Isaías 8:18 - CHUYA QELLQA La Biblia en Quechua de Ayacucho 2012

¹⁸ Ñoqaqa Tayta Diospa qowasqan churiykunapiwanmi Israel nacionpaq señal kaniku, Sión moqopi yachaq Tukuy Atiyniyuq Tayta Diospa churaykuwasqankuman hina.

Quechua Ayacucho Bible 1987

¹⁸ Ñoqaqa Tayta Diospa qowasqan churiykunapiwanmi Israel nacionpi señalpaq milagro hina churasqa kachkaniku. Sion llaqtapi *f**yachaq Llapallan Kamachiq Tayta Diosmanta señalpaq milagro hina churasqam kachkaniku.

Chuya Qellqa 1992

¹⁸ Ñoqaqa Tayta Diospa qowasqan churiykunapiwanmi Israel nacionpaq señal kaniku, Sión moqopi yachaq Tukuy Atiyniyuq Tayta Diospa churaykuwasqankuman hina.

Isaías 8:18 Iomraidhean Croise

Génesis 33:5

Chaymantam Jacobpa warminkunatawan churinkunata rikuykuspan Esaú tapurqa: ¿Pikunataq kay qanwan hamuqkunaqa? nispa. Jacobñataqmi nirqa: Paykunaqa kay serviqnikiman Diospa qowasqan churiykunam, nispa.

1~Crónicas 23:25

Davidmi nirqa: Tayta Diosmi, Israelpa Diosninmi llaqtanman hawkayayta qoykun, paymi Jerusalén llaqtapi wiñaypaq yachanqa.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 14:32

Chay nacionkunamanta kachamusqankumanqa ¿imanisuntaq? Nisunchikqa: Tayta Diosmi Jerusalén llaqtataqa hatarichirqa, chaymanmi ñakarichisqa runankunapas amparakunqaku, nispam.

Isaías 20:3

Chaymi Tayta Dios nirqa: Serviqniy Isaiasmi mana pachayuq chaynataq qala chakilla kimsa watapuni purirqa. Chaytam ruwarqa Egipto nacionta chaynataq Etiopía nacionta imam pasananmanta qawachinanpaq.

Isaías 24:23

Tukuy Atiyniyuq Tayta Dios, Sión moqopiwan Jerusalenpi munaychakuptinmi, killapas penqakunqaraq, intipas tutayanqaraq; Diospa kanchariynintam ancianonkuna rikunqaku.

Isaías 53:10

Tayta Diosmi sinchi nanaywan ñakarichirqa, huchanchikkunaraykum vidanta ofrendata hina wañuyman churaykurqa, ichaqa unay watakunam kawsakunqa, mirayninkunatam rikunqa, Tayta Diosmi paynintakama munasqanta ruwanqa.

Isaías 7:16

Manaraqpas allin kaqta akllaspa mana allin kaqtañataq wischuyta yachachkaptinmi, chay manchakusqayki iskay reykunapa nacionninkuna chunnichisqa kanqa.

Isaías 7:3

Chaymi Isaiasta Tayta Dios nirqa: Churiki Sear-jasubwan kuska hanay lawpi estanqueman lloqsiy hamuq yarqapa hichpampi rey Acazwan tupanaykipaq. Chay estanquem kachkan Taqsaq runapa chakranman riq ñanpa hichpanpi.

Isaías 8:3

Chaymantam profetisa warmiywan puñururqani, hinaptinmi wiksayakuruspan huk qari wawata wachakururqa. Chaymi Tayta Dios niwarqa: Chay wawata Maher-salal-hasbazwan sutichay.

Jeremías 44:29

Ñoqa Tayta Diosmi kaynata nini: Contraykichikpi rimasqaykuna cumplikunantawan kay nacionpi qamkunata castiganayta yachanaykichikpaqmi huk señalta qosqaykichik:

Ezequiel 12:6

Hinaspam tutaykamuchkaptin lliw qawasuchkaptiki imaykikunatapas sawakuykuspa lloqsinki. Llaqtata mana qawanaykipaqmi uyaykita tapakunki. Qamtaqa Israelpa mirayninkunapaqmi huk señalta hina churayki, nispa.

Ezequiel 14:8

Chay runapa contranpi hatarispaymi, wakin runakunapas manchakuyta yachanankupaq castigaruspay llaqtaypa chawpinmanta chinkarachisaq. Chaynapim Tayta Dios kasqayta yachankichik.

Ezequiel 4:3

Chaymantam qamtawan llaqtata rakinananpaq fierromanta planchata hapispa murallata hina sayachinki, hinaspam llaqtapa ñawpaqninpi atacanaykipaq hina churakunki. Chaymi Israelpa mirayninkunapaq huk señal kanqa.

Zacarías 3:8

Chaynaqa, sumo sacerdote Josué kayta uyariy, uyariwachuntaq sacerdotemasikikunapas, qamkunaqa qepa punchawkunapaqmi señal hina kankichik: Ñoqam pusamusaq serviqniyta, “Ikllirimuqta”, nispa.

Zacarías 8:3

Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.

Lucas 2:18

Chaymi llapa uyariqkunapas michiqkunapa willakusqankuwan admirakurqaku.

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Deuteronomio 28:46

Tukuy chay ñakaykunam qamkunapa chaynataq miraynikichikpa contranpipas admirakuypaq señal hina wiñaypaq kanqa.

Hebreos 10:33

Huk kutipim runakuna qawakunankupaq tukuy imaymana kamisqa hinaspa maqapasqa karqankichik. Huk kutipiñataqmi ñakariqkunapa ñakariqmasin karqankichik.

Hebreos 12:22

Qamkunam ichaqa asuykurunkichik Sión moqoman, hanaq pachapi kawsaq Diospa Jerusalén llaqtanman, Diosta yupaychanankupaq wara-waranqa angel-kunapa huñunasqa kasqankuman.