Isaías 7:2 - CHUYA QELLQA La Biblia en Quechua de Ayacucho 2012

² Chaytam rey Acazman chaynataq ayllunkunaman kaynata willaykurqaku: Siria llaqtawan Efraín llaqtam contraykipi hukllaña kachkanku, nispanku. Hinaptinmi rey Acazqa runankunapiwan, sinchi wayrapa kuyuchisqan sachakuna hinaraq katkatatarqaku.

Quechua Ayacucho Bible 1987

² Chayna sucedesqanmantam willamurqaku Rey Davidpa castan Rey Acazman chaynataq ayllunkunamanpas kaynata nispanku: —Aram nacionmanta tropakunam huñunakurunku Efrain castakunawan —nispa. Hinaptinmi Rey Acaz runankunapiwan katkatatarqaku montepi wayrapa kuyuchisqan sachakuna hinaraq.

Chuya Qellqa 1992

² Chaytam rey Acazman chaynataq ayllunkunaman kaynata willaykurqaku: Siria llaqtawan Efraín llaqtam contraykipi hukllaña kachkanku, nispanku. Hinaptinmi rey Acazqa runankunapiwan, sinchi wayrapa kuyuchisqan sachakuna hinaraq katkatatarqaku.

Isaías 7:2 Iomraidhean Croise

2~Samuel 7:16

Miraynikipas chaynataq munaychakuynikipas wiñaypaqmi takyanqa. Kamachikuynikipas wiñay-paqmi takyanqa”, nispa.

1~Reyes 11:32

Salomonmanñataqmi, serviqniy Davidrayku chaynataq Israelpa llapallan llaqtakunamanta akllakusqay Jerusalenrayku huk ayllullata saqesaq.

1~Reyes 12:16

Mañakuyninkuta reypa mana kasusqanta qawaykuspankum Israelpa mirayninkuna nirqaku: ¡Davidwanqa manam imapas ruwananchik kanñachu! ¡Isaipa churinwanqa manam ima herencianchikpas kanchu! ¡Israelpa mirayninkuna sapakama wasikichikman kutikuychik! ¡Davidqa ayllullanpi munaychakuchun! nispanku. Hinaspam Israelpa mirayninkunaqa sapakama wasinkuman kutikurqaku.

1~Reyes 13:2

Chay profetam Tayta Diospa kamachisqanrayku altarpa contranpi kaynata qaparirqa: ¡Altar, altar! Tayta Diosmi nisunki: “Davidpa ayllunmantam Josías sutiyuq huk qari wawa nacemunqa, paymi alto moqo capillakunapi incienso kañaq sacerdotekunata qampa qawaykipi wañuchinqa, hawaykipitaqmi runakunapa tulluntapas kañanqa”, nispa.

2~Crónicas 25:10

Chaymi yanapananpaq Efrainmanta hamuq tropakunata Amasías rakirurqa, hinaspam wasinkuman kutikunankupaq aviarurqa, ichaqa paykunam Judá nacionpaq llumpayta piñakuruspanku wasinkuman piñasqallaña kutirqaku.

2~Crónicas 28:12

Hinaptinmi Efrainpa mirayninkunamanta wakin kamachikuqkuna hatarirqaku chay guerramanta kutimuqkunapa contranpi. Paykunam karqaku Johananpa churin Azarías, Mesilemotpa churin Berequías, Salumpa churin Ezequías hinaspa Adlaipa churin Amasa.

Proverbios 28:1

Mana allin runaqa mana pipa qatisqallanmi ayqen, allin ruwaq runam ichaqa león hina hawka kawsakunqa.

Isaías 11:13

Efraín castapa envidiakuq kayninpas chinkarunqañam, Judá nacionta cheqniqkunapas tukurunqañam. Efraín castapas manañam Judá castata envidiakunqañachu. Judá castapas manañam Efraín castata ñakarichinqañachu.

Isaías 22:22

Davidpa wasinpa llaventa hapiykachiptiymi, paypa kichasqantaqa mana pipas wichqanqachu, wichqasqantaqa manam pipas kichayta atinqachu.

Isaías 37:27

Chaymi runankunapa kallpankupas manchakuymanta chinkarirqaraq, paykunaqa rikurirunku manaraq wiñayta tukuchkaspa chakiruq qorakuna hinam.

Isaías 37:35

Ñoqam kay llaqtata waqaychasaq kikiyraykum chaynata ruwasaq. Serviqniy Davidta kuyasqayraykum chaynata ruwasaq”, nispa.

Isaías 6:13

Pachakmanta chunkallaña puchuqkunatapas chinkachisaqmi. Ichaqa imaynam roble sachata encina sachata kuchuruptinku kullullanña puchurun chaynam kanqaku. Chaywanpas chay kulluqa ikllimunqam, chay kullumanta ikllimuqmi Tayta Diospaq sapaqchasqa kanqa.

Isaías 7:13

Chaymi Isaías nirqa: Rey Davidpa castankuna, kayta uyariychik: ¿Yanqallapaqchu rikchakapusunkichik runakunata piñachiynikichik? ¿Chaychum Diosniytapas piñachiyta munankichik?

Isaías 7:17

Tayta Diosmi hatun sasachakuyta kachamunqa, qampaq, llaqtaykipaq chaynataq aylluykikunapaqpas. Judá nacionmanta Israel nacionpa rakikusqan punchawmantapas manam kayna sasachakuyqa karqachu. (Asiria nacionpa reyninmantam kaypiqa rimachkan)

Isaías 7:5

Siria runakunawan Efraín castakunaqa chaynataq Remaliaspa churin Pekapas llapallankum contraykipi kachkanku. Mana allinta ruwasunaykipaqmi kaynata rimanakurunku:

Isaías 8:12

Kay runakunaqa “kamachikuqpa contranpim hoqarikuchkanku” nisqankutaqa amayá “kamachikuqpa contranpi hoqarikuymi” niychikchu. Paykunapa manchakusqantaqa ama manchakuychikchu.

Isaías 9:9

Chaytaqa llaqtantin runam yachanqa. Efrainpiwan Samariapi yachaqkunam, pay tukuspanku, hatun tukuspanku kaynata ninku:

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Oseas 12:1

Efrainmi wayrata mikun, tukuy punchawmi intipa qespimunan lawmanta hamuq wayrata qatichkanku; llullakuytawan wañuchinakuyllatam mirachinku. Paykunaqa Asiria nacionwanmi contratota ruwarunku, Egiptomanñataqmi aceiteta astanku.

Mateo 2:3

Chayta yacharuspankum rey Herodeswan Jerusalenpi yachaqkuna llumpayta hukmanyarurqaku.