Isaías 8:16 - CHUYA QELLQA La Biblia en Quechua de Ayacucho 2012

¹⁶ Isaiasmi discipulonkunata nirqa: Yachachisqaykunata pakasqata hatalliychik, yachachikuykuna qosqayta allinta waqaychaychik.

Quechua Ayacucho Bible 1987

¹⁶ Allinta waqaychaspa sellowan hina seguraychik ñoqapa willasqayta. Allinta waqaychaychik discipuloykuna ukupi yachachisqaykunata.

Chuya Qellqa 1992

¹⁶ Isaiasmi discipulonkunata nirqa: Yachachisqaykunata pakasqata hatalliychik, yachachikuykuna qosqayta allinta waqaychaychik.

Isaías 8:16 Iomraidhean Croise

2~Reyes 11:12

Hinaptinmi Joiadaqa reypa churin Joasta hawaman pusamuspa umanman coronata churaykurqa, hapiykachirqataqmi chunkantin kamachikuykunatapas. Chaymantam umanman aceiteta tallispan rey kananpaq sapaqcharqa. Hinaptinmi llapallanku kusikuywan taqllakuspa qaparirqaku: ¡Kawsachun rey! nispanku.

Isaías 50:4

Tayta Diosmi yachachiwarqa, pisipasqakunata sumaq rimaykunawan kallpanchanaypaq, sapa tutapaytam rinrillayta kichaykun, imam rimasqanta allinta uyarinaypaq.

Isaías 54:13

Churikikunatapas ñoqa Tayta Diosmi yachachisaq, paykunaqa hawkayaypim mana tukuyta kawsakunqaku.

Isaías 8:20

¡Manam chaynataqa ruwanaychikchu! Aswanqa Diospa yachachikuynintayá tapukuychik, Diospa kamachikuynintayá tapukuychik. Chaykunaman hina mana rimaspankuqa tutayayllapiraqmi kachkanku.

Daniel 12:4

Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Mateo 13:11

Chaymi payñataq nirqa: Diosmi qamkunamanqa munaycha-kuyninpi pakasqa kaqkunata yachachisunkichik, paykunamanmi ichaqa mana reqsichinchu.

Marcos 10:10

Wasipiña kachkaptinkum Jesuspa discipulonkuna chay rimasqankuna-manta huktawan tapurqaku.

Marcos 4:34

Mana rikchanachispaqa manam imatapas rimarqachu, discipulonkunamanmi ichaqa sapallankupi allinta entiendechiq.

1~Corintios 2:14

Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku.

Deuteronomio 4:45

Egipto nacionmanta lloqsiramuptinkum Israelpa mirayninkunaman kay kamachikuykunata, yachachikuykunata chaynataq reglamentokunata Moisés yachachirqa.

Hebreos 3:5

Moisesqa Diospa wasinpi allin servikuq hinaspa lliwpi kasukuqmi karqa, imapas Diospa nisqankunamanta willakunanpaq.

Apocalipsis 10:4

Chay qanchis rayokuna toqyaramuptinmi qellqanaypaqña kachkarqani, ichaqa hanaq pachamantam huk qapariyta uyarirqani: “Qanchisnintin rayokunapa nisqantaqa amaraqyá willakuychu nitaq qellqaychu”, niqta.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.

Apocalipsis 5:1

Chay trononpi tiyaqpa alleq lawninpim rikurqani huk rollota hawanpipas ukunpipas qellqasqata hinaspa qanchis sellowan selloykuspa wichqasqata.

Apocalipsis 5:5

Chaymi huknin anciano niwarqa: Ama waqaychu, leonwan sutichasqa Judá ayllumanta kaq rey Davidpa mirayninmi vencerunña, rollopa qanchis sellonta paskaspa kichananpaq, nispa.