Isaías 9:16 - CHUYA QELLQA La Biblia en Quechua de Ayacucho 2012

¹⁶ Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Quechua Ayacucho Bible 1987

¹⁶ Kay runakunata pusaqninkum paykunata pantarachinku. Pusasqan runakunam pantaypi rikurirunku.

Chuya Qellqa 1992

¹⁶ Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Isaías 9:16 Iomraidhean Croise

2~Crónicas 30:27

Chaymantam levitakunawan sacerdotekuna sayarispanku llapa runakunata bendecirqaku, hinaptinmi Tayta Diospas hanaq pachamanta uyariykamurqa.

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 19:14

Tayta Diosmi pantachikuq espirituta paykunapi rikurirachirqa, chaymi Egipto nacionta tukuy ruwasqanpi pantarachin, imaynam sinka runa kutichispa tampikachan, chayna kanankama.

Isaías 3:12

Llaqtaytaqa warmakunallam ñakarichichkan, warmikunañam munaychakuchkan. ¡Ay, llaqtalláy! Kamachisuqnikikunam pantaypi kawsachisuchkanki, kawsakuynikitapas pantaymanmi qewirunku.

Isaías 5:25

Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Jeremías 18:21

Chaynaqa, churinkunatayá yarqaymanta wañuchiy, espadawanyá paykunata wañuchiy; warminkupas viudayaspa manaña wawayuq qepachun. Qosankutapas peste onqoy wañuchichun, jovenkunapas guerrapi wañuchunku.

Jeremías 23:13

Samaria llaqtapi profetakunatam contraypi mana allinkuna ruwachkaqta rikurqani: Baal idolopa sutinpi profetizaspankum, Israel llaqtayta pantayman aparunku.

Jeremías 9:4

amistadnikipipas ama hapipakuychu, wawqekipipas ama confiakuychu, wawqepurapas engañanakunkum, amistadpurapas tunpanakunkum.

Amós 2:4

Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Miqueas 3:5

Llaqtanta pantayman apaq profetakunapa contranpim Tayta Dios kaynata nin: Paykunam mikuy qoqninpaq hawkayayta profetizanku, mana mikuy qoqninpaqñataqmi sasachakuyta.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Hebreos 7:7

Chaynaqa, mana ancha rimayllawanmi yachanchik, sullka kaqmi mayorninpa bendecisqan kanqa.