Isaías 66:5 - CHUYA QELLQA La Biblia en Quechua de Ayacucho 2012

⁵ Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Quechua Ayacucho Bible 1987

⁵ Tayta Diospa palabranta uyariychik. Paypa palabranta respetaqkuna uyariychik: Qamkunamanta wakiqnin cheqnisuqnikichikkunam ninku, ñoqarayku wischusuqnikichikkunam kaynata ninku: “Tayta Diosqa alabasqayá kachun” nispa. “Kusisqata qamkuna qawaytam munaniku” nispa. Aswanqa paykunam penqachisqa rikurinqaku.

Chuya Qellqa 1992

⁵ Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Isaías 66:5 Iomraidhean Croise

1~Reyes 21:29

¿Rikurqankichu qayllaypi Acabpa imaynam uchuychakusqanta? Qayllaypi uchuychakusqanraykum kawsanankamaqa mana castigasaqchu, aswanqa churinpa munaychakuyninpiñam castankunaman chay ñakariyta apamusaq, nispa.

2~Reyes 22:10

Chaymantapas Safanqa nirqataqmi: Sacerdote Hilciasmi kay librota qoykamuwan, nispa. Hinaspam reypa qayllanpi chay librota leerqa.

2~Crónicas 34:27

sonqoykipi llakikuspa, kay nacionpa chaynataq runankunapa contranpi rimasqayta uyarispa, qayllaypi uchuychakuspa pachaykikunatapas llikipaspa waqasqaykiraykum ñoqapas uyariykuyki.

Esdras 9:4

Preso kasqankumanta kutimuqkunapa huchanrayku Israelpa yupaychasqan Tayta Diospa Chuya siminta manchakuqkunam ñoqaman huñunakamurqaku. Ñoqañataqmi tardeykuyta sacrificio ruwana horakama hina llakisqalla karqani

Proverbios 13:13

Kamachikuyta mana kasukuq runaqa chinkanqam, kamachikuyta kasukuqmi ichaqa pagota chaskikunqa.

Cantares 1:6

Amayá yanacha kasqaytachu qawaychikqa, nitaq intipa yanayarachisqan aychaytachu. Turiykunam ñoqapaq piñakuruspanku uvas chakrata cuidachiwarqaku, chaynapim kikiypa uvas huertaytaqa mana waqaycharqanichu.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 5:19

Paykunaqa ninkuraqmi: Diosqa apurawmanñayá ruwanankunata tukuchun qawananchikpaq, Israelpa Chuya Diosninqa tanteasqankunatayá chaylla cumplichun reqsinanchikpaq, nispa.

Isaías 60:15

Saqesqa, cheqnisqa hinaspa manaña pipapas purinan kanaykimantaqa, wiñaypaq reqsisqatam ruwasqayki, miraykunapa kusikunanpaqmi wiñaypaq churasqayki.

Isaías 65:13

Chayraykum ñoqa Tayta Dios kaynata nini: Serviqniykunaqa mikusqam kanqaku, qamkunañataqmi yarqaymanta kankichik; serviqniykunam yakuta tomanqaku, qamkunañataqmi yakumanta ñakarinkichik; serviqniykunaqa kusisqam kanqaku, qamkunañataqmi penqaypi tarikurunkichik.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Jeremías 36:16

Leesqan palabrakunata uyariruspankum mancharisqallaña qawanakurqaku, hinaspam Baructa nirqaku: Cheqaptapunipas kay uyarisqanchik palabrakunataqa reymanmi willananchik, nispanku.

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Mateo 10:22

Ñoqaraykum llapallan runakuna cheqnisunkichik, ichaqa pipas tukupaykama takyaqmi salvakunqa.

Lucas 13:17

Chaynata niptinmi lliw enemigonkuna penqaypi rikurirurqaku. Runakunañataqmi admirakuypaq tukuy ruwasqankunata qawaspanku anchallataña kusikurqaku.

Juan 16:2

Sinagogakunamantam qarqosunkichik, hamuchkanmi wañu-chisunaykichik punchawkuna, chayta ruwaspankum “Diostam servichkani”, ninqaku.

Juan 9:34

Chaymi judiokunañataq nirqaku: Qamqa huchapa huntasqan nacechkaspachu, ¿ñoqaykutaraq yachachiwaykuta munachkanki? nispanku. Chaynata niruspankum sinagogamanta qarqorurqaku.

2~Tesalonicenses 1:12

Chaynapim Señor Jesucristopa sutin hatunchasqa qamkunapi kanqa, paypitaqmi qamkunapas hatunchasqa kankichik, chaynaqa kanqa Dios Taytanchikpa chaynataq Señor Jesucristopa kuyakuyninraykum.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

1~Juan 3:13

Wawqe-panillaykuna, kay pachapi mana allin ruwaqkuna cheqnisuptikichikqa, amayá hukmanyaychikchu.