Isaías 66:22 - CHUYA QELLQA La Biblia en Quechua de Ayacucho 2012

²² Ñoqa Tayta Diosmi nini: Imaynam musoqmanta unanchasqay hanaq pachapas chaynataq allpa pachapas wiñaypaq takyanqa, chaynam miraynikikunawan sutikipas takyanqa.

Quechua Ayacucho Bible 1987

²² Ñoqa Tayta Diosmi nini: Mosoqyachisqay cielokunam qayllaypi takyanqa. Mosoqyachisqay kay pacham qayllaypi takyanqa. Chaynatam qayllaypi takyanqa miraynikichikkuna. Chaynatam qayllaypi takyanqa sutikichikkuna.

Chuya Qellqa 1992

²² Ñoqa Tayta Diosmi nini: Imaynam musoqmanta unanchasqay hanaq pachapas chaynataq allpa pachapas wiñaypaq takyanqa, chaynam miraynikikunawan sutikipas takyanqa.

Isaías 66:22 Iomraidhean Croise

Isaías 48:19

Miraynikikunapas manaña yupay atinam kanman karqa, lamar qochapi aqo hinañam kanman karqa, sutinpas manam chinkachisqachu kanman karqa, qayllaymantapas manam chinkachisqachu kanman karqa.

Isaías 51:16

Cielokunatam mastarirqani, kay pachatam takyachirqani. Simikimanmi palabraykunata churarqani, makiypa llantuyninwanmi harkarqayki. Sionpi yachaqkunatam nini: “Llaqtaymi qamqa kanki”, nispay.

Isaías 53:10

Tayta Diosmi sinchi nanaywan ñakarichirqa, huchanchikkunaraykum vidanta ofrendata hina wañuyman churaykurqa, ichaqa unay watakunam kawsakunqa, mirayninkunatam rikunqa, Tayta Diosmi paynintakama munasqanta ruwanqa.

Isaías 56:5

hinaptinqa paykunamanmi churikuna qonaymantapas aswan allin kaqkunata qosaq, temploypa perqankunapim sutinkuta qellqachisaq, mana chinkaq wiñaypaq takyaq sutitam qosaq.

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Isaías 61:8

Ñoqa Tayta Diosqa allin ruwaytam kuyani, suwakuytawan mana allin ruwaykunatam ichaqa cheqnini. Hapipakunaykichik kasqayraykum imam kaqta pagapusqaykichik, hinaspaymi qamkunawan wiñaypaq pactota ruwasaq.

Isaías 61:9

Miraynikikunapas huklaw nacionkunapa reqsisqanmi kanqaku, willkaykichikkunapas llaqtakunapa reqsisqanmi kanqaku. Llapallan rikuqninkunam yachanqaku “Tayta Diospa bendecisqan miraykuna” kasqankuta.

Isaías 65:17

Hanaq pachatawan kay pachatam musoqmanta unanchasaq, ñawpaq kaqkunaqa qonqasqañam kanqa, manañam pipas yuyarinqañachu.

Isaías 65:22

Wasikunata hatarichisqankupiqa manañam sapaq runakunaqa yachanqakuñachu, uvas plantasqankutapas manañam sapaq runakunaqa mikunqakuñachu. Runaykunaqa sachakuna hinam una-unay watakunata kawsanqaku. Akllakusqaykunaqa llamkasqankupa ruruntam mikunqaku.

Isaías 65:23

Llamkasqankupas manam yanqapaqchu kanqa, churinkupas manam chayllaqa wañunqakuchu, paykunapas chaynataq mirayninkupas, Tayta Diospa bendecisqan miraykunam kanqaku.

Jeremías 33:20

Ñoqa Tayta Diosmi kaynata nini: Punchawwan chaynataq tutawan pacto ruwasqayqa cumplikunqapunim, chayraykum punchawpas chaynataq tutapas tiempollanpi chayamun.

Jeremías 33:21

Chaynam serviqniy Davidwan pacto ruwasqaypas cumplikunqapuni, chaynapim Davidpa mirayninmanta trononpi tiyaykuspa munaychakuqpas mana faltanqachu. Leviypa mirayninmanta kaq serviqniy sacerdotekunawan pacto ruwasqaypas cumplikunqapunim.

Sofonías 3:20

Chay tiempopim huñumuspa kutichimusqaykichik, hinaspaymi kay pachapi lliwpa reqsisqantaña, chaynataq lliwpa respetanantaña ruwasqaykichik. Chaynataqa ruwasqaykichik, preso risqaykichikmanta kutichimuspaymi. Ñoqa Tayta Diosmi chaynata nini.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

2~Pedro 3:13

Ñoqanchikmi ichaqa suyachkanchik Diospa prometewasqanchik musoq cielokunatawan musoq allpata, chaypim ichaqa tukuy imapas allin arregloman hina ruwasqa kanqa.

Apocalipsis 21:1

Chaymantam musoq cielotawan musoq allpa pachata rikurqani, ñawpaq cielowan kay pachaqa manam kasqañachu. Lamar qochapas manañam kasqañachu.