Isaías 6:8 - CHUYA QELLQA La Biblia en Quechua de Ayacucho 2012

⁸ Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

Quechua Ayacucho Bible 1987

⁸ Chaymantam uyarirqani Señor Diospa kayna nisqanta: —¿Pitataq kachasaq? ¿Pitaq willakamunqa ñoqaykumanta? —nispa. Chaymi ñoqa nirqani: —Kayqaya ñoqa kaypi kachkani —nispa Chaymi ñoqa nirqani: —Ñoqatayá kachaway —nispa.

Chuya Qellqa 1992

⁸ Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

Isaías 6:8 Iomraidhean Croise

Génesis 1:26

Chaymantam Dios nirqa: Runata ruwasun ñoqanchikman rikchakuqta, ñoqanchik kaqllata; challwakunapi, alton pawaq animalkunapi, qasqonpa puriq urukunapi chaynallataq tukuy rikchaq animalkunapi munaychakunanpaq, nispa.

Génesis 11:7

Chaynaqa, uraykuspanchikyá rimayninkuta chaqwaramusun, chaynapi rimasqankuta mana entiendenakunankupaq, nispa.

Génesis 22:1

Kaykuna pasaruptinmi Abrahamta pruebaspan Dios nirqa: Abraham, nispa. Payñataqmi nirqa: Kaypim kachkani, nispa.

Génesis 22:11

Chaymi Tayta Diospa angelnin cielomanta nimurqa: ¡Abraham, Abraham! nispa. Hinaptinmi Abraham nirqa: Kaypim kachkani, nispa.

Génesis 3:22

Chaymantam Tayta Dios nirqa: Runaqa ñoqanchik hinañam rikurirun, allin kaqtapas mana allin kaqtapas yachaqña. Yanqañataq kawsay qokuq sachapa ruruntapas pallaruspa mikurunman hinaspa wiñaypaq kawsaqña rikurirunman, nispa.

2~Samuel 1:7

Qepaman qawarimuspanmi Saúl rikuramuwaspan qayamuwarqa; ñoqaña-taqmi nirqani: ¿Imanantaq? nispay.

1~Reyes 22:20

Chaymi Tayta Dios nirqa: “¿Pitaq pantarachimunman Galaad lawpi Ramot llaqtata atacamuspa chaypi Acab wañuramunanpaq?” nispa. Chaymi serviqninkunamanta huknin hukta nirqa, hukninpas huktataq.

Isaías 65:1

Tayta Diosmi kaynata nin: Mana mañakuqniykunam maskawarqaku, mana maskaqniykunam tariwarqaku. Mana qayakuqniy nacionkunatam nirqani: “Kaypim kachkani”, nispay.

Ezequiel 1:24

Puriptinkum chay raprankupa qapa-riyninta uyarirqani. Chay qapariymi kasqa hatun mayupa kallpayninpa qapariynin hina, Tukuy Atiyniyuqpa qayakuynin hina, otaq nana-nanaq tropakunapa qapariynin hina. Sayaykuptinkuqa rapran-kupas cuerponkumanmi laqakuykuq.

Ezequiel 10:5

Chay querubinkunapa rapranpa rapapapasqanmi hawa patiokamaraq uyarikurqa, uyarikurqaqa Tukuy Atiyniyuq Tayta Diospa rimaynin hinaraqmi.

Ezequiel 9:1

Chaymantam nisyuta qaparispan kaynata niwarqa: Llaqta castigaqkunam chayamuchkanña, paykunaqa tuñichinankupaqmi herramientantinkama hamuchkanku, nispa.

Hechos 20:24

Ichaqa vidaypas ñoqapaqqa manam llumpay valorniyuqchu. Aswanpas munani Señor Jesucristopa kamachiwasqanta kallpachkaq hina kusikuywan ruwaytam hinaspa Diospa kuyakuyninmanta willakunaypaq Señor Jesucristopa kamachiwasqan cumpliytam.

Hechos 22:21

Chaynata niptiymi Señorñataq niwarqa: “Qamtaqa karu llaqtapi mana judío kaqkunaman rinaykipaqmi kamachisqayki”, nispa.

Hechos 26:19

Chaynapim reynilláy Agripa, Diospa visionpi nimuwasqanta uyarispay kasukurqani,

Hechos 9:4

Chaymi Sauloñataq pampaman wichiy-kuspan kayna niq rimayta uyarirqa: ¡Saulo, Saulo! ¿Imanasqataq qatikachawanki? niqta.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

1~Samuel 3:4

Samuelta Tayta Dios qayarqa: ¡Samuel, Samuel! nispan. Samuelñataqmi, nirqa: “Kaypim kachkani”, nispan.