Isaías 66:16 - CHUYA QELLQA La Biblia en Quechua de Ayacucho 2012

¹⁶ Tayta Diosqa ninawanmi juzganqa, guerrawanmi llapallan runakunata juzganqa, Tayta Diosqa achka-achkatam wañuchinqa, nispa.

Quechua Ayacucho Bible 1987

¹⁶ Arí, ninawanmi Tayta Diosqa juzganqa. Arí, guerra rurasqanwanmi llapallan runakunata juzganqa. Arí, Tayta Diosqa achkaqtam wañuchinqa.

Chuya Qellqa 1992

¹⁶ Tayta Diosqa ninawanmi juzganqa, guerrawanmi llapallan runakunata juzganqa, Tayta Diosqa achka-achkatam wañuchinqa, nispa.

Isaías 66:16 Iomraidhean Croise

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 27:1

Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Isaías 3:13

Tayta Diosqa chayllam kachkan llaqtanta juzgananpaq.

Isaías 30:30

Tayta Diosmi, manchakuypaq piñakuyninwan, lenwachkaq ninawan, rayokunawan llipyakunawan, loco parawan runtu parawan, atiyniyuq siminta uyarichinqa.

Isaías 31:8

Asiria nacionpa tropankuna espadapi puchukanqaku, ichaqa manam runakunapa espadanwanchu. Espadamantaña lluptiptinkupas jovenkunatam criado kanankupaqña hapirunqaku.

Isaías 34:2

Tayta Diosmi llapa nacionkunapaq chaynataq tropankunapaqpas piñasqa kachkan, wañuchispa chinkachisqa kanankupaqmi payqa hapiykachin.

Isaías 65:12

guerrapi wañunaykichikpaq citaykichik, qonqoraykachispam kunkaykichikta kuchusunkichik. Qamkunaqa qayaptiypas manam uyariwarqankichikchu, rimapayaptiypas manam kasuwarqankichikchu; aswanqa qawachkaptiymi mana allinkunata ruwarqankichik, mana munasqay kaqkunatam akllarqankichik, nispa.

Jeremías 25:31

Kay pachapa cantonkamaraqmi qapariynin uyarikunqa, Tayta Diosmi nacionkunata juicioman qayanqa; llapallan runakunamantam cuentata mañanqa, mana allin ruwaqkunatam guerrapi wañuchinqa, Tukuy Atiyniyuq Tayta Diosmi chaynata nin.

Jeremías 25:33

Chay punchawpi Tayta Diospa wañuchisqankunam kay pachapa cantonmanta huknin cantonkama wischurayanqaku, paykunamantaqa manam pipas aya takita takinqakuchu, ayankutapas manam pipas hoqarinqakuchu nitaqmi pampanqakuchu, paykunaqa hatun ispay hinam pampapi wischurayanqaku.

Jeremías 45:5

¿Chaychu qamñataq admirakuypaq kaqkunataraq maskachkanki? Ama maskayñachu. Llapallan runakunamanmi sasachakuykunata kacharimusaq. Qanmi ichaqa maymanña rispaykipas kawsankiraq. Ñoqa tayta Diosmi chaynata nini.

Jeremías 46:15

¿Imanasqataq Apis sutiyuq toroyki lluptirun? ¿Imanasqataq mana sayayta atirqachu? Ñoqa Tayta Diosmi paytaqa tuñirachini.

Ezequiel 28:18

Qamqa mana allin negocio ruwasqaykiwanmi llumpa-llumpayta huchallikururqanki, chaynata ruwaspam temploykitapas millakuypaqta ruwarurqanki. Chayraykum chawpikimanta ninata ratarirachispay kañarurqayki, kunanqa llapallan runa qawasunaykipaqmi uchpaman tikrasqaña kachkanki.

Ezequiel 38:17

Ñoqa Tayta Diosmi kaynata nini: Ñawpaq tiempokunapi serviqniy profetaykunatakama rimaspayqa qanmantam rimarqani, paykunaqa Israelpa profetankunam karqaku, paykunam ñawpaqta Israelpa contranpi qamta pusamunaymanta unay watakuna profetizarqaku.

Ezequiel 5:15

Llumpay piñakuyniywan chaynataq rabiakuyniywan hinaspa hatunmanta qaqchaspay castigaptiymi, burlakuspa asipayasqa kanki; qamta imam ruwasqayta qawaspankum muyuriqnikipi nacionkunapas manchakuwayta yachan-qaku. Ñoqa Tayta Diosmi chaynata nini.

Joel 3:2

Llapallan nacionkunatam Josafat qechwaman huñurusaq. Chaypim paykunata juzgasaq llaqtayta tukuy ima ruwasqankumanta. Paykunam Israel llaqtayta huklaw nacionkunaman cheqerachirqaku, hinaspankum allpaytapas partenakururqaku.

Amós 7:4

Kaytawanmi Tayta Dios qawachiwarqa: Ninawanmi llaqtata Tayta Dios castigarqa; hinaptinmi lamar qochata chay nina chakirachispan kay pachatapas partenta ruparurqa.

Nahúm 3:15

Chaypim qamtaqa nina rupasunki, chaypitaqmi espadapas wañuchisunki, aqaruwayta hinam pasaypaqta chinkachisunki. Aqaruway hinayá miray, chilliku hinayá miray.

Nahúm 3:3

Sillada tropakunam kallpachkan, espadakunawan lanzakunam llipityachkan, waranqantin-waranqantinmi tuksisqa kuchusqa, wañuqkunapas manaña yupay atinam, runakunam kallpasqankupi chaykunawan urmachkanku.

Zacarías 14:5

Qamkunañataqmi chay hatu-hatun wayqoman ayqenkichik, chay wayqom chayanqa Azal lawkama. Ayqenkichikqa Judá nacionpi rey Uzías munaychakuchkaptin terremoto pasaptin ayqesqaykichikpi hinam. Hinaptinmi Señorniy Tayta Diosqa llapa salvasqankunapiwan hamunqa.