmi takyanqa”, nispa.

1~Reyes 10:9

¡Señorniki Tayta Diosyá bendecisqa kachun! ¡Paymi kuyasuspayki Israel nacionpi munaychakunaykipaq churasurqanki! ¡Tayta Diosqa Israel nacionta kuyasqanraykum rey kanaykipaq churaykusurqanki, derechonpi allinta kamachikunaykipaq! nispa.

1~Reyes 2:33

Chay ruwasqanmantam Joabwan mirayninkuna castigasqa kanqaku. Davidpa mirayninkunatawan wasinta chaynataq munaychakuynintam ichaqa Tayta Dios wiñaypaq takyachinqa, nispa.

1~Reyes 2:45

Ñoqa rey Salomonmi ichaqa bendecisqa kasaq, hinaptinmi Tayta Diospa qayllanpi Davidpa munaychakuynin wiñaypaq takyachisqa kanqa, nispa.

Nehemías 9:32

Dios Taytallayku, qamqa tukuy atiyniyuqmi kanki, manchakuypaq atiyniyuqmi kanki, pacto ruwasqaykitawan hatun kuyakuynikita cumpliqmi kanki. Llapa reyniykupas, kamachiqniykupas, sacerdoteykupas, profetaykikunapas, taytaykupas chaynataq llapa runakunapas ñakarisqankutaqa amayá asllapaqqa hapiychu. Chaykunam pasawarqaku Asiria nacionniyuq reykunapa tiemponmanta kunankama.

Proverbios 8:23

Qallariymantapuni, kay pachapas manaraq kachkaptinraqmi, wiña-wiñaymantaraq karqaniña.

Isaías 10:21

Jacobpa castanmanta as puchuqkunallam Atiyniyuq Diosman kutirikunqaku.

Isaías 11:5

Allinkuna ruwayninmi kanqa wasan watakun hina, mana pantaq kayninmi kanqa weqaw watakun hina.

Isaías 16:5

Diosmi hatun kuyakuyninpi huk kamachikuqta Davidpa mirayninmanta churanqa. Paymi juzgaspan allin arreglota ruwanqa, runakuna allinta ruwanankupaqmi hikutanqa, nispanku.

Isaías 26:12

Dios Taytallayku hawkallatam kawsachikuwankiku, qamllam tukuy ruwayniykutapas ruwarunki.

Isaías 26:3

Dios Taytalláy, qamllapi tukuy sonqonwan hapipakuspa mana iskayrayaq runatam qamqa hawkallata waqaychanki.

Isaías 28:29

Kay yachachikuykunaqa Tukuy Atiyniyuq Tayta Diosmantam hamun, payqa admirakuypaq kaqkunatam tantean, payqa yachayninwanmi ruwayninkunata qespichin.

Isaías 32:1

Mana pimanpas sayapakuspa munaychakuq reymi kanqa, kamachikuypi yanapaqninkunapas lliwpaqmi allinkunallata ruwanqa.

Isaías 37:32

Jerusalén llaqtamantam miranqaku, lluptiqkunapas Sión llaqtamantam miranqaku. Tukuy Atiyniyuq Tayta Diospa kuyakuyninmi chaynata ruwanqa.

Isaías 53:10

Tayta Diosmi sinchi nanaywan ñakarichirqa, huchanchikkunaraykum vidanta ofrendata hina wañuyman churaykurqa, ichaqa unay watakunam kawsakunqa, mirayninkunatam rikunqa, Tayta Diosmi paynintakama munasqanta ruwanqa.

Isaías 53:2

Serviqninmi chaki allpapi sapichakuq plantapa ikllipan hina Diospa qayllanpi wiñanqa. Rikchayninpas sumaq kayninpas manam kuyayllapaqñachu karqa, qawariptinchikqa rikchayninpas manam munayllapaqñachu karqa, chaynapi kuyananchikpaq.

Isaías 53:5

Mana kasukusqanchikmantam tuksipasqa karqa, huchanchikkunaraykum chamchapasqa karqa, hawkayayta qowananchikpaqmi ñakarichisqa karqa, heridasqa kasqanwanmi hampisqa karqanchik.

Isaías 63:16

¡Qanmi taytayku kanki! Taytayku Abrahamña qonqawaptinkupas, taytayku Jacobña saqewaptinkupas, Dios Taytallayku qanmi Taytayku kanki, wiñaymanta wiñaykama libraqniykum kanki.

Isaías 66:12

Ñoqa Tayta Diosmi nini: Hawkayaytam mayuta hina Jerusalenman kacharimusaq, nacionkunapa tukuy ima kapuqnintam lloqllata hina chayachimusaq. Paymi qamkunata mikuchisunkichik, marqayninpi apakachasqam kankichik, wawanta moqonpi tusuchichkaq mama hinam kuyasunkichik.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 8:18

Ñoqaqa Tayta Diospa qowasqan churiykunapiwanmi Israel nacionpaq señal kaniku, Sión moqopi yachaq Tukuy Atiyniyuq Tayta Diospa churaykuwasqankuman hina.

Jeremías 31:22

¿Haykapikamataq mana kasukuq sipas hina kayman chayman purikuqlla kanki? Ñoqa Tayta Diosmi kay pachapi mana haykapipas rikusqaykichikta ruwaruni: Warmim qarita muyupayanqa.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Hageo 2:9

Kay templopa sumaq kayninqa, punta kaq templopa sumaq kayninmantapas aswan hatunmi kanqa. Hinaptinmi hawkayayta kay allpapi qosqaykichik. Tukuy Atiyniyuq Tayta Diosmi chaynata nin.

Mateo 1:1

Kaykunam Jesucristopa ñawpaq taytankuna, payqa karqa Abrahampa chaynataq Davidpa mirayninmi:

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Lucas 2:11

Salvaqnikichikmi “Davidpa Llaqtanpi” nacerapusunkichik, payqa Cristom hi-naspa Señormi.

Lucas 2:14

¡Diosyá hanaq pachapi yupaychasqa kachun! ¡Kay pachapipas Diospa kuyasqan runakunapaqyá hawkayay kachun! nispanku.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 1:16

Paypa tukuy kapuqninmantam chani-chaninta mana imallapaq chaskinchik.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Hechos 10:36

Diosmi Israelpa mirayninkunaman allin noticiata willa-chirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Romanos 8:32

Sichum Diosqa kikinpa Churintapunipas rantinchikpi wañunanpaq qowachkaspanchikqa, ¿manachum Churintawan kuskata tukuy imatapas mana imallapaq qowasunchik?

Romanos 9:5

Paykunaqa ñawpa taytanchikkunapa mirayninmi, paykunapa mirayninmantam Cristopas runa kayninpi nacemurqa, Cristoqa Tukuy imapa hawanpi munaychakuq Diosmi. ¡Wiña-wiñaypaq yupaychasqayá kachun! Amén.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Corintios 15:25

Cristoqa munaychakunqa llapallan enemigonkunata Dios saruchinankamam.

2~Corintios 5:19

Diosmi Cristopi kachkarqa kay pachapi runakunata mana huchayuqpaqña hapispa kikinwan allinyanachinanpaq. Paymi kamachiwarqanchik allinyanakuymanta willakunanchikpaq.

Deuteronomio 10:17

Señornikichik Tayta Diosqa dioskunapapas Diosninmi, señorkunapapas Señorninmi, Payqa hatun munayniyuqmi, Tukuy Atiyniyuqmi, kasukuna Diosmi. Manam pimanpas sayapakunchu nitaqmi sobornotapas chaskikunchu,

Colosenses 2:3

Payllapim pakasqa kachkan qori-qollqe hina tukuy yachayniyuq hinaspa yuyayniyuq kaypas.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Hebreos 1:8

Churinmantañataqmi kaynata nin: Diosnilláy, qamqa wiña-wiñaypaqmi munaychakunki, mana pimanpas sayapakuspam munaychakunki.

Hebreos 13:20

Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.

Jueces 13:18

Chaymi Tayta Diospa angelnin nirqa: ¿Imanasqataq sutiyta tapuwanki? Sutiyqa admirakuypaqmi, nispa.