Isaías 8:19 - CHUYA QELLQA La Biblia en Quechua de Ayacucho 2012

¹⁹ Sichum runakuna nisunkichik: Espiritistakunata qayakuychik, wachachachaspa upallallamanta rimaq espirituyuqkunata qayakuychik, ¿runakunaqa manachum diosninkuta tapukunmanku? ¿Kawsaqkunaqa manachum wañuqkunapa almanta tapukunmanku? nispanku.

Quechua Ayacucho Bible 1987

¹⁹ Runakunaqa segurom nisunkichik: Espiritistakunata qayakuychik. Wachachachaspa upallallamanta rimaq espirituyoqkunata qayakuychik. ¿Runakunaqa manachum Diosninkuta tapukunmanku? nispa. ¿Kawsaqkunapaqqa manachum wañuqkunapa almanta consultanmanku? nispa.

Chuya Qellqa 1992

¹⁹ Sichum runakuna nisunkichik: Espiritistakunata qayakuychik, wachachachaspa upallallamanta rimaq espirituyuqkunata qayakuychik, ¿runakunaqa manachum diosninkuta tapukunmanku? ¿Kawsaqkunaqa manachum wañuqkunapa almanta tapukunmanku? nispanku.

Isaías 8:19 Iomraidhean Croise

Génesis 41:24

Chaymi pusillanña espigakuna qanchis sumaq espigakunata millpururqaku. Chaykunatam willarqani layqakunaman, ichaqa manam mayqanninkupas ima ninanmi kasqantapas willawayta atirqakuchu, nispa.

2~Reyes 1:3

Hinaptinmi Tisbe llaqtayuq Eliasta Tayta Diospa angelnin nirqa: Samaria llaqtapi yachaq reypa kachamusqan runakunawan tupamunaykipaq riy hinaspa kaynata nimuy: ¿Manachu Israel nacionpi Dios karqa, chaynapi Ecrón llaqtapi Baal-zebub idolotaraq tapumunaykichikpaq? nispa.

2~Reyes 21:6

Churintapas idolokunapaqmi kañapurqa. Layqayayman qokuruspanmi kikinpuni hatarichirqa qatipaqkunatawan alma qayaqkunata. Chay millakuypaq mana allin kaqkunata ruwaspanmi Tayta Diosta piñachirqa.

2~Reyes 23:24

Rey Josiasqa qatipaqkunatapas, layqakunatapas, qayaqkunatapas, rik-chaqmana idolokunatapas chaynataq wasikunapi idolokunatapas, idolo-kuna yupaychanankupaq ruwasqanku millakuypaq kaqkunatapas Judá nacionmantawan Jerusalenmantam chinkarachirqa. Chaytaqa ruwarqa templopi sacerdote Hilciaspa tarisqan libropi Tayta Diospa yachachikuyninta cumplinanpaqmi.

1~Crónicas 10:13

Chaynatam Saúl wañurqa Tayta Diospa contranpi huchallikuspan kamachisqankunatapas mana kasukusqanrayku chaynataq layqa warmita tapukuspan

2~Crónicas 33:6

Churinkunatapas Ben-hinom way-qopim sacrificarqa, layqa kayman qokuruspanmi alma qayaqkunatawan qatipaqkunatapas kikinpuni hatarichirqa. Chay millakuypaq mana allin kaqkunata ruwaspanmi tayta Diosta piñachirqa.

Isaías 19:3

Egipto runakunapa yuyaymanaynintam chinkarachisaq, imapas ruway tanteasqankutam yanqacharusaq, hinaptinmi idolonkuta, layqakunata tapunqaku, wañuqkunapa almankunata tapukunqaku.

Isaías 26:14

Paykunaqa wañurunkuñam, manañam kawsarimunqakuchu, ñakarichispaykim paykunataqa wichirachinki, manaña yuyarinankukamam chinkarachinki.

Isaías 29:4

Chaynapim allpaman wichichisqa kanki, qamqa allpamantam rimarimunki, qaparimusqaykipas allpa ukumantam uyarikamunqa, rimasqaykipas wachachachay hinam uyarikunqa.

Isaías 30:2

Mana ñoqata tapuwaspankum Egipto nacionman chaylla rinku, rey Faraonpi hapipakuspam yanapakuyta maskanku.

Isaías 45:11

Israelta unanchaq Chuya Tayta Diosmi kaynata nin: Hamuq punchawkunamanta tapuykuwaychik, churiykunamanta cuentata mañaykuwaychik, imaynam ruwasqaymanta cuentata mañaykuwaychik.

Isaías 47:12

Hinallayá layqakuynikipi purikuy, warma kasqaykimantaraq layqa kaynikipiyá kawsakuy. Icha imallapipas servisunkimanraq, ichapas runakunata manchachiwaqraq.

Isaías 47:13

Umachasuqnikikunaqa aminaykikamam achkallaña karqa. Kunanyá qatipaqkuna hamuchunku, cielokunatawan chaskakunata qawaspa salvasunaykipaq, imam pasakunanmanta killan-killan willasunaykipaq.

Jeremías 10:10

Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Jeremías 27:9

Amayá kasuychikchu chay profetakunataqa, qatipaqkunataqa, mosqoykunapa imam ninan willakuqkunataqa, suerte qawaqkunataqa nitaq layqakunatapas. Paykunam umachasuchkankichik: Babilonia nacionpa reynintaqa manam servinkichikchu, nispanku.

Levítico 19:31

Alma qayaqkunamanwan qatipaq-kunamanqa amam rinkichikchu, chay-kuna ruwaqta maskaspaqa millakuypaqmi kawaqchik. Ñoqa Tayta Diosmi Diosnikichik kani.

Levítico 20:6

Sichum pipas almakunata qayaqkunaman otaq qatipaqkunaman rispaqa, chuchumikapa ruwaynintam ruwan, hinaptinqa chay runapa contranpi sayariruspaymi llaqtanmanta chinkarachisaq.

Miqueas 5:12

Layqanakuynikichiktapas chinkarachisaqmi, qatipaqkunatapas chawpikichikmantam chinkarachisaq.

Hechos 16:16

Huk punchawmi Diosta mañakuna sitioman richkaspayku, adivinaq espirituyuq sipaswan tuparurqaniku. Payqa adivinaspanmi patronninkunata achka qollqeta ganachiq.

Deuteronomio 18:10

Yanqañataq churikichikta kañaspa sacrificawaqchik. Qamkuna ukupiqa amam kanqachu qatipaqkunapas, qawaqkunapas, layqakunapas,

Deuteronomio 18:11

mesa mastaqkunapas, wañuqpa almanta qayaqkunapas, espiritistakunapas.

1~Tesalonicenses 1:9

Paykunañam willakuchkanku qamkunaman chayamuptiyku imaynam chaskiwasqaykikuta hinaspa Diosman iñikuspaykichik idolokunata qepanchakuruspa kawsaq cheqap Diostaña servisqaykichikmantapas,

2~Pedro 2:1

Israel ukupiqa karqataqmi pan-tachikuq profetakunapas, chaynam qamkuna ukupipas pantay yachachi-kuqkuna kanqa. Paykunam mana musyachikuspalla pantay yachachi-kuykunata yachachinqaku, salvaqnin Señortapas neganqakum, chayqa kanqa kikinkupa condenasqa kanan-kupaqmi.

1~Samuel 28:11

Chay warmiñataqmi nirqa: ¿Pi qayanaytataq munanki? nispa. Saulñataqmi nirqa: Samueltayá qayaykapuway, nispan.

1~Samuel 28:16

Chaymi Samuel nirqa: ¿Imanasqataq ñoqata tapuwanki Tayta Diospuni enemigoyki rikuri-ruchkaptinqa?

1~Samuel 28:7

Hinaptinmi serviqninkunata Saúl kamachirqa: Maskamuychik wañuqpa alman qayaq warmita, chaynapi payman rispay tapukamunaypaq, nispa. Serviqninkunañataqmi nirqaku: Endor llaqtapim huk warmi kachkan wañuqkunapa alman qayaq, nispa.

1~Samuel 28:8

Chaymi Saulqa mana reqsichikunanpaq huk pachawan churakuruspan iskay runawan pusachikuspan chay warmipa kasqanman tutallan rirqa. Chayaruspanmi nirqa: Ama hina kaspayá ñoqapa nisqay runapa almanta qayaykapullaway, nispa.