Isaías 60:9 - CHUYA QELLQA La Biblia en Quechua de Ayacucho 2012

⁹ Lamar qochapa patanpi nacionkunam ñoqapi hapipakuspa hamuchkanku, Tarsis lawmanta barcokunam ñawpamuchkanku, miraynikikunata karumanta apamuspam hamuchkanku, qori-qollqenkutawan kuskatam apamuchkanku. Ñoqa Tayta Diosta yupaychaqmi hamuchkanku, reqsisqataña ruwasuqniki Israelpa Chuya Diosninraykum hamuchkanku.

Quechua Ayacucho Bible 1987

⁹ Lamar qochapa patanpi nacionkunam suyawachkanku hamunankupaq. Tarsis lawmanta buquekunam puntamuchkan chayamunanpaq. Karumanta churikikunata apamunanpaqmi hamuchkan. Qori-qollqenkutawan kuskata apamunanpaqmi hamuchkan. Hamuchkankuqa yupaychasqayki ñoqa Tayta Diosta adorawanankuraykum. Hamuchkankuqa qamkunata Israelpa Chuya Diosnin reqsisqataña rurasqayraykum.

Chuya Qellqa 1992

⁹ Lamar qochapa patanpi nacionkunam ñoqapi hapipakuspa hamuchkanku, Tarsis lawmanta barcokunam ñawpamuchkanku, miraynikikunata karumanta apamuspam hamuchkanku, qori-qollqenkutawan kuskatam apamuchkanku. Ñoqa Tayta Diosta yupaychaqmi hamuchkanku, reqsisqataña ruwasuqniki Israelpa Chuya Diosninraykum hamuchkanku.

Isaías 60:9 Iomraidhean Croise

Génesis 9:27

Diospa hatunchasqan Jafet kachun, Sempa carpankunapiyá yachakuchun, Canaanñataqyá Jafetpa esclavon kachun, nispa.

1~Reyes 10:1

Tayta Diospa yachay qosqanwan Salomón ancha reqsisqa kasqanta uyariruspanmi Sabá nacionpa reinan ancha sasa tapukuykunawan pruebananpaq hamurqa.

1~Reyes 10:22

Rey Salomonpa barconkunawan rey Hirampa barconkunam sapa kimsa watamanta qorita, qollqeta, marfilta, monokunata hinaspa pavo realkunata Tarsis lawmanta apamuqku.

1~Reyes 22:48

Josafatmi barcokunata ruwarqa Tarsis lawpi barcokunata hina, chaykunam Ofir lawman qorita apamunankupaq rirqaku, ichaqa Ezión-geber llaqtapa hichpanpim pakipakururqaku.

1~Reyes 8:41

Sichum huklaw llaqtayuqkunapas, mana Israelpa miraynin kachkaspanku, sutikirayku hamuspa

Éxodo 33:19

Chaymi Tayta Dios nirqa: “Lliw kuyakuyniytawan allin kayniytam qawachisqayki, ñawpaqnikipim sutiyta rimasaq. Ñoqaqa kuyapayay munasqaytam kuyapayasaq, hinaspam llakipayay munasqayta llakipayasaq.

Proverbios 18:20

Runaqa siminpa ruruntam mikunqa, siminmanta lloqsiqwanmi saksanqa.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 2:16

Tarsis lawpi barcokuna hinaña kaptinkupas, sumaq kuyayllapaq barcokuna hinaña kaptinkupas.

Isaías 24:15

Chayraykuyá intipa qespimunan lawpi kaqkunapas Tayta Diosta hatunchaychik, lamar qocha patanpi kaqkunapas, Israelpa yupaychasqan Tayta Diospa sutinmantam rimarinku.

Isaías 42:10

Tukuy hinastinpi kaqkuna, lamar qochanta illaqkuna, lamar qochapi kawsaqkuna, lamar qochapa patanpi lliw nacionkuna, Tayta Diospaq musoq takita takiychik.

Isaías 42:4

Payqa manam pisipanqachu, nitaqmi hukmanyanqachu, nacionkunapi allin arreglota ruwanankama. Lamar qochapa patanpi nacionkunapas yachachikuynintam suyanqaku.

Isaías 43:4

Qamtaqa allinpaqmi qawayki ancha kuyasqaymi kanki, rantikipim runakunata pagarqani, vidaykiraykum nacionkunata qoykurqani.

Isaías 43:6

Norte lawtam kamachisaq “paykunata kutichimuy”, nispa; sur lawtam kamachisaq “ama paykunata harkamuychu”, nispa; qaritapas warmitapas churiykunata tukuy hinastinmanta pusamuy, nispa.

Isaías 46:13

Allin ruwayniykunam chayamuchkanña, manam unamunqañachu. Sionpi yachaqkunatam salvasaq, Israel runaykunapim hatunchakusaq.

Isaías 49:1

Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Isaías 49:22

Tayta Diosmi kaynata nin: Makiywan señaschaspam nacionkunata qayasaq, banderata hoqarispam llaqtakunata qayasaq, hinaptinmi qari churikikunata marqaypi apamunqaku, warmi churikikunatapas hombropim apamunqaku.

Isaías 51:5

Allin ruwanay punchawmi hichpamuchkanña, salvanay punchawmi chayamuchkanña, atiyniywanmi llaqtakunapi munaychakusaq. Lamar qochapa patanpi llaqtakunam ñoqamanta suyanqaku, atiyniypim hapipakunqaku.

Isaías 55:5

Qamqa mana reqsisqayki runakunatam qayanki, mana reqsisuqniki runakunam qanman kallpamusunki; chaynataqa ruwanqaku ñoqa Diosniki, Israelpa Chuya Diosnin, qamta hatunchasqayraykum.

Isaías 57:17

Engañaspa mana allinkunata ruwasqanraykum piñakuspay Israelta ñakarichirqani, piñakuyniypim paymanta pakakurqani; aswanqa paymi mana kasukuq rikurirurqa, munasqallan ruwaymanmi qokururqa.

Isaías 60:4

Muyuriqnikita qawariy: Llapallankum huñunakuruspa qanman hamuchkanku, qari churikikunam karukunamantaraq hamuchkanku, warmi churikikunatam marqaypi apamuchkanku.

Isaías 60:6

Madián lawmantawan Efa lawmantam achkallaña camellokuna huntaykamusunki. Sabá lawmantapas qoritawan inciensotam apamusunki, Tayta Diostam tukuy ruwasqankunamanta hatunchanqaku.

Isaías 66:12

Ñoqa Tayta Diosmi nini: Hawkayaytam mayuta hina Jerusalenman kacharimusaq, nacionkunapa tukuy ima kapuqnintam lloqllata hina chayachimusaq. Paymi qamkunata mikuchisunkichik, marqayninpi apakachasqam kankichik, wawanta moqonpi tusuchichkaq mama hinam kuyasunkichik.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Jeremías 30:19

Chaypi yachaqkunam graciasta qowanqaku, takispankum kusikuymanta qaparinqaku. Mirachiptiymi paykunaqa achkallaña kanqaku, ancha reqsisqata ruwaptiymi manaña pipas uchuychasunkichikñachu.

Ezequiel 39:7

Israel llaqtaypim chuya sutiyta reqsichisaq, manañam saqesaqchu chuya sutiy penqayman churasqa kanantaqa. Chaynapim llapa nacionkunapas Israelpa chuya Diosnin kasqayta yachanqaku.

Miqueas 4:13

Sión llaqta, hatarispayki trillay, waqraykikunatapas fierromantam ruwasaq, silluykikunatapas broncemantam ruwasaq, achkallaña nacionkunamanta qechusqaykikunatapas Tayta Diospaqñam sapaqchanki, kay pachapi munaychakuq Señormanmi ofrecenki.

Miqueas 7:12

Chay punchawmi kallpasapa atiyniyuq nacionkuna hamusunki: Asiriamanta qallaykuspa Egiptokama, Nilo mayumanta Eufrates mayukama, lamar qochapa patankunamanta, chaynallataq orqokunamantapas.

Sofonías 2:11

Tayta Diosmi paykunapa contranpi manchakuypaqta hatarinqa, kay pachapi llapallan idolokunatam chinkarachinqa, hinaspanmi tukuy hinastinpi payllaña yupaychasqa kanqa, lamar qochapa chawpinpi llaqtakunapas paytam yupaychanqaku.

Zacarías 14:14

Judapas Jerusalenpim peleanqa, hinaspam muyuriqninpi kaq nacionkunapa tukuy imankunatapas chaynataq qorintawan qollqenkutapas qechunqa.

Lucas 2:32

Paymi llapa nacionkunapaq achkiy kanqa, llaqtayki Israelpaqñataqmi hatunchakunan kanqa, nispa.

Juan 17:26

Yachachirqanim pim kasqaykita, chaywanpas hinallaraqmi yachachisaq, chaynapi kuyawasqaykiman hina paykunapas kuyanakunankupaq chaynataq ñoqapas paykunapi kanaypaq, nispa.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Gálatas 3:26

Jesucristoman iñikuspaqa llapallaykichikmi Diospa churinña kankichik.

Gálatas 4:26

Aswanqa hanaq pachamanta kaq Jerusalenqa librem, chaymi ñoqanchikpa mamanchik.

Josué 9:9

Paykunañataqmi nirqaku: Kay serviqnikikunaqa karu llaqtamantaraqmi hamuchkaniku, Diosnikichikpa tukuy ima ruwasqantam yacharurqaniku. Uyarirqanikum Egipto nacionpi tukuy ima ruwasqankunatawan,