Isaías 8:10 - CHUYA QELLQA La Biblia en Quechua de Ayacucho 2012

¹⁰ Tanteanakusqaykichikpas manam ruwasqachu kanqa, rimanakuptikichikpas manam cumplikunqachu, ñoqaykuwan Tayta Dios kasqanrayku.

Quechua Ayacucho Bible 1987

¹⁰ Tanteanakuptikichikpas manam rurasqachu kanqa ñoqaykuwan Dios kasqanrayku. Rimanakuptikichikpas manam cumplisqachu kanqa ñoqaykuwan Dios kasqanrayku.

Chuya Qellqa 1992

¹⁰ Tanteanakusqaykichikpas manam ruwasqachu kanqa, rimanakuptikichikpas manam cumplikunqachu, ñoqaykuwan Tayta Dios kasqanrayku.

Isaías 8:10 Iomraidhean Croise

Génesis 21:22

Chay tiempopim Abimelecqa tropanpa capitannin Ficolpiwan Abrahamta watukuspa nirqaku: Diosmi tukuy ima ruwasqaykipi qanwan kachkan.

2~Samuel 15:31

Davidmanmi willaykurqaku: “Ahitofelpas Absalonwan kuskam contraykipi hatarirun”, nispanku. Hinaptinmi David nirqa: Diosnilláy, Ahitofelpa tanteasqankunatayá pantarachiy, nispa.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

2~Samuel 17:4

Ahitofelpa consejasqanmi Absalon-paqpas chaynataq Israelpi llapallan ancianokunapaqpas allin rikchakarapurqa.

2~Reyes 6:12

Chaymi huknin capitán nirqa: Reynillayku, manam ñoqaykuchu willachkanikuqa, aswanqa Israelpim kachkan Diospa profetan Eliseo, paymi Israelpa reyninmanqa puñunaykipi rimasqaykitañapas willachkan, nispa.

2~Crónicas 13:12

Chaynaqa, yachaychikyá, Diosniykuqa kamachiqniyku hinam ñoqaykuwan kachkan, trompeta tocaq sacerdotekunapas ñoqaykuwantaqmi kachkan qamkunapa contraykichikpi tocanankupaq. Chaynaqa, Israelpa mirayninkuna, ñawpaq taytaykichikpa Diosninpa contranpiqa amayá peleaychikchu, manam imaynata ruwaspapas venceyta atiwaqchikchu, nispa.

Jobwan Sutichasqa Libro 5:12

sakri runakunapa tanteasqantañataqmi yanqachan, makinkunapa ruwasqan mana qespichisqa kananpaq;

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Isaías 14:27

Tukuy Atiyniyuq Tayta Dios chaynata tantearuptinqa, ¿pitaq harkakunman? makinta haywariptinqa, ¿pitaq asurachinman?

Isaías 28:18

Wañuywan contrato ruwasqaykichikpas yanqachasqam kanqa, wañusqakunapa kasqanwan contrato ruwasqaykichikpas manaña kaqmi kanqa; chay manchakuypaq sasachakuy hamuruspanmi sarupasunkichik.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 43:5

Ama manchakuychu, ñoqam qanwan kachkani; ñoqam intipa qespimunan lawmanta, hinaspa intipa seqaykunan lawmanta, lliw miraynikikunata huñumusaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 8:8

Judá nacionmanpas chayaspanmi kunka kuchunkamaraq huntaykunqa, mastarikuspanñataqmi patan-patan haypaykunqa. ¡Emanuel! Llaqtaykiqa ankapa raprawan pakaykusqa hinam kanqa, nispa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 42:11

Ñoqa Tayta Diosmi kaynata nini: Manchachisuqnikichik Babilonia nacionpa reynintaqa ama manchakuychikchu. Ñoqam qamkunawan kachkani salvanaypaq hinaspa paymanta libranaypaq.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Lamentaciones 3:37

¿Pitaq imatapas rimanman Señorpuni mana kamachikuptinqa?

Joel 3:9

Nacionkunaman kayta willakamuychik: ¡Guerra! nispa qapariychik, allinnin qari-qari soldadokunata qayamuychik, Guerrapi peleanankupaq asuykamuchunku.

Hageo 1:13

Chaymi Tayta Diospa profetan Hageo, Diospa kamachisqanman hina llapa runakunata rimapayarqa kaynata: Tayta Diosmi nin: “Ñoqam qamkunawan kachkani”, nispa.

Números 14:9

Chaynaqa, ama Tayta Diospa contranpi hatariychikchu, nitaq chay allpapi runakunatapas manchakuychikchu, paykunataqa manam pipas yanapanchu, ñoqanchikwanmi ichaqa Tayta Dios kachkan, tantata mikuchkaq hinallam vencerusunchik, nispanku.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Romanos 8:13

Aychaman hinalla kawsaspaykichikqa wañunkichikmi; Chuya Espirituman hina aychapa ruwayninkunata wañuchispam ichaqa kawsankichik.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Deuteronomio 20:1

Sichum guerrapi peleaq lloqsispaykichik, enemigoykichikpa caballonkunata, carretankunata chaynataq tropankunata qamkunamantapas aswan achka-achka kasqanta qawaykuspaykichikqa amam manchakunkichikchu. Egipto nacionmanta hurqomusuqninchik Señornikichik Tayta Diosmi yanapasunaykichikpaq qamkunawan kachkan.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.