Isaías 66:13 - CHUYA QELLQA La Biblia en Quechua de Ayacucho 2012

¹³ Imaynam wawanta maman consuelan chaynatam qamkunata consuelasqaykichik, Jerusalén llaqtapim consuelota tarinkichik.

Quechua Ayacucho Bible 1987

¹³ Imaynallam maman consuelan wawanta chaynatam consuelasqaykichik qamkunata. Jerusalen llaqtapim consuelasqaykichik qamkunata.

Chuya Qellqa 1992

¹³ Imaynam wawanta maman consuelan chaynatam qamkunata consuelasqaykichik, Jerusalén llaqtapim consuelota tarinkichik.

Isaías 66:13 Iomraidhean Croise

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 40:1

Yupaychasqaykichik Tayta Diosmi kaynata nin: Llaqtayta consuelaychik, runaykunata kallpanchaychik.

Isaías 40:2

Jerusalenpi runaykunata kuyakuywan rimapayaychik, huchankuta Tayta Dios pampachasqantaña, huchankurayku criado kaspa ñakariyninku tukurusqantaña, qaparispa paykunaman willaychik.

Isaías 49:13

¡Cielokuna, kusikuymanta qapariychik! ¡Allpa pacha, anchata kusikuy! ¡Orqokuna, kusikuymanta takiychik! Tayta Diosmi llaqtanta consuelaykun, ñakariypi kachkaptinkum kuyapayariykun.

Isaías 51:12

Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 66:10

Jerusalén llaqtawan kusikuychik, kuyaqninkuna payrayku llapallaykichik kusikuychik; Jerusalenrayku waqaqkuna kusikunaykichikpaq payman kuskanchakuychik,

2~Corintios 1:3

Señor Jesucristopa Taytan Dios-ninchikyá qapaqchasqa kachun, payqa llakipayakuq Taytam hinaspa sonqo tiyachiq Diosmi.

2~Corintios 1:4

Paymi tukuy sasachakuyninchikpi kallpanchawanchik, chaynapi ñoqanchikpas sasachakuypi kaqkunata Diospa kallpanchawasqanchikman hina kallpanchananchikpaq.

1~Tesalonicenses 2:7

Munaspaykuqa kamachikikumanmi karqa Cristopa apostolnin kasqaykurayku. Ichaqa qamkunawanmi llampu sonqolla karqaniku. Ñoqaykuqa wawankuna uywachkaq mama hinam karqaniku.