Isaías 7:19 - CHUYA QELLQA La Biblia en Quechua de Ayacucho 2012

¹⁹ Chayaramuspankum uku-uku wayqokunapi, qaqakunapi, kichka ukukunapi, animalkunapa tomanan pukyukunapipas tiyarunqaku.

Quechua Ayacucho Bible 1987

¹⁹ Chayaramuspankum uku-uku wayqokunapi tiyarunqaku. Qaqakunapa raqrankunapim tiyarunqaku. Kichka-kichka ukupim tiyarunqaku. Animalkunapa tomanan pukyukunapim tiyarunqaku.

Chuya Qellqa 1992

¹⁹ Chayaramuspankum uku-uku wayqokunapi, qaqakunapi, kichka ukukunapi, animalkunapa tomanan pukyukunapipas tiyarunqaku.

Isaías 7:19 Iomraidhean Croise

2~Crónicas 33:11

Chayraykum paykunapa contranpi, Asiria reypa tropankunapa kamachiqninkunata Tayta Dios pusaramurqa. Paykunam rey Manasesta hapiruspanku cadenawan wataruspa Babilonia llaqtaman pusarqaku.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 2:21

Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 5:6

Purmarachispaymi saqerusaq, manaña mallkisqa, manaña qorasqam kanqa, kichkakunapa qorakunapa huntaykusqanñam kanqa, puyukunatapas mana paramunanpaqmi kamachisaq.

Isaías 55:13

Kichkakunapa rantinpim ciprés sachakunaña wiñanqa, itanakunapa rantinpim arrayankunaña wiñanqa, chaykunawanmi Tayta Diosqa ancha reqsisqa kanqa, wiñaypaq mana tukuq señal hinam chaykunaqa kanqa.

Isaías 7:24

Chay chakramanqa yaykunqaku flechawan armasqa runakunallañam, chay allpapiqa kichkakunawan mana allin qorakunallaña wiñasqanrayku.

Isaías 7:25

Kichkasapa qorakunata manchakuspankum, azadonwan ñawpaqta llamkananku moqokunamanqa manañam pipas yaykunqachu. Chay chakrakunaqa servikunqa torokunata michinankupaq, hinaspa ovejakuna sarupanallanpaqñam.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Miqueas 7:17

Maqta uru hinam, qasqonpa puriq animalkuna hinam, paykunaqa allpata llaqwanqaku, pakakusqankumanta mancharisqallaña lloqsispam Tayta Diosman kutirikunqaku, hinaspam payta kasukunqaku.

Zacarías 10:8

Salvaykuspaymi silbarispay paykunata huñurusaq, hinaptinmi pasaq tiempokunapi hinaraq achkallaña kanqaku.

Mateo 7:16

Qamkunaqa rurunpim reqsinkichik. Uvastaqa manam itanamantachu pallanku, nitaqmi higostapas kichkamantachu pallanku.