Isaías 61:8 - CHUYA QELLQA La Biblia en Quechua de Ayacucho 2012

⁸ Ñoqa Tayta Diosqa allin ruwaytam kuyani, suwakuytawan mana allin ruwaykunatam ichaqa cheqnini. Hapipakunaykichik kasqayraykum imam kaqta pagapusqaykichik, hinaspaymi qamkunawan wiñaypaq pactota ruwasaq.

Quechua Ayacucho Bible 1987

⁸ Ñoqa Tayta Diosqa allin arreglotam kuyani. Suwakuqkunatawan mana allin ruraqkunatam cheqnini. Confiakunaykichik kaspaymi rurasqaykichikmanta pagasqaykichik. Wiñaypaq contratotam qamkunawan rurasunchik.

Chuya Qellqa 1992

⁸ Ñoqa Tayta Diosqa allin ruwaytam kuyani, suwakuytawan mana allin ruwaykunatam ichaqa cheqnini. Hapipakunaykichik kasqayraykum imam kaqta pagapusqaykichik, hinaspaymi qamkunawan wiñaypaq pactota ruwasaq.

Isaías 61:8 Iomraidhean Croise

Génesis 17:7

Pactotam qanwan ruwani chaynataq miraynikikunawanpas, qampa chaynallataq miraynikikunapaqpas wiña-wiñaypaq Diosnikichik kanaypaq.

2~Samuel 23:5

Mirayniykunapas Diospim allin hapipasqa kachkan; paymi ñoqawan wiñaypaq pactota ruwarqa, allin terminonpi hinaspa allin ruwasqata. Payqa salvaykuwaspam tukuy munasqayta ruwanqa.

Proverbios 3:6

Tukuy ima ruwasqaykipipas Tayta Diospi yuyaymanay, hinaptinqa paymi munasqanman hina kawsachisunki.

Proverbios 8:20

Allin ñannintam ñoqaqa pusani, allin kawsaynintam ñoqaqa purichini.

Isaías 28:17

Plomadawan hinam allin arreglota ruwasaq, nivelwan hinam allin kawsakuyta ruwasaq. Llullakuy amparoykichiktapas runtu param tukurunqa, pakakunaykichiktapas yakum tuyturunqa.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 5:16

Tukuy Atiyniyuq Tayta Diosmi ichaqa allin arreglo ruwasqanmanta hatunchasqa kanqa. Chuya Diosmi allinkuna ruwasqanwan chuya kasqanta reqsichikunqa.

Isaías 54:10

Orqokuna suchuruptinpas, moqokuna maymi kasqanmanta asuriptinpas, kuyakuyniymi ichaqa qanmanta mana rakikunqachu, hawka kanapaq pacto ruwasqaypas manam tukunqachu. Llakipayasuqniki Tayta Diosmi chaynata nin.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Isaías 56:1

Tayta Diosmi kaynata nin: Mana pimanpas sayapakuspa lliwpaq allinkunallata ruwaychik, munasqayman hina kawsaychik, libranay punchawmi hichpamuchkanña, allin ruwaq kasqayta qawachinay punchawmi chayamuchkanña.

Isaías 66:22

Ñoqa Tayta Diosmi nini: Imaynam musoqmanta unanchasqay hanaq pachapas chaynataq allpa pachapas wiñaypaq takyanqa, chaynam miraynikikunawan sutikipas takyanqa.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Jeremías 9:24

Pipas alabakuyta munaspaqa alabakuchun ñoqa reqsiwasqanmanta, ñoqa Tayta Dios kasqayta yachasqanmanta, kuyapayakuywan allin arreglo ruwaq kasqaymanta, kay pachapi allinkuna ruwaq kasqaymanta; chayna ruwaytam ñoqaqa munani. Ñoqa Tayta Diosmi chaynata nini.

Ezequiel 16:60

Ñoqam ichaqa warma kaptikiraq pacto ruwasqayta yuyarisaq, hinaspaymi wiñaypaq pactota qanwan ruwasaq.

Ezequiel 34:25

Ovejaykunawanmi hawkaña kawsakunankupaq huk pactota ruwasaq. Mikukuq purun animalkunata nacionninkumanta chinkarachiptiymi chunniqpipas hawkaña kawsakunqaku, montekunapipas hawkañam puñukunqaku.

Malaquías 1:13

Ninkichiktaqmi: ¡Mayna amiruypaqñam kaykunaqa! Chaynata nispam despreciawankichik. Hinaspam suwasqa animalkunata, wistu animalkunata, onqosqa animalkunata apamuwaspa kusikusqaytaraq piensankichik. Chaynaqa, ¿yaqachum chaykunata chaskisqaykichik? Tayta Diosmi chaynata nin.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

2~Tesalonicenses 3:5

Señoryá sonqoykichikta yanapachun, chaynapi Diospa kuyakuynintawan Cristopa pa-ciencianta haypanaykichikpaq.