Isaías 7:13 - CHUYA QELLQA La Biblia en Quechua de Ayacucho 2012

¹³ Chaymi Isaías nirqa: Rey Davidpa castankuna, kayta uyariychik: ¿Yanqallapaqchu rikchakapusunkichik runakunata piñachiynikichik? ¿Chaychum Diosniytapas piñachiyta munankichik?

Quechua Ayacucho Bible 1987

¹³ Chaymi Isaias payta nirqa: Rey Davidpa castanmanta kaqkuna, kaytayá uyariychik: ¿Yanqallapaqchu rikchakapusunkichik runakunata piñachiynikichik? ¿Chaychum Diosniytapas piñachiyta munankichik?

Chuya Qellqa 1992

¹³ Chaymi Isaías nirqa: Rey Davidpa castankuna, kayta uyariychik: ¿Yanqallapaqchu rikchakapusunkichik runakunata piñachiynikichik? ¿Chaychum Diosniytapas piñachiyta munankichik?

Isaías 7:13 Iomraidhean Croise

Génesis 30:15

Leañataqmi nirqa: ¿Qosayta qechuruwachkaspaykipas wawaypa apamusqan mandrágoras frutataraqchu qechuruwayta munachkanki? nispan. Hinaptinmi Raquel nirqa: Jacobchiki kunan tuta qanwan puñunqa, wawaykipa apamusqan mandrágoras fruta qowasqaykimanta, nispa.

2~Crónicas 21:7

Chaywanpas Davidwan pactota ruwasqanraykum Tayta Diosqa mana munarqachu Davidpa ayllunkuna chinkarachiyta. Chaynataqa ruwarqa wiñaypaq ratachkaq achkiyta hina Davidmanwan mirayninkunaman qonanpaq prometesqanraykum.

Isaías 1:14

Musoq killakunapi huñunakuynikichiktapas hatun fiestaykichikkunatapas pasaypaqtañam cheqniruni. Llasaq qepi hinam ñoqapaq chaykunaqa, llumpaytañam amiruni.

Isaías 1:24

Chayraykum Tukuy Atiyniyuq Tayta Dios, Israelpi munaychakuq Tayta Dios kaynata nin: Kunanmi cheqniwaqniykunamanta cuentata mañasaq, kunanmi enemigoykunamanta vengakusaq.

Isaías 22:22

Davidpa wasinpa llaventa hapiykachiptiymi, paypa kichasqantaqa mana pipas wichqanqachu, wichqasqantaqa manam pipas kichayta atinqachu.

Isaías 25:1

Dios Taytalláy, Diosniymi kanki; sutikita hatunchaspam yupaychayki, ñawpaqmanta admirakuypaq prometesqayki kaqkunatam ruwayman churarunki.

Isaías 43:24

Miski asnaq calamotapas qollqekiwanqa manam rantipuwarqankichu, nitaqmi animalkunapa wirantapas saksanaykamaqa kañapuwarqankichu. Aswanqa huchallikuspa tukuy mana allinkuna ruwasqaykiwanmi paqwayta amichiwarqanki.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Isaías 7:12

Rey Acazñataqmi nirqa: Manam mañakusaqchu, nitaqmi Tayta Diostaqa pruebasaqchu, nispa.

Isaías 7:2

Chaytam rey Acazman chaynataq ayllunkunaman kaynata willaykurqaku: Siria llaqtawan Efraín llaqtam contraykipi hukllaña kachkanku, nispanku. Hinaptinmi rey Acazqa runankunapiwan, sinchi wayrapa kuyuchisqan sachakuna hinaraq katkatatarqaku.

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Jeremías 44:22

Mana allinkuna ruwasqaykichiktawan millakuypaq ruwasqaykichiktam Tayta Diosqa manaña aguantayta atirqachu. Chayraykum nacionnikichikqa purmasqa manaña runayuq kunan punchawkama chunnichkan.

Jeremías 6:11

Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Ezequiel 16:20

Wawaykikunatapas qarita-warmitam mikuyta hinaraq chay idolokunaman ofrecerqanki. ¿Asllapaqchu hapirqanki chuchumikaman tikrakurusqaykita?

Ezequiel 16:47

Qampas paykunapa imaynam kawsasqankutam qatipakurqanki, hinaspam millakuypaq ruwasqankuta ruwarqanki, ichaqa chaykunawanpas mana contentaspam paykunamantapas aswan millakuypaq kaqkunataraq ruwarqanki.

Ezequiel 34:18

¿Allinpaqchu hapinkichik allinnin pastota mikukuruchkaspa puchuqnintañataq saruparuyta? ¿Allinpaqchu hapinkichik chuya yakuta tomakuruchkaspa puchuqnintañataq putkacharuyta?

Ezequiel 6:9

Wañuymanta puchuqkunam may nacionmanña preso apasqa kaspankupas ñoqamanta yuyarinqaku. Paykunaqa waqllikuruq warmi hina kaspanku idolokunataña yupaychanankupaq ñoqata saqeruwasqankumanta castigasqaytam yuyarinqaku, hinaspam kikinkupunipas millakuypaq ruwasqankumanta penqakunqaku.

Amós 3:13

Tukuy Atiyniyuq Tayta Diosmi kaynata nin: Uyariychik hinaspa Jacob casta runakunapa contranpi rimaychik.

Malaquías 2:17

Tayta Diosqa amirunñam mañakusqaykichiktapas. Ichaqa qamkunam tapukunkichikraq: ¿Imatañataq nirunchik amiruwananchikpaqqa? nisparaq.

Números 16:13

¿Yanqapaqchu rikchakapusunki tukuy imapapas kanan Egipto nacionmanta pusaramuwaspaykiku kay chunniqpi wañurachiwaynikiku? ¿Kamachikuq hinachu ñoqaykupi munaychakuyta munanki?

Números 16:9

Diosman asuykuna carpapi servikuspa Tayta Diospa qayllanpi Israelpa mirayninkunata servinaykichikpaqmi paykunamanta akllasurqankichik. ¿Chaytachu qamkuna yanqapaq hapinkichik?

Lucas 1:69

Tukuy Atiyniyuq Salvaqninchiktam kachamuwarqanchik, payqa serviqnin Davidpa mirayninmi.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Hebreos 3:10

Chayraykum chay runakunawan piñasqa kaspay, kaynata nirqani: “Tukuy tiempo pantaq sonqoyuqmi karqankichik” manam “ñanniykunatapas reqsiyta munarqankichikchu”, nispa.