Isaías 6:11 - CHUYA QELLQA La Biblia en Quechua de Ayacucho 2012

¹¹ Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Quechua Ayacucho Bible 1987

¹¹ Chaymi ñoqa tapurqani kaynata: —¿Haykapikamataq chaynaqa kanqa Señor Diosllay? —nispa. Payñataqmi niwarqa: Llaqtakuna chunnichisqa mana runayoq kanankamam. Wasikunapi manaña runapas kanankamam. Chakrakunapas purmachisqa kanankamam.

Chuya Qellqa 1992

¹¹ Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Isaías 6:11 Iomraidhean Croise

Isaías 1:7

Nacionnikichikmi purmachkan, llaqtaykichikkunam ninawan rupachkan, qawasqaykichikpi hinam tarpusqaykichiktapas qayllaykichikpi huklaw runakuna mikuchkan, enemigoykichikkunapa purmachisqanraykum allpaykichikpas chunnichkan.

Isaías 13:12

Llapa runakunatam asllayarachisaq, Ofir lawpi suma-sumaq qorimantapas aswantaraqmi asllayarachisaq.

Isaías 3:26

Llaqtapi runakunam waqaspa lutokunqaku, saqesqa warmi hinam allpapi tiyanqaku.

Isaías 3:8

Jerusalén llaqtam tuñirun, Judá nacionmi purmarun; chaynaqa tarikun llapa runankuna rimayninkuwanpas ruwayninkuwanpas huchallikuspanku, Tayta Diosta piñachisqankuraykum.

Isaías 32:14

Palaciopas chunninqam, achkallaña runayuq llaqtapas chunninqam, mana yaykuy atina murallankunawan torrenkunapas wiñaypaq saqesqam kanqa; chaypiqa monte asnokunallañam kusisqa yachanqaku, uywakunallañam chaypiqa mikunqaku.

Isaías 35:1

Chunniqpi chaki allpapas llumpaytam kusikunqa, kusikuspam rosas hinaraq waytarinqa.

Isaías 5:9

Tukuy Atiyniyuq Tayta Diosmi cheqaptapuni niwarqa: “Achkallaña wasikunam tuñichisqa kanqa, hatunnin suma-sumaq wasikunam mana runayuq chunninqa.

Isaías 60:15

Saqesqa, cheqnisqa hinaspa manaña pipapas purinan kanaykimantaqa, wiñaypaq reqsisqatam ruwasqayki, miraykunapa kusikunanpaqmi wiñaypaq churasqayki.

Isaías 64:10

Akllakusqayki llaqtaykikunam chunnichkan, Sión llaqtapas chunnirunñam, Jerusalén llaqtapas purmarunñam.

Jeremías 22:6

Judá nacionpi reypa palacionmantam Tayta Dios kaynata nin: Qamqa Galaad allpa hinam ñoqapaq kanki, Líbano orqopa puntan hinam kanki; ichaqa juranim, cheqaptapunim chunnichisqayki, mana runayuq llaqtatañam ruwasqayki.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 44:2

Israelpa yupaychasqan Tukuy Atiyniyuq Tayta Diosmi nin: Jerusalén llaqtamanwan Judá nacionpi wakin llaqtakunamanpas castigo kacharisqaytaqa yachankichikmi. Chay llaqtakunaqa tuñichisqa kaspam kunanpuni manaña runayuq kachkanku.

Jeremías 52:27

Babilonia na-cionpa reynin kamachiptinmi Hamat law Ribla llaqtapi paykunata wañu-rachirqaku. Chaynatam Judá nacion-niyuq runakunata allpankumanta huklaw nacionman presota aparqaku.

Ezequiel 6:6

Maypiña yachaptikichikpas chay llaqtakunam purmachisqa kanqa, idoloykichikkunapa altarninkunapas tuñichisqam kanqa. Altarkunawan llapa idolokunapas pasaypaq chinkachisqam kanqa. Incienso kañanaykichik altarkunapas ñutusqam kanqa. Qamkunapaqqa ima ruwakusqaykichikpas chinkachisqam kanqa.

Daniel 8:13

Uyarichkaptiymi huk chuya angelñataq angelmasinta kaynata tapurqa: ¿Haykapikamataq kay qawachisqa kaqkuna kanqa? ¿Haykapikamataq Diosman sapa punchaw ofrenda qoy michakusqa kanqa? ¿Haykapikamataq kay mana kasukusqankurayku purmachisqa kaqkuna kanqa? ¿Haykapikamataq paypa makinman Diospa santuarionpas qosqa kanqa? ¿Haykapikamataq sarupasqa chay chaskakunapas kanqa? nispa.

Levítico 26:31

Llaqtaykichikkunatam purmachisaq, altarnikichikkunatam tuñichisaq, ofrendaykichikkunapa miski asnaynintapas manañam chaskisqaykichikñachu.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Miqueas 2:4

Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.

Miqueas 5:11

Llaqtaykichiktapas tuñichisaqmi, amparakunaykichik wasikunatapas purmarachisaqmi.

Miqueas 6:13

Chayraykum ñoqapas ñakarichispay huchaykirayku tuñichichkayki.

Miqueas 7:13

Runakunapa huchanmantam kay pachaqa pasaypaqta chunninqa, runakunapa mana allin ruwasqanmantam kay pachaqa pasaypaqta purmanqa.

Deuteronomio 28:62

Chaynaqa, Israelpa mirayninkuna, cielopi chaskakuna hina achkallaña kachkaspapas, aschallañam puchurunkichik, Señornikichik Tayta Diosta mana kasukusqaykichikrayku.

Deuteronomio 28:63

Imaynam Tayta Diosqa tukuy imapi bendecisuspaykichik chaynataq mirachisuspaykichik kusikurqa, chaynatam ñakarichisuspaykichikpas chaynataq wañuchisuspaykichikpas kusikunqa, chaynapim qosusqaykichik allpamanta qarqosqa kankichik.