Isaías 8:15 - CHUYA QELLQA La Biblia en Quechua de Ayacucho 2012

¹⁵ Achkaqmi haytakuspa wichiykunqaku, hinaspam wañunqaku. Achkaqmi chay toqllaman wichiykuspa chaqnasqa kanqaku.

Quechua Ayacucho Bible 1987

¹⁵ Achkaqmi mitkaruspa wichiykunqaku hinaspa ñutupasqa kanqaku. Achkaqmi chay toqllaman wichiykuspanku presochasqa kanqaku —nispa.

Chuya Qellqa 1992

¹⁵ Achkaqmi haytakuspa wichiykunqaku, hinaspam wañunqaku. Achkaqmi chay toqllaman wichiykuspa chaqnasqa kanqaku.

Isaías 8:15 Iomraidhean Croise

Isaías 28:13

Chayraykum Tayta Dios paykunata rimapayanqa, chayllaraq leey yachaq warmachakunata hina: Kay kamachikuyta yachaychik, asllatapas ruwaychik, kay kamachikuyta kasukuychik, as-asllamanta, chulla-chullallamanta, kaypi asllata, wakpi asllata; purisqankupi wasanpa wichinankukama, heridasqa kaspa, toqllaman wichispa, preso kanankukama, nispa.

Isaías 28:16

Chayraykum Tayta Dios kaynata nin: Ñoqam Sión moqopi cimientopaq churani, kuyayllapaq suni takyaq akllasqa esquina rumita. Pipas chay rumipi hapipakuqqa manam hukmanyanqachu.

Isaías 59:10

Ñawsa hinam perqakunaman tawnapakuspa purichkanchik, chawpi punchawpipas tutayaypi hinaraqmi mitkakuchkanchik, kallpallanchikpiraq kachkaspapas wañusqa hinañam kachkanchik.

Isaías 7:22

achkallaña leche kapunqa, llukllupas mikunankama. Chay nacionpi wañunankumanta llapallan puchuqkunam llukllutawan mielta mikunqaku.

Jeremías 6:21

Chayraykum ñoqa Tayta Dios kaynata nini: Kay llaqta mitkananpaqmi trancata churasaq, tayta-mamanpas wawa-churinkuwan kuskam wichinqaku, vecinonpas, puriqmasinkunapas chaymanmi wichinqaku, hinaspam chaypi wañunqaku.

Mateo 11:6

¡Mayna kusisqam ñoqamanta mana iskayrayaqkunaqa! nispan.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Mateo 21:44

Chay rumiman wichiqñataqmi pakipasqa kanqa, rumipa hapisqanñataqmi ñutusqa kanqa, nispa.

Juan 6:66

Chaymantapunim achkaq qatiqninkuna qepaman kutikuspanku manaña Jesuswan purirqakuñachu.

Romanos 9:32

¿Imanasqataq manaqa tarirqakuchu? Diosman mana iñisqankuraykum chaynataq ruwayllankuwan maskasqankuraykum. Chaynapim mitkana rumipi mitkakururqaku.

1~Corintios 1:23

ñoqanchikmi ichaqa chakatasqa Cristomanta willakunchik. Judiokunapaqmi kay willakuyqa urmachiqninku hina, mana judío kaqkunapaqñataqmi mana valeqman rikchakun.