Isaías 64:2 - CHUYA QELLQA La Biblia en Quechua de Ayacucho 2012

² amalaya kichkakunata ruparuq nina hinaraq, yakuta timpuchiq nina hinaraq, hinaptinqa enemigoykikunachá sutikita reqsinmanku, nacionkunapas qayllaykipichá katkatatanmanku.

Quechua Ayacucho Bible 1987

² chaynapi kichkakunapi ratariruspa yaku timpuchiq nina hina kanaykipaq, chaynapitaq enemigoykikunapas sutikita reqsinanpaq hinaspa nacionkuna qayllaykipi katkatatananpaq.

Chuya Qellqa 1992

² amalaya kichkakunata ruparuq nina hinaraq, yakuta timpuchiq nina hinaraq, hinaptinqa enemigoykikunachá sutikita reqsinmanku, nacionkunapas qayllaykipichá katkatatanmanku.

Isaías 64:2 Iomraidhean Croise

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Isaías 28:21

Tayta Diosmi Perazim orqopi hina hatarirunqa, Gabaón qechwapi piñakusqanta hinam piñakunqa, chaynapi mana haykapipas rikusqanku ruwayninta ruwananpaq, chaynapi mana haypay atina ruwayninta ruwananpaq.

Isaías 37:20

Kunanyá Dios Taytallayku, qamlla Dios kasqaykita kay pachapi llapallan nacionkuna reqsinankupaq rey Senaqueribpa makinmanta libraykuwayku, nispa.

Isaías 63:12

¿Maypitaq kachkan Moisesta yanapananpaq admirakuypaq atiyninta kachamuqqa? ¿Maypitaq kachkan llaqtanpa qayllanpi lamar qochata kichariqqa? ¿Maypitaq kachkan wiñaypaq reqsisqa kananpaq chaykunata ruwaqqa?

Jeremías 33:9

Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Jeremías 5:22

Ñoqa Tayta Diosmi kaynata nini: ¿Manachu ñoqata manchakuwankichik? ¿Manachu qayllaypi katkatatankichik? Lamar qochapa patantam linderonpaq churarqani, chayta lamar qocha mana pasananpaq. Olankunapas mancharikuypaqta qaparispa hoqarikuchkaspapas manam pasayta atinmanchu.

Amós 4:12

Chaynatam Israel qamkunawanpas ruwasaq, qamkunawan chaynata ruwanay kachkaptinqa, Diosnikichikwan tupanaykichikpaq allichakuychik.

Miqueas 1:4

Ninapi chulluchisqa vela hinam orqokunapas chakinpa ukunpi chullurunqa. Achka yakupa wayqorusqan hinam qechwakunapas rakinakunqa.

Zacarías 14:4

Chay punchawpim Tayta Dios, Jerusalenpa chimpan intipa qespimunan law Olivos moqopi sarupakuykunqa. Hinaptinmi Olivos moqo intipa qespimunan lawmanta intipa seqaykunan lawman kicharikuptin hatu-hatun wayqo rikurinqa. Huknin partenmi norte lawman asurinqa, hukninñataqmi sur lawman.

Deuteronomio 2:25

Kunanmantapunim kay pachapi runakunata mancharichiyta qallarisaq. Qamkunamanta rimaqta uyarispankum mancharikuymanta katkatataspa qewipakunqaku”, nispa.