Isaías 66:10 - CHUYA QELLQA La Biblia en Quechua de Ayacucho 2012

¹⁰ Jerusalén llaqtawan kusikuychik, kuyaqninkuna payrayku llapallaykichik kusikuychik; Jerusalenrayku waqaqkuna kusikunaykichikpaq payman kuskanchakuychik,

Quechua Ayacucho Bible 1987

¹⁰ Jerusalen llaqtawan kusikuychik, llapallan kuyaqninkuna payrayku kusikuychik. Kusikuyninmanyá hukllawakuychik. Payraykuyá llapallan waqaqkuna kusikuychik.

Chuya Qellqa 1992

¹⁰ Jerusalén llaqtawan kusikuychik, kuyaqninkuna payrayku llapallaykichik kusikuychik; Jerusalenrayku waqaqkuna kusikunaykichikpaq payman kuskanchakuychik,

Isaías 66:10 Iomraidhean Croise

Isaías 25:9

Chay punchawpim ninqaku: ¡Qawariychik, paymi Diosninchikqa! payllapi hapipakusqanchikraykum salvaykuwanchik, chaynaqa, salvawasqanchikraykuyá anchata kusikusun, nispanku.

Isaías 35:2

Sumaqta waytaspam kusikunqa, kusikuymantam qaparinqa; kuyayllapaq kayninmantam hatunchasqa kanqa, Líbano montepas, Carmelo orqopas, Sarón pampapa hatunchasqa kasqanta hina; chaypim paykuna, Tayta Diospa atiyniyuq kayninta rikunqaku.

Isaías 44:23

Tayta Diospa tukuy kaykuna ruwasqanmanta, hanaq pacha kusikuymanta takiy; uku pacha qapariy; orqokuna kusikuymanta qapariychik, chaypi kaq sachakunapas kusikuymanta takiychik. Jacobpa miraynin Israel llaqtata Tayta Dios reclamasqanmanta chaynata ruwaychik. Israel llaqtanpim payqa hatunchakun.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 65:18

Aswanqa unanchasqaykunawanmi wiñaypaq kusikunkichik, Jerusalenmanwan runankunaman kusikuyta apamusqayraykum wiñaypaq kusikunkichik.

Isaías 9:3

Runakunata mirachispaykim kusikuywan sonqonkuta huntaykunki. Chayraykum cosecha tiempopi hinaraq, guerrapi ganakamusqankuta rakinakuqkuna hinaraq qampa qayllaykipi kusikunqaku.

Ezequiel 9:4

hinaspanmi nirqa: Jerusalén llaqtapa chawpinkunata muyurimuy hinaspa llaqtapi millakuypaq kaqkuna ruwasqankuta qawaspa llakikuymanta waqaqkunapa urkunpi huk señalta churamuy, nispa.

Deuteronomio 32:43

Llapa nacionkuna, Diospa llaqtanwan kusikuychik, Tayta Diosmi serviqninkunapa wañusqanmanta vengakunqa, enemigonkunatam castiganqa. Allpantam chuyanchanqa, runankunatam pampachanqa, nispa.