Isaías 60:4 - CHUYA QELLQA La Biblia en Quechua de Ayacucho 2012

⁴ Muyuriqnikita qawariy: Llapallankum huñunakuruspa qanman hamuchkanku, qari churikikunam karukunamantaraq hamuchkanku, warmi churikikunatam marqaypi apamuchkanku.

Quechua Ayacucho Bible 1987

⁴ Qamqa muyuriqnikitayá qawariy. Llapallanku huñunasqa qanman hamuqtayá qawariy. Karukunamantam qari churikikuna hamusuchkanki. Warmi churikikunatam marqayninkupi apamusuchkanki.

Chuya Qellqa 1992

⁴ Muyuriqnikita qawariy: Llapallankum huñunakuruspa qanman hamuchkanku, qari churikikunam karukunamantaraq hamuchkanku, warmi churikikunatam marqaypi apamuchkanku.

Isaías 60:4 Iomraidhean Croise

Isaías 11:12

Banderatam nacionkunapaq sayachinqa, huklaw nacionkunaman apasqa kasqankumantam Israel runakunata huñumunqa. Judá nacionmanta cheqechisqakunatam lliw kay allpa pachapa patanmanta huñumunqa.

Isaías 14:2

Achka nacionkunam Israelpa mirayninkunata chaskispanku nacionninkuman riysinqaku. Israelpa mirayninkunañataqmi chay runakunata warmitapas qaritapas criadonkupaqña hapikuykunqaku, chaynaqa kanqaku Tayta Diospa qosqan allpapim. Presochaqninkutam preso-chanqaku, ñakarichiqninkunapim mu-naychakunqaku.

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 43:6

Norte lawtam kamachisaq “paykunata kutichimuy”, nispa; sur lawtam kamachisaq “ama paykunata harkamuychu”, nispa; qaritapas warmitapas churiykunata tukuy hinastinmanta pusamuy, nispa.

Isaías 49:12

Qawariychik, karukunamantaraqmi hamuchkanku: Wakinmi norte lawmanta, wakinmi intipa seqaykunan lawmanta, wakinkunañataqmi Sinim lawmanta.

Isaías 49:17

Kaqllamanta hatarichisuqnikim chaylla hamuchkanku, tuñichispa purmachiqnikikunam ripunqaku.

Isaías 49:18

Muyuriqnikita qawariy, lliw huñunakuruspam qanman hamuchkanku. Ñoqa Tayta Diosmi kikiyrayku jurani, llapallanwanmi alhajawan hina llusikunki, noviapa churakunan alhajakunawan hinam churakunki.

Isaías 66:20

Hinaspam llapa nacionkunamanta llaqtamasikichikkunata pusamunqaku, caballokunapi, carretakunapi, andaskunapi, mulakunapi hinaspa camellokunapi. Paykunatam ñoqa Tayta Diospaq ofrendata hina chuyanchakusqay Jerusalén llaqtaman pusamunqaku. Paykunam kanqaku Israelpa apamusqan ofrenda hina, nispa.

Jeremías 30:10

Ñoqa Tayta Diosmi kaynata nini: Serviqniy Jacobpa mirayninkuna ama manchakuychikchu, Israelpa mirayninkuna ama hukmanyaychikchu; ñoqam preso risqaykichik karu nacionmanta qamkunatapas miraynikichikkunatapas libramusqaykichik, kutimuspaykichikmi mana pipa manchachisqan hawkaña kawsakunkichik.

Amós 9:14

Israel llaqtaytam preso risqanmanta kutichimusaq; pay-kunam tuñichisqa llaqtakunata hatarichispa chaypi yachanqaku. Uvasta tarpuspam vinotapas upyanqaku, chakrakunapi tarpuspam rurunta mikunqaku.

Miqueas 7:12

Chay punchawmi kallpasapa atiyniyuq nacionkuna hamusunki: Asiriamanta qallaykuspa Egiptokama, Nilo mayumanta Eufrates mayukama, lamar qochapa patankunamanta, chaynallataq orqokunamantapas.

Hageo 2:7

Llapa nacionkunatam katkatatachisaq; llapa nacionkunam hamunqaku qoriqollqenkuta aparikuspa, kay temploymi ancha kuyayllapaq kanqa. Tukuy imapi munaychakuq Tayta Diosmi chaynata nin.

Mateo 8:11

Nikichiktaqmi, achkaqmi tukuy hinastinmanta hamunqaku, hinaspam Diospa munaychakuyninpi Abrahamwan, Isaacwan hinaspa Jacobwan mikunankupaq tiyaykunqaku.

Juan 4:35

Qamkunam ninkichik: “Cosechapaqqa tawa killaraqmi faltachkan”, nispaykichik, ichaqa nikichikmi, tarpuykunata qawariychik, cosechanapaq hina poqosqañam kachkan.

Hechos 13:44

Huknin samana punchawtam, Diospa palabranta uyarinankupaq, llaqtapi yaqa lliw runakuna huñunakururqaku.