Isaías 61:3 - CHUYA QELLQA La Biblia en Quechua de Ayacucho 2012

³ Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Quechua Ayacucho Bible 1987

³ chaynataq Sion Moqopi llakisqakunata kusichinaypaq, chaynataq umankupi kaq uchpapa rantinpi suma-sumaq coronataña qonaypaq, chaynataq llakisqa kasqankupa rantinpi kusikunanku aceitewanña tallinaypaq, chaynataq hukmanyasqa kaqkunatapas alabanapaq pachawan pachachinaypaq. Paykunataqa: “Allinkuna Ruruq Encina Sachakuna” nispam sutichanqaku. Paykunataqa: “Tayta Diospa Sumaq Kayninta Qawachinankupaq Plantasqakuna” nispam sutichanqaku.

Chuya Qellqa 1992

³ Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Isaías 61:3 Iomraidhean Croise

Ester 8:15

Mardoqueoñataqmi reypa qayllanmanta lloqsirqa reypa yuraqniyuq azul pachanwan pachasqa, umanpipas qorimanta hatun coronayuq hinaspa linomanta morado capayuq; chaymi Susa llaqtapi yachaqkuna kusikuymanta qaparirqaku.

Ester 9:22

chay punchawkunapi judiokuna enemigonkumanta librasqa kasqankuta, llakinkupas kusikuymanña tikrakusqanta, waqayninkupas kusikuy punchawmanña tikrakusqanta yuyari-nankupaq; hinaspa convidota chay punchawkunapi ruwaspanku vecinon-kuman mikuyta apachispanku wakchakunamanpas regalokunata qonankupaq.

Eclesiastés 9:8

Tukuy tiempoyá yuraq pachawan pachakuy, umaykimanpas perfumewanyá tukuy tiempo tallikuy.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 26:2

Punkuta kichaychik, allin ruwaq runakuna yaykunanpaq, Tayta Diospi hapipakuq nación pasananpaq.

Isaías 44:23

Tayta Diospa tukuy kaykuna ruwasqanmanta, hanaq pacha kusikuymanta takiy; uku pacha qapariy; orqokuna kusikuymanta qapariychik, chaypi kaq sachakunapas kusikuymanta takiychik. Jacobpa miraynin Israel llaqtata Tayta Dios reclamasqanmanta chaynata ruwaychik. Israel llaqtanpim payqa hatunchakun.

Isaías 46:13

Allin ruwayniykunam chayamuchkanña, manam unamunqañachu. Sionpi yachaqkunatam salvasaq, Israel runaykunapim hatunchakusaq.

Isaías 52:1

¡Sión llaqta rikchariy! ¡Atiywan pachakuy! ¡Chuyanchasqa Jerusalén llaqta, suma-sumaq pachaykiwan churakuy! Manañam haykapipas mana iñiq huchasapa runakunaqa yaykumusunkiñachu.

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Jeremías 31:13

Sipaskunam kusikuymanta tusunqaku, Jovenkunawan machuchakunam kusikunqaku. Waqayninkutapas kusikuymanñam tikrasaq, consuelaspaymi nanayninkutapas kusikuymanña tikrasaq.

Ezequiel 34:29

Ancha ruruq allpata paykunaman qoykuptiymi yarqaymantaqa manaña ñakarinqakuñachu, nitaqmi huklaw nacionkunapas paykunataqa asipayanqakuñachu.

Ezequiel 47:7

Kutimuchkaspaymi mayupa kaylaw-waklaw chimpanpi achkallaña sachakunata rikurqani.

Zacarías 3:5

Chaymantam yanapaqninkunata kamachirqa: Josueypa umanta limpio uma wankikuna telawan wankiychik, nispa. Hinaptinmi Josueypa umanta wankiy-kuspanku suma-sumaq pachakunawan pachaykachirqaku. Tayta Diospa angelninñataqmi hina chaypi sayarqa.

Mateo 15:13

Payñataqmi nirqa: Hanaq pacha Taytaypa mana tarpusqan plantaqa sapinmanta chutasqam kanqa.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Lucas 15:22

Taytanñataqmi serviqninkunata kamachirqa: “Allinnin pachawan chaylla pachachiychik, dedonmanpas anillota churaspa usutaykachiychik.

Juan 15:8

Taytaqa hatunchasqa kanqa achkata ruruptikichikmi, chaynapim qamkunaqa cheqap discipuloykuna kankichik.

Juan 16:20

Cheqaptapunim nikichik, qamkunam waqaspa llakikunkichik, hinaptinmi runakunañataq kusikunqaku. Ichaqa qamkuna llakipi kaptikichikpas, chay llakikuynikichikmi kusikuyman tikrasqa kanqa.

1~Corintios 3:9

Ñoqaykuqa Diospa llamkapakuqninmi kaniku, qamkunañataqmi kankichik Diospa llamkasqan chakra hinaspa Diospa ruwasqan wasi.

1~Corintios 6:20

Diosmi preciowan rantisurqankichik, chaynaqa cuerpoykichikwanyá Diosta hatunchaychik.

Filipenses 1:11

Jesu-cristom yanapasuchkankichik allin ruruchkaq sacha hina allinkunata rurunaykichikpaq, chaynapi Diosta yupaychaspa hatunchanaykichikpaq.

2~Tesalonicenses 1:10

Chay punchawmi Señor kutimunqa chuya llaqtanpa alabasqan chaynataq iñiqkunapa admirasqan kananpaq. Chaypim qamkunapas kankichik allin noticia willasqaykupi iñisqaykichikrayku.

Hebreos 1:9

Qamqa allin kaqtam kuyarqanki, mana allin kaqtañataqmi cheqnirqanki, chayraykum Diospas akllasurqanki, qampa Diosnikim akllasurqanki, wakinmantapas qam kaqtaraqmi akllasurqanki, miski asnaq aceitewan tallichkaq hinam kusikuywan huntaykusurqanki, nispa.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

1~Pedro 4:14

Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.