Isaías 9:12 - CHUYA QELLQA La Biblia en Quechua de Ayacucho 2012

¹² Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Quechua Ayacucho Bible 1987

¹² Intipa qespimunan lawmantam Aram runakunata pusamurqa. Intipa seqaykunan lawmantam Filistea runakunata pusamurqa chaynapi Israel nacionta millpurunanpaq, siminku huntata paykunata millpurunanpaq. Chaywanpas Tayta Diosqa hinallam piñasqa kachkan. Chaywanpas payqa hinallam atiyninwan castigananpaq kachkan.

Chuya Qellqa 1992

¹² Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Isaías 9:12 Iomraidhean Croise

2~Reyes 16:6

Chay punchawkunapim Edom nacionpa reynin nacionninpaq Elat llaqtata kutichikurqa, hinaspam Judá nacionniyuq runakunata Elat llaqtamanta qarqorurqa, chaymi Edom runakunaña chayman rispanku kunankama chaypi yachachkanku.

2~Crónicas 28:18

Chaynataqmi filisteokunapas Sefela lawpi llaqtakunatawan Judá nacionpi Neguev lawpi llaqtakunatapas saquearqaku. Bet-semes, Ajalón, Gederot, Soco, Timna hinaspa Gimzo llaqtakunatapas llaqtachakunatawan kuskatam hapikuykurqaku, hinaspam paykunaña yachakurqaku.

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 5:25

Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Isaías 9:21

Manasesmi Efrainta tuñichin Efrainñataqmi Manasesta wichichin, iskayninñataqmi Judá ayllupa contrapi hatarinku. Chaywanpas Diosqa, hinallam atiyninwan castigananpaq kachkan.

Jeremías 10:25

Piñakuynikiqa mana reqsisuqniki nacionkunamanyá chayachun, mana yupaychasuqniki nacionkunamanyá chayachun. Paykunaqa Jacobpa mirayninkunatam chinkarachirqaku, chinkarachispam pasaypaqta wasillankutapas purmarachirqaku.

Jeremías 15:7

Horquetawan wayrachichkaq hinam kay pachapa patankunakama wikaparqaykichik, mana churiyuqtañam saqerurqaykichik, ichaqa mana allin ruwaynikichikmanta mana wanakusqaykichikraykum chinkarachisqaykichik.

Jeremías 35:11

Ichaqa Babilonia nacionpa reynin Nabucodonosor kay nacionpa contranpi hamuruptinmi ninakurqaniku: Caldea tropakunamanta chaynataq Siria tropakunamanta lluptikunanchikpaq Jerusalén llaqtaman ayqekusun, nispayku. Chayraykum kay Jerusalén llaqtapi yachachkaniku, nispanku.

Jeremías 4:8

Chaynaqa, qachqa pachawan pachakuychik, nanaymanta qaparkachaspa waqaychik, Tayta Diospa piñakuyninqa manam qamkunamanta asurinchu.

Ezequiel 16:27

Chayraykum qamta castigaspay mikunaykitapas asllayachirqani, hinaspam cheqnisuqniki filisteokunaman qoykurqayki munasqankuta ruwasunaykipaq; chay millakuypaq kaqkuna ruwasqaykimantaqa paykunaraqmi penqakunkupas.

Ezequiel 6:14

Paykunata ñakarichinaypaqmi contrankupi hatarisaq, nacionninkutapas sur law chunniqmanta qallaykuspam norte lawpi Ribla llaqtakama pasaypaqta purmarachisaq. Chaynapim ñoqa Tayta Dios kasqayta yachanqaku, nispa.

Oseas 7:10

Israelpa hatun tukuyninmi kikinpa contranpi rikurirun, ichaqa manam Tayta Diosman kutirikunkuchu nitaqmi maskankuchu.

Amós 4:10

Egipto nacionta castigasqayta hinam qamkunatapas castigarqaykichik, jovennikichikkunatapas espadawanmi wañuchirqani, caballoykichikkunatapas enemigoykikunam apakurqaku, wañuqkunapa asnaynintam muskirqankichik, chaywanpas manam ñoqaman kutirikamurqankichikchu. Tayta Diosmi chaynata nin.

Amós 4:11

Sodoma Gomorra llaqtakunata hinam chinkarachirqaykichik, ninamanta hurqosqa sansa hinam karqankichik, ichaqa manam ñoqaman kutirikamurqankichikchu. Tayta Diosmi chaynata nin.

Amós 4:6

Ñoqam yarqayta pasachirqaykichik, llaqtaykichikkunapipas manam mikuy karqachu, chaywanpas qamkunaqa manam ñoqaman kutirikamurqankichikchu. Tayta Diosmi chaynata nin.

Amós 4:8

Iskay-kimsa llaqtam huk llaqtaman yaku tomaq rirqaku ichaqa manam saksarqakuchu. Chaywanpas manam ñoqaman kutirikamurqankichikchu. Tayta Diosmi chaynata nin.

Amós 4:9

Wayrawan utuskuruwanmi uvasnikichiktawan huertaykichiktapas tukurqa, higos plantaykichiktawan olivos sachaykichiktapas aqaruwaymi tukurqa, ichaqa manam ñoqaman kutirikamurqankichikchu. Tayta Diosmi chaynata nin.

Sofonías 1:6

Ñoqa Tayta Diosmanta karunchakuruspa mana maskawaqniykunatapas, chaynataq mana tapukuwaqniykunatapas puchukachisaqmi, nispa.

Sofonías 3:2

Payqa manam Diospa Chuya siminta uyarirqachu, manam corregichikuytapas munarqachu, Tayta Diospipas manam hapipakurqachu, nitaqmi asuykuytapas munarqachu.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.