Isaías 7:4 - CHUYA QELLQA La Biblia en Quechua de Ayacucho 2012

⁴ Paytam ninki: Cuidakuy hinaspa hawkalla kay ama manchakuychu nitaq sonqoykipas hukmanyachunchu chay iskay qosniq yantakunaraykuqa, Siriapa reynin Rezinpa chaynataq Remaliaspa churin Pekapa sinchi piñakuyninraykuqa.

Quechua Ayacucho Bible 1987

⁴ Paytam ninki: “Cuidakuy ichaqa ama manchakuychu, ama sustochakuychu nitaq hukmanyaychu chay iskay qosniq yanta hina runakunaraykuqa, otaq Aram tropakunawan Rezinpa rupariq nina hina rabiasqanraykuqa chaynataq Remaliaspa churin Pekapa rabiasqanraykuqa.

Chuya Qellqa 1992

⁴ Paytam ninki: Cuidakuy hinaspa hawkalla kay ama manchakuychu nitaq sonqoykipas hukmanyachunchu chay iskay qosniq yantakunaraykuqa, Siriapa reynin Rezinpa chaynataq Remaliaspa churin Pekapa sinchi piñakuyninraykuqa.

Isaías 7:4 Iomraidhean Croise

2~Reyes 15:27

Rey Azarías pichqa chunka iskayniyuq wataña Judá nacionpi munaychakuchkaptinmi, Remaliaspa churin Peka Israel nacionpi munaychakuyta qallaykurqa. Iskay chunka watam Samaria llaqtapi munaychakurqa.

2~Crónicas 20:17

Manam qamkunachu chay guerrapiqa peleankichik, chaynaqa maymi kasqaykichikpim qasillalla kankichik, hinaspam qawankichik imaynam Tayta Diospa librasusqaykichikta. Chaynaqa, Judá runakuna hinaspa Jerusalenpi kaqkuna, ama manchakuychikchu nitaq hukmanyaychikchu, paykunapa contranpi paqarin lloqsinkichik, Tayta Diosmi qamkunawan kanqa, nispa.

Isaías 10:24

Tukuy Atiyniyuq Tayta Diosmi kaynata nin: Sión moqopi yachaq llaqtalláy, Asiria runakunataqa ama manchakuychikchu, Egipto runakuna hina tawnawan waqtasuptikichikpas.

Isaías 30:15

Israelpa yupaychasqan Chuya Diosmi kaynata nin: Wanakuywan kutirimuspa hawkalla kaspam salvasqa kankichik, hawkalla hinaspa hapipakuq kaspaykichikmi kallpasapa kankichik, ichaqa manam kasukurqankichikchu;

Isaías 30:7

Egipto nacionpa yanapakuyninqa paqway mana valeqmi, chayraykum “Manchakuypaq qaparkachaq mana imanakuq animalmi”, nispa suticharqani.

Isaías 35:4

Hukmanyasqa sonqoyuqkunatayá niychik: Kallpanchakuspa ama manchakuychikchu, Diosnikichikmi salvasunaykichikpaq kaypi kachkan, enemigoykichikkunatam imam ruwasqankuman hina castiganqa, nispa.

Isaías 37:6

Isaías nirqa: Tayta Diospa nisqanta reynikichikman kaynata willamuychik: “Asiria reypa serviqninkunapa kamiwasqanwanqa ama manchakuychu.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 7:1

Uziaspa willkan hinaspa Jotampa churin rey Acaz Judá nacionpi munaychakuchkaptinmi Siria nacionpa reynin Rezinwan Israel nacionpa reynin Remaliaspa churin Peka, Jerusalén llaqtata atacarqaku, ichaqa manam venceyta atirqakuchu.

Isaías 7:8

Damasco llaqtaqa Siria nacionpa capitalninmi, Rezinñataqmi Damasco llaqtapa reynin. Soqta chunka pichqayuq watamantam Efraín casta otaq Israel nacionqa manaña nación kanankama chinkachisqa kanqa.

Isaías 7:9

Samaria llaqtaqa Efrainpa otaq Israel nacionpa capitalninmi, Remaliaspa churin Pekañataqmi Samaria llaqtapa reynin. Sichu qamkunapas ñoqapi mana hapipakuspaqa manam unaytaqa takyankichikchu, nispa.

Isaías 8:4

Manaraq chay wawa “taytay” otaq “mamay” nispa rimayta yachach-kaptinmi, Damasco llaqtapa chaynataq Samaria llaqtapa qori-qollqenta Asiria nacionpa reynin apakunqa.

Isaías 8:6

Siria nacionpa reynin Rezinwan kusikuspanku, Remaliaspa churin rey Pekawan kusikuspanku, qasillalla kallpaq Siloé yakuta kay runakuna wischupakusqankuraykum,

Lamentaciones 3:26

Tayta Dios yanapawananchikpaqqa upallalla suyaymi aswan allinqa.

Amós 4:11

Sodoma Gomorra llaqtakunata hinam chinkarachirqaykichik, ninamanta hurqosqa sansa hinam karqankichik, ichaqa manam ñoqaman kutirikamurqankichikchu. Tayta Diosmi chaynata nin.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Zacarías 3:2

Hinaptinmi Satanasta Tayta Diospa angelnin kaynata nirqa: Yaw Satanás, Tayta Diosyá wischusunki. Jerusalén llaqtata akllakuq Tayta Diosyá qarqosunki. Josueyqa rupachkaq ninamanta hurqorusqa sansa hinam, nispa.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Mateo 24:6

Guerrakunamantawan, guerrakuna kananmantam uyarinkichik, ichaqa amam manchakunkichikchu, chaykunaqa pasakunanpunim; chaywanpas manam puchukay punchawraqchu.

Deuteronomio 20:3

ninqa: “Israelpa mirayninkuna uyariychik, kunanmi enemigoykichikwan peleamunkichik. Ama hukmanyaychikchu nitaq manchakuychikchu. Amataq paykunapa qayllanpiqa katkatataychikchu.

1~Samuel 17:32

Chaymi Saulta David nirqa: Amayá wak runaraykuqa hukmanyaychikchu; ñoqa sierviqnikim risaq wak filisteowan peleamunaypaq, nispa.