Isaías 64:1 - CHUYA QELLQA La Biblia en Quechua de Ayacucho 2012

¹ Amalaya cielokunata llikispa uraykamuptiki, orqokunapas qayllaykipi katkatataspa chullurinmanraq,

Quechua Ayacucho Bible 1987

¹ Amalaya tela llikichkaq hina cielokunata kicharimuwaq. Amalaya lloqsimuchkaq hina kay pachaman uraykamuwaq. Amalaya orqokunapas qayllaykipi katkatatananpaq uraykamuwaq,

Chuya Qellqa 1992

¹ Amalaya cielokunata llikispa uraykamuptiki, orqokunapas qayllaykipi katkatataspa chullurinmanraq,

Isaías 64:1 Iomraidhean Croise

Éxodo 19:11

hinaspa mincha punchawpaq allichakuchunku; mincha punchawtam Sinaí orqopa hawanman, llapallan runakuna qawachkaptin ñoqa Tayta Dios uraykamusaq.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Isaías 41:15

Musoq trillanamanmi tikrayki, kirusapa trillanatam ruwayki, orqokunatam pasaypaqta kutanki, moqokunatapas qopata hinam rikurichinki.

Isaías 63:15

Dios Taytalláy, hanaq pacha suma-sumaq chuya wasikimanta qawarimuy. ¿Maypitaq kachkan atiynikiwan kuyakuynikiqa? ¿Maypitaq kachkan allin sonqo kaynikiqa? ¿Llakipayakuynikichu ñoqaykupaq tukurun?

Isaías 63:19

Qampa mana haykapipas munaychakusqayki hinam kachkaniku, manaña haykapipas sutikiwan sutichasqa hinam kachkaniku.

Amós 9:13

Tayta Diosmi kaynata nin: Ha-muchkanmi tiempo yapuqpas rutuqta haypananpaq, uvasta tarpuqpas uvas saruqta haypananpaq; orqokunawan moqokunapas vinotam weqeri-munqaku.

Amós 9:5

Tukuy Atiyniyuq Tayta Dios llapchaykuptinmi kay pacha chullurin, chaypi yachaqkunam lliw waqanku; chulluspanmi mayu hinaraq timpurin, Egiptopi mayu hinaraqmi yawyarinpas.

Zacarías 14:4

Chay punchawpim Tayta Dios, Jerusalenpa chimpan intipa qespimunan law Olivos moqopi sarupakuykunqa. Hinaptinmi Olivos moqo intipa qespimunan lawmanta intipa seqaykunan lawman kicharikuptin hatu-hatun wayqo rikurinqa. Huknin partenmi norte lawman asurinqa, hukninñataqmi sur lawman.

Marcos 1:10

Yakumanta lloqsimuchkaspanmi Jesusqa qonqayta rikururqa hanaq pacha kicharikuchkaqta hinaspa Diospa Espiritun paloma hina payman uraykamuchkaqta.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.