Isaías 9:11 - CHUYA QELLQA La Biblia en Quechua de Ayacucho 2012

¹¹ Ichaqa Tayta Diosmi hatarichinqa Rezinpa contranpi enemigonkunata, paymi atacanankupaq enemigonkunata hatarichimunqa.

Quechua Ayacucho Bible 1987

¹¹ Ichaqa Tayta Diosmi hatarichimurqa Rezinpa contraqninkunata. Paymi atacanankupaq hoqarichimurqa paypa enemigonkunata.

Chuya Qellqa 1992

¹¹ Ichaqa Tayta Diosmi hatarichinqa Rezinpa contranpi enemigonkunata, Paymi atacanankupaq enemigonkunata hatarichimunqa.

Isaías 9:11 Iomraidhean Croise

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

2~Reyes 16:9

Asiria nacionpa reyninñataqmi chaskiruspan Damasco llaqtapa contranpi peleananpaq rirqa. Venceruspanmi runankunata presochasqata Kir lawman aparqa, wañurachirqataqmi reynin Rezintapas.

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 28:1

¡Ay, Samaria llaqta imaynaraq kanqa! coronanmanta hina Efrainpa alabakunan llaqta, sinkakunapa kanan llaqta, sumaq wayta chakirusqa hina llaqta, tukuy imapa wiñanan qechwapa hanayninpi tarikuq llaqta, vinoman qokuruq runakunapa kanan llaqta.

Isaías 5:25

Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Isaías 7:1

Uziaspa willkan hinaspa Jotampa churin rey Acaz Judá nacionpi munaychakuchkaptinmi Siria nacionpa reynin Rezinwan Israel nacionpa reynin Remaliaspa churin Peka, Jerusalén llaqtata atacarqaku, ichaqa manam venceyta atirqakuchu.

Isaías 7:8

Damasco llaqtaqa Siria nacionpa capitalninmi, Rezinñataqmi Damasco llaqtapa reynin. Soqta chunka pichqayuq watamantam Efraín casta otaq Israel nacionqa manaña nación kanankama chinkachisqa kanqa.