Isaías 6:1 - CHUYA QELLQA La Biblia en Quechua de Ayacucho 2012

¹ Rey Uziaspa wañukusqan watapim, Tayta Diosta alto-alto trononpi tiyachkaqta rikurqani, pachanpa patankunatapas temploman huntaykuqta.

Quechua Ayacucho Bible 1987

¹ Rey Uziaspa wañukusqan watapim ñoqa rikurqani Tayta Diosta alto-alto tiyananpi tiyachkaqta chaynataq pachanpa patankunapas temploman huntaykuqta.

Chuya Qellqa 1992

¹ Rey Uziaspa wañukusqan watapim, Tayta Diosta alto-alto trononpi tiyachkaqta rikurqani, pachanpa patankunatapas temploman huntaykuqta.

Isaías 6:1 Iomraidhean Croise

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

2~Reyes 15:7

Rey Azarías wañukuptinmi “Davidpa Llaqtanwan” sutichasqankupi pam-parurqaku, ñawpaq taytankunapa kasqanpi. Paypa rantinpim churin Jotamña munaychakurqa.

2~Crónicas 18:18

Hinaptinmi Micaías nirqa: Tayta Diospa nisqanta uyariychik: Ñoqam rikurqani Tayta Diosta trononpi tiyachkaqta, rikurqanitaqmi hanaq pachapi llapallan serviqninkunatapas alleqninpi hinaspa ichoqninpi sayachkaqta.

Jobwan Sutichasqa Libro 42:5

Qanmantaqa kaykamam uyaylla-uyariq kani, kunanmi ichaqa ñawiywan rikuykuyki.

Éxodo 24:9

Moiseswan kuskam seqarqaku Aarón, Nadab, Abiú hinaspa Israel miraykunamanta qanchis chunka ancianokunapas;

Isaías 1:1

Judá nacionpi rey Uziaspa, rey Jotampa, rey Acazpa hinaspa rey Ezequiaspa munaychakusqanku punchawkunapim, Judá nación chaynataq Jerusalén llaqta imaynam kananmanta Amozpa churin Isaiasman visionpi Tayta Dios qawachirqa.

Isaías 12:4

Chay punchawmi ninkichik: Graciasta qospa Tayta Diosman qaparispa takiychik, tukuy ima ruwasqankunata lliw llaqtakunaman reqsichiychik, sutin hatunchasqa kasqanta yuyariychik.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 66:1

Tayta Diosmi kaynata nin: Hanaq pachaqa tiyanay tronoymi, kay pachañataqmi sarupakunay. ¿Maypitaq wasita ruwapuwankichikman? ¿Maypitaq samarinaypaq allichapuwankichikman?

Ezequiel 1:1

Kimsa chunka watapa tawa kaq killanpa pichqa kaq punchawninpim, Quebar mayupa patanpi preso apasqakunawan kuska kachkarqani, hinaptinmi cielokuna kicharikuykuptin Diospa revelacionninta chaskirqani.

Ezequiel 10:1

Chaymantam chay querubinkunapa hawanpi kaq bovedapi, zafiro rumimanta ruwasqa tronoman rikchakuqta rikurqani.

Ezequiel 10:4

Chaymi Tayta Diospa kanchariynin chay querubinkunapa hawanmanta hoqarikuruspan templopa punkunman rirqa, hinaspam temploman huntaykurqa, Tayta Diospa kanchariyninmi chay patiotapas huntaykurqa.

Daniel 10:17

Taytalláy, ¿imaynataq kay eqo runallayki qanwan rimayman kaynaña mana kallpayuq kachkaspayqa chaynataq samayniypas chinkaruchkaptinñaqa? nispay.

Daniel 7:9

Qawachkaptillaymi reypa trononkuna churasqa karqa. Hinaptinmi huknin tronopi huk Yuyaq runa tiyaykurqa. Paypaqqa pachanpas riti hina yuraq-yuraqmi kasqa, chukchanpas algodón hina yuraq-yuraqmi kasqa, trononpas lenwachkaq nina hinam kasqa, trononpa ruedankunapas rawrachkaq nina hinam kasqa.

Números 12:8

Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa, ¿imanasqamá manaqa manchakurqankichikchu serviqniy Moisespa contranpi rimaytaqa? nispa.

Mateo 25:31

Runapa Churinmi kanchariyninpi llapa angelninkunawan kuska hamuspan kancharichkaq trononpi tiyaykunqa,

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 12:41

Chaynataqa Isaiasqa nirqa, Jesuspa kanchariyninta rikuspanmi, chaymi paymanta rimarqa.

1~Timoteo 6:16

Payllam mana wañuqqa, mana asuykuy atina kanchariq achkiypim kawsakun, manam pipas rikurqachu nitaqmi rikuyta atinmanchu. Payllam llumpay atiyniyuqqa, chaynaqa wiña-wiñaypaqyá yupaychasqa kachun. Amén.

Apocalipsis 15:8

Temploñataqmi Diospa kanchariyninmanta hinaspa atiyninmanta lloqsimuq qosniwan huntasqa karqa. Chay templomanqa manam pipas yaykuyta atirqakuchu, qanchis angelkunapa apasqan qanchis castigokuna tukunankama.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 3:21

Pipas venceqtaqa ñoqawan kuskatam tronoypi tiyachisaq, imaynam ñoqapas vencesqayrayku Taytaywan kuska trononpi tiyaykusqayta hina.

Apocalipsis 4:10

iskay chunka tawayuq ancianokuna wiña-wiñay kawsaqpa otaq tronopi kaqpa qayllanpi qonqorakuspanku coronankuta ñawpaqninman churaykuspanku kaynata yupaychasqaku:

Apocalipsis 4:2

Chaypunillam Espiritupa atiyninwan huntasqa rikurirurqani, hinaspam rikururqani hanaq pachapi tronota chaynataq tronopi huk tiyaqtapas.

Apocalipsis 4:3

Chay tiyaqpa rikchayninqa jaspe alhaja rumimanwan cornalina nisqanku alhaja rumimanmi rikchakusqa. Trononpa muyuriqninpiñataqmi kasqa huk chirapa esmeralda alhaja rumi hina llipipipichkaq.

Apocalipsis 4:9

Runaman rikchakuq chay kawsaqkuna, trononpi tiyaq wiña-wiñaypaq kawsakuq Diosta sapa kuti yupaychaspa hinaspa hatunchaspa graciasta qoptinkuñataqmi,

Apocalipsis 5:1

Chay trononpi tiyaqpa alleq lawninpim rikurqani huk rollota hawanpipas ukunpipas qellqasqata hinaspa qanchis sellowan selloykuspa wichqasqata.

Apocalipsis 5:7

Chay Corderom hamuruspan rollota chaskiykurqa tronopi tiyaq Diospa alleq makinmanta.

Apocalipsis 6:16

Paykunam orqokunatawan qaqakunata nirqaku: “Tronopi tiyaqpa chaynataq Corderopa piñakuyninmanta pakaykuwanaykiku-paqyá hawaykuman tuñiykamuy.