Isaías 8:9 - CHUYA QELLQA La Biblia en Quechua de Ayacucho 2012

⁹ Nacionkuna huñunakuspa kayta uyariychik, karu llaqtakunapi llapallan runakuna, kayta uyariychik: Armaykichikta alistakuspapas sasachakuypim rikurinkichik, arí, chaynata ruwaspaykichikpas sasachakuypim tarikunkichik.

Quechua Ayacucho Bible 1987

⁹ Nacionkunamanta runakuna, guerrapaq qaparispayá desgraciapi rikuriychik. Karu nacionpi llapallan runakuna, kayta uyariychik: Armaykichikta alistakuspapas desgraciapim rikurinkichik. Arí, chaynata ruraspaykichikpas desgraciapim rikurinkichik.

Chuya Qellqa 1992

⁹ Nacionkuna huñunakuspa kayta uyariychik, karu llaqtakunapi llapallan runakuna, kayta uyariychik: Armaykichikta alistakuspapas sasachakuypim rikurinkichik, arí, chaynata ruwaspaykichikpas sasachakuypim tarikunkichik.

Isaías 8:9 Iomraidhean Croise

1~Reyes 20:11

Chaymi Israel nacionpa reynin kaynata nichimurqa: Amayá alabakuychu manaraq peleach-kaspaqa, nispa.

Proverbios 11:21

Mana allin runaqa castigasqapunim kanqa, allin kawsakuqmi ichaqa librasqa kanqa.

Isaías 28:13

Chayraykum Tayta Dios paykunata rimapayanqa, chayllaraq leey yachaq warmachakunata hina: Kay kamachikuyta yachaychik, asllatapas ruwaychik, kay kamachikuyta kasukuychik, as-asllamanta, chulla-chullallamanta, kaypi asllata, wakpi asllata; purisqankupi wasanpa wichinankukama, heridasqa kaspa, toqllaman wichispa, preso kanankukama, nispa.

Isaías 37:36

Chay tutam Tayta Diospa angelnin Asiria soldadokunata pachak pusaq chunka pichqayuq waranqata hina campamentollanpi wañurachirqa. Achikyaruptinmi llapallanku wañusqaña kachkasqaku.

Isaías 54:15

Sichum pipas contraykipi hatarimuspanqa manam ñoqapa yanapasqaychu hatarimunqa. Pitapas contraykipi hatarimuqtaqa vencenkipunim.

Jeremías 42:11

Ñoqa Tayta Diosmi kaynata nini: Manchachisuqnikichik Babilonia nacionpa reynintaqa ama manchakuychikchu. Ñoqam qamkunawan kachkani salvanaypaq hinaspa paymanta libranaypaq.

Jeremías 46:3

Escudokunatawan armakunata hapispa guerraman kallpaychik.

Jeremías 46:4

¡Soldadokuna! Caballoman monturata wataspa sillakuychik, cascoykichikta churakuspa filaman churakuychik, lanzaykichikta ñawchiyachiychik, qasqotawan wasata harkachikunaykichikta churakuychik.

Jeremías 51:20

Tayta Diosmi Babilonia nacionta kaynata nin: Maqanay arma hinam qamqa kanki, Guerrapi peleanay arma hinam qamqa kanki. Qanwanmi nacionkunata purmachini, qanwanmi munaychakuykunata tuñichini.

Ezequiel 38:7

Yaw Gog alistakuy, qanwan kaq nana-nanaq tropakunapas alistakuchunku hinaspa paykunata kamachiy.

Ezequiel 38:8

Kaymanta unay watakunamanmi guerramanta samaykuq nacionman atacanaykipaq kamachisqa kanki. Chay nacionqa achka nacionkunaman cheqechisqam karqa, wiñaypaq purmachisqam karqa, ichaqa chaymanta kutimuspam Israel law orqokunaman huñunakunqaku. Chaykamaqa achka nacionkunamanta kutiramuspankum hawkaña kawsachkanqaku.

Josué 11:5

Chay reykunam Israelpa mirayninkunawan peleanankupaq Merom qochapa hichpanpi huñunakuruspanku chaypi campamentonkuta sayachirqaku.