Isaías 61:11 - CHUYA QELLQA La Biblia en Quechua de Ayacucho 2012

¹¹ Imaynam muhukuna allpamanta wiñan, imaynam plantakuna huertapi ikllimuspa wiñan, chaynatam Tayta Diospas allin ruwaykunata wiñachinqa, hinaptinmi lliw nacionkuna Tayta Diosta yupaychanqaku.

Quechua Ayacucho Bible 1987

¹¹ Imaynam plantachakuna allpamanta wiñan, imaynam muhupas huertapi wiñan, chaynatam Tayta Dios allin ruraykunata wiñachinqa. Chaynatam lliw nacionkunawan Tayta Dios alabachikunqa.

Chuya Qellqa 1992

¹¹ Imaynam muhukuna allpamanta wiñan, imaynam plantakuna huertapi ikllimuspa wiñan, chaynatam Tayta Diospas allin ruwaykunata wiñachinqa, hinaptinmi lliw nacionkuna Tayta Diosta yupaychanqaku.

Isaías 61:11 Iomraidhean Croise

Génesis 1:11

Dios nirqa: Allpamanta tukuy rikchaq plantakuna wiñamuchun: Qorakuna, tukuy rikchaq sachakuna, rurunpitaq murun kachun; sapakama muhunman chaynataq murunman hina, nispa. Hinaptinmi chayna karqa.

Cantares 4:16

Hanay lawmanta pukumuq wayra ¡hatariy! Uray lawmanta pukumuq wayra, ¡kallpamuy! Miskillaña asnaynikichikta huertaypi pukuriychik. Kuyakusqalláy, huertaykimanyá hamukuy, miskillaña rurunkunatayá mikuykuy.

Isaías 4:2

Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Isaías 45:23

Kikiyraykum juraspay cheqap kaqta rimarqani, cumplikunanpaq kaqtam rimarqani: “Ñawpaqniypim llapallan runakuna qonqorakunqaku, sutiypim paykunaqa juranqaku”.

Isaías 45:24

Ñoqamantam ninqaku: “Cheqaptapunipas Tayta Diosllapim tarikun munaychakuypas kallpanchakuypas”, nispanku. Llapallan cheqniqniy runakunam ñoqaman hamunqaku, hinaspam penqaypi tarikunqaku.

Isaías 45:8

Tayta Diosyá allin ruwayta hanaq pachamanta chayachimuchun, allin ruwaytayá sullata hinaraq hanaq pachamanta uraykachimuchun, puyukunamantayá parata hina chayachimuchun, allin ruwayá kay pachapi kachun, Tayta Diosyá salvacionta chayachimuchun.

Isaías 46:13

Allin ruwayniykunam chayamuchkanña, manam unamunqañachu. Sionpi yachaqkunatam salvasaq, Israel runaykunapim hatunchakusaq.

Isaías 48:18

Sichum kamachikuyniykunata uyariptikiqa, hawkayaynikipas mayu hinaraqmi kanman karqa, allin ruwaynikipas lamar qochapa olankuna hinaraqmi kanman karqa.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Isaías 60:18

Allpaykipiqa wañuchinakuypas manam uyarikunqañachu, tuñichinakuywan purmachinakuypas manam kanqañachu. Murallaykikunatam “Libraqniy” nispa sutichanki, punkuykikunatam “Yupaychana” nispa sutichanki.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 62:1

Sión llaqtata kuyasqayraykum mana upallasaqchu, Jerusalenta kuyasqayraykum mana samaykusaqchu, tutapay inti hina allin ruwaykuna kancharinankama, ratachkaq mechero hina salvasqa kayniki achkrinankama.

Isaías 62:2

Nacionkunam allin ruwaq kasqaykita qawanqaku, llapa reykunapas reqsisqa kasqaykitam rikunqaku; Tayta Diospa musoq suti qosusqaykiwan sutichasqam kanki.

Isaías 62:7

Jerusalén llaqtata hatarichinankamayá Tayta Diostaqa ama samaykachiychikchu; Jerusalén llaqta tukuy kay pachapi alabasqa kanankamayá ama saqeychikchu”, nispa.

Mateo 13:23

Allin allpaman wichiq muhuñataqmi rikchakun palabrata uyarispan entiendeq runaman. Chaymi huk muhullamanta rurun pachakta, soqta chunkata hinaspa kimsa chunkata, nispa.

Mateo 13:3

Jesusmi tukuy imamanta rikchanachiykunawan yachachispan kaynata nirqa: Huk runam tarpukuq lloqsirqa.

Mateo 13:8

Wakinñataqmi allin allpaman wichisqanrayku wiñaruspan huk muhullamanta pachakta, soqta chunkata hinaspa kimsa chunkata rururqa.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.