Isaías 66:23 - CHUYA QELLQA La Biblia en Quechua de Ayacucho 2012

²³ Sapa musoq killapim, sapa samana punchawpim llapa runakuna yupaychawaqniy hamunqaku.

Quechua Ayacucho Bible 1987

²³ Ñoqa Tayta Diosmi nini: Sapa mosoq killa punchaw fiestapim, sapa semana punchawpim llapallan runakuna hamuwanqa. Qayllaypi qonqorakuqmi hamunqa.

Chuya Qellqa 1992

²³ Sapa musoq killapim, sapa samana punchawpim llapa runakuna yupaychawaqniy hamunqaku.

Isaías 66:23 Iomraidhean Croise

2~Reyes 4:23

Chaymi qosan tapurqa: ¿Imamantaq paypata rinki? Kunanqa manam musoq killachu nitaqmi samana punchawchu, nispa. Hinaptinmi warminñataq nirqa: Ama hukmanyaychu, nispa.

Isaías 19:21

Tayta Diosmi Egipto runakunawan reqsichikunqa, paykunapas Diosta reqsiykuspankum chay punchawpi yupaychanqaku. Animalkunatam wañu-chipunqaku, kawsaykunatam ofrecenqaku, hinaspam prometekuspanku cumplinqaku.

Isaías 19:23

Chay punchawpim Egipto nacionmanta Asiria nacionkama hatun ñan kanqa, hinaptinmi Asiria nacionpi kaqkuna Egiptoman rinqaku, Egiptopi kaqkunapas Asiriamanmi rinqaku. Chaynapim iskaynin llaqta kuskanku Tayta Diosta yupaychanqaku.

Isaías 2:2

Tukupay tiempokunapim Tayta Diospa templonpa kasqan orqo, wakin orqokunamantapas aswan hatunraq kanqa. Chaymanmi llapallan nacionkuna hamunqaku.

Isaías 27:13

Hina chay punchawpim, hatun trompetata tocanqaku, hinaptinmi Asiriapi chinkasqakunawan Egiptoman qarqosqakunapas kutimunqaku, Jerusalén llaqtapi Tayta Diosta hatunchanankupaq, sapaqchasqan Sión moqopi Tayta Diosta hatunchanankupaq.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Ezequiel 20:40

Israelpa llapallan mirayninkunam sapaqchakusqay hatun orqopi, Israelpa kaq hatun orqonpi yupaychawankichik. Chaypim ofrendaykichikkunatawan primiciaykichikkunata chaynataq tukuy ima sapaqchapuwasqaykichiktapas chaskisqaykichik. Ñoqa Tayta Diosmi chaynata nini.

Ezequiel 45:17

Chay kamachikuqñataqmi musoq killa fiestapi, samana punchawkunapi chaynataq Israelpa hatun fiestankunapi lliw kañana sacrificiotapas animalkunata qonqa, kawsaykunamanta ofrendapaq hinaspa tallinanku vinotapas. Paytaqmi hucharayku sacrificiotapas, kawsaykunamanta ofrendatapas, ñoqawan allinlla kasqaykichikmanta ofrendatapas hinaspa lliw kañana sacrificiota ofrecewanqa, chaynapi Israelpa huchankuna pampachasqa kananpaq.

Ezequiel 46:1

Ñoqa Tayta Diosmi kaynata nini: Uku law patiopa intipa qespimunan lawman qawaq punkuqa, llamkanaykichik soqtantin punchawmi wichqarayanqa, samana punchawpim ichaqa kichakunqa, kichakunqataqmi llullu killa punchawpipas.

Ezequiel 46:6

Llullu killa punchawpim huk malta torota, soqta sano malta carnerokunata chaynataq huk sano carnerota ofrecewanqaku.

Zacarías 14:14

Judapas Jerusalenpim peleanqa, hinaspam muyuriqninpi kaq nacionkunapa tukuy imankunatapas chaynataq qorintawan qollqenkutapas qechunqa.

Zacarías 14:16

Chaymantam Jerusalenpa contranpi hatariq nacionkunamanta puchuqkunañataq, Tukuy Atiyniyuq Tayta Dios Reyta yupaychanankupaq hinaspa ramada fiestata ruwanankupaq watan-watan qespinqaku.

Zacarías 14:18

Sichum Egipto runakuna mana rinqakuchu, hinaptinqa paykunapaqpas manam para kanqachu, Tayta Diospas aswanraqmi ramada fiestaman mana riq nacionkunata castigasqan ñakariywan paykunatapas castigarunqa.

Zacarías 14:19

Chaymi castigo kanqa Egiptopaqwan ramada fiestaman mana qespiq nacionkunapaq.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Juan 4:23

Ichaqa horam hamuchkanña, kunanmi ichaqa chayaramunña, cheqap yupaychaqkunaqa Taytatam Espiritupa yanapasqan hinaspa cheqappi yupaychanqaku. Taytaqa chayna yupaychaqninkunatam maskachkan yupaychanankupaq.

Apocalipsis 15:4

Señorllayku, ¿pitaq mana manchakusunkimanchu? ¿Pitaq mana yupaychasunkimanchu? Qamllam chuyaqa kanki, chayraykum llapa nacionkuna hamuspanku hatunchasunki, allin ruwaq kasqaykitam qawaykachikunki, nispa.