Isaías 9:19 - CHUYA QELLQA La Biblia en Quechua de Ayacucho 2012

¹⁹ Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Quechua Ayacucho Bible 1987

¹⁹ Llapallan Kamachiq Tayta Dios piñakusqanraykum enteron kay nacion rupachkan. Llapallan Kamachiq Tayta Dios piñakusqanraykum chay runakunaqa ninapaq yanta hina kachkan. Runakunaqa runamasinta mana kuyapayarikuqñam kachkan.

Chuya Qellqa 1992

¹⁹ Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Isaías 9:19 Iomraidhean Croise

Isaías 1:31

Kallpasapa runapas qopa hinañam rikurirunqa, ruwasqankunapas nina chispa hinañam kanqa, manaña pipas amachaqnin kaptinmi kuskankuña ruparunqa.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 13:13

Ñoqa Tukuy Atiyniyuq Tayta Diosmi cielokunata katkatatachisaq sinchi piñakuyniywan, maymi kasqanmantam allpa pachapas asurinqaraq.

Isaías 13:18

Jovenkunatapas flechawanmi wañuchinqaku, llullu wawakunatapas manam kuyapayanqakuchu, warmakunatapas manam llakipayanqakuchu.

Isaías 13:9

Tayta Diospa punchawninmi chayamuchkanña: Manchakuypaq sinchi piñakuyninpim allpa pachatapas chunniqmanña tikrarunqa, chaypi kawsaq llapa huchasapakunatam chinkarachinqa.

Isaías 24:6

Chayraykum kay pachata ñakay intuykun runankunapas chinkanankukama; kay pachapi yachaqkunam qollurun, aschallañam puchurunku.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 3:5

Runakunam kikinkupura ñakarichinakunqaku, reqsinakuqpurapas cheqninakunqakum, warmakunam yuyaqkunapa contranpi hatarinqaku; usuq runakunam ancha reqsisqa runakunapa contranpi hatarinqaku.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 4:4

Señorqa castigananpaq sentenciaspanmi Sionpi yachaqkunata qachankunamanta chuyanchanqa, Jerusalentam yawar chaqchusqanmanta mayllanqa.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 5:30

Chay punchaw chayaramuptinmi, chay nacionqa lamar qocha hinaraq Israelpa contranpi qaparinqa. Pipas Israel nacionta qawarispanqa tutayaypapas sasachakuypapas intuykusqantam qawarinqa.

Isaías 60:2

Kay pachatam tutayay intuykun, tutayaymi nacionkunata pampaykun; qamtam ichaqa Tayta Dios kanchaykusunki, achkiriyninmi hawaykipi qawachikunqa.

Isaías 8:22

Pampata qawarispankuñataqmi, ñakariytawan tutayayllata, pasaypaq tutayaytawan sasachakuyllata rikunqaku, hinaspam pasaypaq tutayayllapi kawsanqaku.

Jeremías 13:16

Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Ezequiel 20:47

Chay montekuna lawmanyá ñoqa Tayta Diospa nisqayta kaynata niy: Chaypi kaq sachakunata kañaykuptiymi verde sachakunatawan chaki sachakunatapas ruparunqa, chay ninaqa manaña amachay atina kaspanmi chaypi yachaq runakunapa uyantapas lliw rupanqa, sur lawmanta qallaykuspa norte lawkama.

Ezequiel 9:5

Wakintañataqmi ñoqa uyarichkaptiy kaynata nirqa: Paypa qepanta rispaykichik wañu-chimuychik, amam pitapas llakipayankichikchu.

Joel 2:2

Chay punchawqa tutayaymi kanqa, tutayaypa yana puyupa pampaykusqanmi kanqa. Imaynam paqariypi achkiy urqukunapi mastarikun, chaynam huk kallpasapa llaqta achkallaña tropayuq hamuchkan, chayna tropakunaqa ñawpaqtapas manam karqachu, nitaqmi qepamanpas kanqachu.

Joel 2:3

Paykunapa ñawpaqnintam tukuy imata nina ruparunqa, qepantañataqmi lenwachkaq nina tukuy imata tukurunqa; paykunapa ñawpaqninpim manaraq chayasqanku allpaqa Edén huerta hina kanqa, paykunapa qepanta puchuqmi ichaqa purmachisqa mana imapa kanan chunniqña kanqa; paykunamantaqa manam imapas lluptinqachu.

Levítico 26:26

Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Amós 5:18

¡Ay, imaynaraq kankichik! Diospa punchawnin chayamunanta munaqkuna. ¿Imapaqtaq Diospa punchawnin chayamunanta munankichik? Chay punchawqa kanqa tutayaymi, manam achkiychu.

Abdías 1:18

Jacobpa mirayninkunam nina hina kanqaku, Joseypa mirayninkunam lenwachkaq nina hina kanqaku, hinaspam Esaupa mirayninkunata qopata hina ruparunqaku, Esaupa mirayninkunaqa lliwmi wañunqaku. Tayta Diosmi chaynata nin.

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Miqueas 7:6

Qari churinmi taytanta penqayman churan, warmi wawanñataqmi mamanpa contranpi sayarin, llumchuymi suegranpa contranpi hatarin, runapa enemigonkunaqa hina wasinpi kaqkunallam.

Zacarías 11:6

Chayraykum Tayta Dios kaynata nin: Ñoqapas manañam kay nacionpi yachaq runakunataqa llakipayasaqñachu, aswanqa sapakamatam runamasinpa chaynataq reyninpa munaychakunanpaqña hapiykachisaq, paykunañam nacionninkuta purmachinqa, ñoqapas manam paykunapa makinmantaqa librasaqchu, nispa.

Zacarías 11:9

Ovejakunatapas kaynatam nirqani: Manañam michisqaykichikñachu. Wañuy munaqqa wañuchunpas, chinkaqqa chinkachunpas, qepaqkunapas kikinkupura mikunakuchun, nispay.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 27:45

Chawpi punchawmanta kimsa hora tardeykuykamam kay pacha tutayarurqa.

Hechos 2:20

Manaraq Señorpa suma-sumaq punchawnin chayamuchkaptinqa intipas tutayanqam, killapas yawaryanqam.

2~Pedro 2:4

Diosqa manam huchallikuq angelkunatapas pampacharqachu, paykunataqa infiernoman wischuykuspanmi juicio punchawkama tutayaypi cadenasqata saqerurqa.