Isaías 8:7 - CHUYA QELLQA La Biblia en Quechua de Ayacucho 2012

⁷ Tayta Dios kamachimunqa llimparichkaq Eufrates mayuta, chay mayuqa Asiria nacionpa reyninpa atiyninmi, paymi llimparichkaq mayu hinaraq mastarikuspan haypasqanta patan-patan tuytunqa,

Quechua Ayacucho Bible 1987

⁷ ñoqa Señor Dios paykunata tuyturachisaq. Lloqlla hina llimparichkaq Eufrates Mayuwanmi tuyturachisaq, otaq ancha atiyniyoq Asiria nacionpa reyninwanmi vencerachisaq. Paymi tukuy patankunaman llimparichkaq mayu hina tuyturunqa. Paymi tukuy patankunaman pullqaruchkaq mayu hina tuyturunqa.

Chuya Qellqa 1992

⁷ Tayta Dios kamachimunqa llimparichkaq Eufrates mayuta, chay mayuqa Asiria nacionpa reyninpa atiyninmi, paymi llimparichkaq mayu hinaraq mastarikuspan haypasqanta patan-patan tuytunqa,

Isaías 8:7 Iomraidhean Croise

Génesis 6:17

Ñoqam kay pachaman sinchi parata kachaykamuspay pamparachisaq, chaynatam kay pachapi llapallan kawsaqkunata chinkachisaq. Manam chullapas puchunqachu.

2~Reyes 19:32

Asiriapa reyninmantam Tayta Dios kaynata nin: “Jerusalenmanqa manam yaykumunqachu, flechankunatapas manam kacharimunqachu, escudotapas manam hapinqakuchu, allpatapas murallapa qepanmanqa manam montochinqachu.

Esdras 4:10

chaynataq hatun munayniyuq Asnaparpa Samariaman astachisqan llaqtakunawan Eufrates mayupa waklawninpi kaq llaqtakuna.

Isaías 10:16

Chayraykum Tukuy Atiyniyuq Diosqa kallpasapa runankunata eqoyachinqa, hatu-hatunllaña kaynintam lenwachkaq ninawan hina ruparachinqa.

Isaías 10:5

¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 11:15

Egipto lawpi lamar qochapa partentam chakichinqa, atiyninwanmi rupachkaq wayrata Eufrates mayuman pukuchinqa, chay mayutam qanchis kallmaman rakirunqa, runakunapas usutankuta manaña chutukuspam chimpanqaku.

Isaías 28:15

Qamkunam ninkichik: “Contratotam wañuywan ruwaruniku, wañusqakunapa kasqanwanpas contratotam ruwaruniku, sasachakuy hamuspa mana haypawanankupaq; llulla rimaykunapim amparakuruniku, engaño ruwaykunapim pakakuruniku”, nispaykichik.

Isaías 28:17

Plomadawan hinam allin arreglota ruwasaq, nivelwan hinam allin kawsakuyta ruwasaq. Llullakuy amparoykichiktapas runtu param tukurunqa, pakakunaykichiktapas yakum tuyturunqa.

Isaías 28:2

Tayta Diosmi hatallichkan huk kallpasapa sinchi atiyniyuq runata. Chay runaqa, runtu para hina dañakuqmi, llumpay wayra-para hinaraqmi, loco para hinaraqmi, manchakuypaq repunti lloqlla hinaraqmi. Kallpawanmi pampaman wikapanqa,

Isaías 43:2

Yakunta riptikipas, qanwanmi kasaq, mayunta chimpaptikipas, manam apasunkichu, nina ukunta pasaptikipas, manam rupasunkichu, lenwachkaq ninapas manam kañasunkichu.

Isaías 59:19

Intipa qespimunan lawpi kaqkunam Tayta Diosta manchakunqaku, intipa seqaykunan lawpi kaqkunam atiyninta hatunchanqaku. Payqa lloqlla hinaraqmi hamunqa, Diospa pukuyninpa kallpachimusqan mayu hinaraqmi hamunqa.

Isaías 7:17

Tayta Diosmi hatun sasachakuyta kachamunqa, qampaq, llaqtaykipaq chaynataq aylluykikunapaqpas. Judá nacionmanta Israel nacionpa rakikusqan punchawmantapas manam kayna sasachakuyqa karqachu. (Asiria nacionpa reyninmantam kaypiqa rimachkan)

Isaías 7:20

Chay punchawpim Tayta Dios, Eufrates mayupa waklawninkunapi yachaq Asiria tropakunata, alkilasqan navajapaq hapiykuspan, Israel llaqtata rutunqa. Rutunqataqmi umankutapas, barbankutapas chaynallataq penqayninkupi pelokunatapas.

Jeremías 47:2

Norte lawmantam repunte lloqlla hamuchkan, llimparichkaq mayu hinam kallpamuchkan; naciontawan chaypi kaqkunatam pamparun, llaqtakunatawan runankunatam pamparun. Chay nacionpi yachaqkunam qaparinku, runakunam nanaywan qaparinku.

Jeremías 51:42

Lamar qocham Babiloniata pamparun, olankunam lloqsiramuspa pamparun.

Ezequiel 26:19

Ñoqa Tayta Diosmi kaynata nini: Purmarachispaymi manaña pipapas yachanan llaqtataña ruwarusqayki, lamar qochapa yakunwanmi pampachisqayki.

Daniel 11:10

Ichaqa norte lawpi reypa churinkunam piñakuspanku nana-nanaq tropakunata hatarichinqaku. Lloqlla hinaraq mastarikuspankum sur lawpi reypa murallasqa llaqtanman chayaruspanku huktawan atacanqaku.

Daniel 11:22

Payqa kallpasapallaña lloqlla hinam contranpi hatarimuqkunatapas pasaypaqta chinkarachinqa, paykunatawan kuskatam contrato ruwaq kamachikuqtapas wañurachinqa.

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Amós 8:8

¿Manachum chayrayku allpapas kuyurinqa? ¿Manachum chaypi yachaq llapa runakuna waqanqaku? Mayu hinaraqmi llimparinqa, llimparispanmi Egiptopi mayu hinaraq yawyarinqa.

Amós 9:5

Tukuy Atiyniyuq Tayta Dios llapchaykuptinmi kay pacha chullurin, chaypi yachaqkunam lliw waqanku; chulluspanmi mayu hinaraq timpurin, Egiptopi mayu hinaraqmi yawyarinpas.

Miqueas 1:9

Samariapa heridanqa mana hampiy atinam, chay heridanmi Judá nacionkamaña chayarun, yachanay llaqtapa punkunkamañam, Jerusalén llaqtapa punkunkamañam chayarun.

Miqueas 5:4

Hinaptinmi chay rey hatarispan Tayta Diospa atiyninwan paykunata michinqa, paykunañataqmi hawka kawsakunqaku, Tukuy Atiyniyuq Tayta Dios kay pachapa patankama hatunchasqa kasqanrayku.

Miqueas 5:5

Paymi hawkayayta apamuwasun Asiria nacionña llaqtanchikman hamuspan palacionchikkunaman yaykuptinpas, paykunapa contranpim qanchis michiqkunatawan ancha reqsisqa pusaq kamachikuqkunata kachaykusun.

Nahúm 1:8

Contranpi hatariqkunatam ichaqa lloqlla hinaraq chinkarachin, enemigonkunataqa tutayaypipas qatikachanmi.

Lucas 6:48

taqrata tarinankama uch-kuspan chaypa hawanpi wasinpa cimientonta hatarichiq runamanmi. Lloqlla chayamuspanpas chay wasitaqa allin ruwasqa kasqanraykum mana tuñichiyta atinchu.

Apocalipsis 17:15

Angelqa niwarqataqmi: Chuchumikapa tiyasqan achka yaku-kuna rikusqaykiqa, llaqtakunam, runa-kunam, nacionkunam hinaspa tukuy rikchaq rimayniyuqkunam.