Isaías 60:1 - CHUYA QELLQA La Biblia en Quechua de Ayacucho 2012

¹ ¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Quechua Ayacucho Bible 1987

¹ Tayta Diosmi nin kaynata: Jerusalen llaqta, wischurayasqanmanta hatarichkaq hinayá hatariy. Kanchariyniki chayamusqanraykuyá kanchariy. Tayta Diospa kanchariynin achikyamususqaykiraykuyá kanchariy.

Chuya Qellqa 1992

¹ ¡Jerusalén llaqta, hatarispa kanchariy! achkiqnikim chayaramun, Tayta Diospa achkiyninmi kanchariykusunki.

Isaías 60:1 Iomraidhean Croise

Isaías 2:5

Jacobpa mirayninkuna hakuchik, Tayta Diospa kanchayninpiña purisunchik.

Isaías 24:23

Tukuy Atiyniyuq Tayta Dios, Sión moqopiwan Jerusalenpi munaychakuptinmi, killapas penqakunqaraq, intipas tutayanqaraq; Diospa kanchariynintam ancianonkuna rikunqaku.

Isaías 28:5

Chay punchawmi Tukuy Atiyniyuq Tayta Diosqa puchuq runankunapaq kancharichkaq coronanku hina kanqa, paykunapaqmi kuyayllapaq alhajanku kanqa.

Isaías 35:2

Sumaqta waytaspam kusikunqa, kusikuymantam qaparinqa; kuyayllapaq kayninmantam hatunchasqa kanqa, Líbano montepas, Carmelo orqopas, Sarón pampapa hatunchasqa kasqanta hina; chaypim paykuna, Tayta Diospa atiyniyuq kayninta rikunqaku.

Isaías 4:5

Tayta Diosmi unanchanqa, Sión moqopi yachaqkunapa hawanpi, chaypi huñunasqa llaqtapa hawanpi, punchawpi rupaypaq yana puyuta, tutayaypi kanchananpaqñataq lenwachkaq ninata. Chaynapim Tayta Diospa atiyninqa, llaqtanta toldo hina qataykunqa,

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 58:8

Chaynata ruwaptikiqa ruwaynikikunam achikyaq kanchay hinaraq kancharinqa, onqoynikikunamantapas chayllam sanoyanki. Allin ruwasqaykikunam ñawpaqnikita rinqa, ñoqa Tayta Diospa kanchariyniyñataqmi qepaykita hamunqa.

Isaías 62:1

Sión llaqtata kuyasqayraykum mana upallasaqchu, Jerusalenta kuyasqayraykum mana samaykusaqchu, tutapay inti hina allin ruwaykuna kancharinankama, ratachkaq mechero hina salvasqa kayniki achkrinankama.

Isaías 62:2

Nacionkunam allin ruwaq kasqaykita qawanqaku, llapa reykunapas reqsisqa kasqaykitam rikunqaku; Tayta Diospa musoq suti qosusqaykiwan sutichasqam kanki.

Isaías 66:11

paymi wawanta ñuñuchkaq mama hina saksanaykichikkama consuelasunkichik, saksanaykichikkamam ñuñunkichik, lechewan huntasqa ñuñunkunamantam kusikunkichik.

Isaías 9:2

Tutayaypi kawsaqkunam hatun achkiyta rikuykunku, llumpay tutayaypi yachaqkunamanmi achkiy kanchariykun.

Ezequiel 43:4

Tayta Diospa kanchariyninmi chay temploman intipa qespimunan law punkunta yaykumurqa.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Mateo 4:16

Tutayaypi kawsaq llaqtam hatun achkiyta rikurun, wañuypa llantuyninpi kawsaqkunatam achkiy kanchaykun!” nispa.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Lucas 2:32

Paymi llapa nacionkunapaq achkiy kanqa, llaqtayki Israelpaqñataqmi hatunchakunan kanqa, nispa.

Juan 1:9

Llapa runakunata kanchariq cheqap achkiymi kay pachaman hamurqa.

Juan 12:46

Ñoqa achkiymi kay pachaman hamurqani, chaynapi pipas ñoqapi iñiqqa manaña tutayaypi kananpaq.

Juan 3:19

Condenasqaqa kachkanku, kay pachaman achkiy hamuchkaptin, tukuy mana allinkunata ruwaspanku tutayaytaraq kuyasqankuraykum.

Juan 8:12

Huktawanmi runakunata Jesús nirqa: Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

Efesios 5:8

Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

Filipenses 2:15

chaynapim mana culpayuq hinaspa mana huchayuq kaspaykichik Diospa churin chuya sonqo kankichik millakuypaq huchallikuq runakunapa chawpinpi. Qamkunaqa tutapi kanchaq chaska hinam sutilla lliwpa reqsisqan kachkankichik.

1~Pedro 4:14

Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.

Apocalipsis 21:11

Chay llaqtaqa Diospa kanchayninwanmi achkirichkasqa, achkiriyninqa kasqa suma-sumaq jaspe alhaja rumipa achkiriynin hinaraqmi, chayqa kasqa Cristal hina rikukuqmi.

Apocalipsis 21:23

Chay llaqtaqa manam necesitanchu intipa nitaq killapa kanchaynintapas, aswanqa Diospa kanchayllanmi achkin, Corderollataqmi kanchayninpas.

Apocalipsis 22:5

Chaypiqa manañam tutapas kanqañachu, chaypi yachaqkunaqa achkitapas, intitapas manañam necesitanqakuñachu. Paykunataqa Señor Diosllañam achkinqa, hinaptinmi wiña-wiñaypaq munaychakunqaku.