Isaías 66:4 - CHUYA QELLQA La Biblia en Quechua de Ayacucho 2012

⁴ Ñoqapas ñakariytam paykunapaq akllasaq, ancha manchakusqankutam paykunaman apamusaq. Qayakuptiymi mana pipas contestawarqachu, rimapayaptiymi mana pipas uyariwarqachu, aswanqa qawachkaptiymi mana allinta ruwarqaku, mana munasqay kaqtam akllakurqaku.

Quechua Ayacucho Bible 1987

⁴ Ñoqapas paykunata ñakarichinaypaqmi akllasaq. Ancha manchakusqankutam paykunaman apamusaq. Qayakuptiymi mana pipas contestawarqachu. Rimapayaptiymi mana pipas contestawarqachu. Qawachkaptiymi mana allinta rurarqaku. Mana gustasqaytam akllakurqaku.

Chuya Qellqa 1992

⁴ Ñoqapas ñakariytam paykunapaq akllasaq, ancha manchakusqankutam paykunaman apamusaq. Qayakuptiymi mana pipas contestawarqachu, rimapayaptiymi mana pipas uyariwarqachu, aswanqa qawachkaptiymi mana allinta ruwarqaku, mana munasqay kaqtam akllakurqaku.

Isaías 66:4 Iomraidhean Croise

2~Reyes 21:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunata hina ruwaspam huchallikurqa.

2~Reyes 21:6

Churintapas idolokunapaqmi kañapurqa. Layqayayman qokuruspanmi kikinpuni hatarichirqa qatipaqkunatawan alma qayaqkunata. Chay millakuypaq mana allin kaqkunata ruwaspanmi Tayta Diosta piñachirqa.

Proverbios 1:24

Qamkunaqa qayachkaptiypas manam uyarirqankichikchu, makiyta haywarimuchkaptiypas manam kaqpaqpas hapirqankichikchu.

Proverbios 10:24

Mana allin runataqa imapas manchakusqan kaqraqmi pasarun, allin ruwaq runapaqmi ichaqa imam munasqanpas cumplikun.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Isaías 59:15

Cheqap rimaymi chinkarun, mana allinmanta rakikuqpatam tukuy imanta suwarunku. Allin ruway manaña kasqanta rikuspanmi Tayta Dios piñakurun.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Isaías 65:12

guerrapi wañunaykichikpaq citaykichik, qonqoraykachispam kunkaykichikta kuchusunkichik. Qamkunaqa qayaptiypas manam uyariwarqankichikchu, rimapayaptiypas manam kasuwarqankichikchu; aswanqa qawachkaptiymi mana allinkunata ruwarqankichik, mana munasqay kaqkunatam akllarqankichik, nispa.

Isaías 65:2

Mana kasukuspa llutanpi kawsaq llaqtamanmi, sonqonpa munasqallanpi puriq llaqtamanmi, makiykunata sapa punchaw haywarirqani.

Isaías 65:3

Kay llaqtaqa chaylla-chaylla piñachiwananpaqmi animalkunata idolonkuman huertakunapi ofrecenku, ladrillo altarkunapim inciensota kañanku.

Isaías 65:7

Mana allinkuna ruwasqaykichikmantam, ñawpaq taytaykichikkunapas orqokunapi inciensota kañaspa piñachiwasqankumantam, pagapusqaykichik, nispa.

Jeremías 35:17

Chayraykum Israelpa yupaychasqan Tukuy Atiyniyuq Tayta Dios kaynata nin: Judá nacionpa chaynataq Jerusalén llaqtapi yachaqkunapa contranpi sasachakuykuna rimasqaytam paykunaman kacharimusaq. Qamkunaqa rimapayaptiypas manam kasuwarqankichikchu, qayaptiypas manataqmi contestawarqankichikchu, nispa.

Jeremías 7:13

Mana allin kawsasqaykichikmanta achka kutita rimapayachkaptiypas manam uyariwarqankichikchu, nitaqmi kasukurqankichikchu; Ñoqa Tayta Diosmi chaynata nini.

Jeremías 7:30

Tayta Diosmi kaynata nin: Judapa mirayninkunam mana munasqay kaqkunata ruwarunku. Ñoqapa temploypim millakuypaq idolokunata churarunku, chaykunawanmi qachacharunku.

Ezequiel 11:8

Qamkunaqa guerratam manchakurqankichik, chaynaqa guerratam qamkunaman kacharimusqaykichik. Ñoqa tayta Diosmi chaynata nini.

Ezequiel 14:4

Chaynaqa, ñoqa Tayta Diospa nisqayta paykunaman kaynata niy: Israelmanta pipas idolokuna yupaychayman qokuruspa huchallichiqninkupi hapipakuchkaspa profetaymanraq tapukuq hamuqkunataqa, tukuy rikchaq idolonkunaman hinam contestasaq, nispayki.

Ezequiel 20:25

Chayraykum paykunamanqa mana valeq decretokunatawan mana valeq leykunataña qoykurqani. Chay decretokunaqa manam kawsanankupaqñachu karqa.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

1~Samuel 8:19

Llapa runakunam ichaqa Samuelpa nisqanta mana uyariqpas tukurqakuchu, aswanmi paykunaqa nirqaku: ¡Manam imananchu! ¡Reyniyku kanantam munaniku!