Isaías 66:3 - CHUYA QELLQA La Biblia en Quechua de Ayacucho 2012

³ Ichaqa Torota sacrificapuwaqniymi runatapas wañuchintaq, ovejata kañapuwaqniymi allqotapas nakantaq; kawsaykunata ofrecewaqniymi kuchipa yawarnintapas ofrecentaq; inciensota kañapuwaqniymi idolokunatapas yupaychantaq. Paykunaqa Diospa millakusqanta ruwaspam kusikunku.

Quechua Ayacucho Bible 1987

³ Toro wañuchipuwaqniy runaqa runa wañuchiq hinam. Oveja wañuchipuwaqniy runaqa allqopa kunkan qewichkaq hinam. Kawsaykunamanta ofrecewaqniy runaqa kuchipa yawarnin ofreceq hinam. Incienso kañapuwaqniy runaqa taytachata adoraq hinam. Paykunaqa kikinkupa munasqanman hina kawsaytam akllakurqaku. Paykunaqa millakuypaq rurasqankunapim kusikunku.

Chuya Qellqa 1992

³ Ichaqa Torota sacrificapuwaqniymi runatapas wañuchintaq, ovejata kañapuwaqniymi allqotapas nakantaq; kawsaykunata ofrecewaqniymi kuchipa yawarnintapas ofrecentaq; inciensota kañapuwaqniymi idolokunatapas yupaychantaq. Paykunaqa Diospa millakusqanta ruwaspam kusikunku.

Isaías 66:3 Iomraidhean Croise

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 21:27

Mana allin runakunapa ofrendanqa millakuypaqmi, mana allin sonqonwan qosqankurayku.

Isaías 44:19

Manam yachankuchu nitaqmi yuyaymanankuchu. “Kay kullupa partenta rupachispaymi tantata sansanpi ruwarqani, aychatapas kankaruspaymi mikurqani. Parten kullumantañataqmi kay millakuypaq idolota ruwaruni. Kay yupaychasqayqa kullumanta ruwasqallam”, nispa ninankupaqqa.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Isaías 57:17

Engañaspa mana allinkunata ruwasqanraykum piñakuspay Israelta ñakarichirqani, piñakuyniypim paymanta pakakurqani; aswanqa paymi mana kasukuq rikurirurqa, munasqallan ruwaymanmi qokururqa.

Isaías 65:12

guerrapi wañunaykichikpaq citaykichik, qonqoraykachispam kunkaykichikta kuchusunkichik. Qamkunaqa qayaptiypas manam uyariwarqankichikchu, rimapayaptiypas manam kasuwarqankichikchu; aswanqa qawachkaptiymi mana allinkunata ruwarqankichik, mana munasqay kaqkunatam akllarqankichik, nispa.

Isaías 65:2

Mana kasukuspa llutanpi kawsaq llaqtamanmi, sonqonpa munasqallanpi puriq llaqtamanmi, makiykunata sapa punchaw haywarirqani.

Isaías 66:17

Tayta Diosmi kaynata nin: Idolokunata yupaychanankupaq huertakunapi chuyanchakuqkunam, kuchi aycha mikuqkunam, millakuypaq animalkuna mikuqkunam, ukucha aycha mikuqkunam, llapallanku chinkachisqa kanqaku.

Jeremías 6:20

¿Imapaqtaq Sabá nacionmantaraq inciensota apamuwankichik? ¿Imapaqtaq karumantaraq miski asnaq plantakunata apamuwankichik? Lliw kañana sacrificiokunata, tukuy rikchaq ofrendakuna apamuwasqaykichiktapas manañam munanichu.

Levítico 2:2

Chay ofrendataqa Aaronpa miraynin sacerdotekunamanmi apanqa, hinaptinmi sacerdoteñataq chay fino harina ofrendamanta huk aptayta hurqospan altarpi kañanqa. Chay ofrendaqa yuyarinapaq ofrendam hinaspa ñoqapaq miskillaña asnariq kañana ofrendam.

Hageo 2:14

Hinaptinmi Hageo nirqa: Tayta Diosmi qamkunamanta kaynata nin: Chaynam kay runakunapa imaña ruwasqankupas chaynataq ofrecewasqankupas millakuypaqña.

Deuteronomio 14:8

Amataqmi mikunkichikchu kuchitapas, pallqa situyuq kaspapas manam kutipanchu, chaytaqa millakuypaqmi hapinkichik. Chay animalkunapa aychantaqa amam mikunkichikchu, nitaqmi wañuruptinpas llapchankichikchu.

Deuteronomio 23:18

Chayna millakuypaq ruwasqanwan ganakamusqanmanta Tayta Diospa templonman apamunankutaqa amam munankichikchu. Chayqa Señornikichik Tayta Diospa qayllanpiqa hatun millakuypaqmi.

Jueces 10:14

Chaynaqa, rispayá akllakusqaykichik dioskunata qayakamuychik, ñakarichisqa kasqaykichik tiempopi paykuna librasunaykichikpaq, nispa.

Jueces 21:25

Chay punchawkunapiqa Israel nacionpi manaraq rey kasqanraykum sapakama munasqankuman hina kawsakurqaku.

Jueces 5:8

Mana reqsisqanku dioskunatam akllakuykurqaku, guerrañataqmi llaqtakunapa punkunpiña kachkarqa, tawa chunka waranqa Israel miraykunapiqa manam chulla lanzallapas rikukurqachu, manataqmi huk escudollapas karqachu.